– ەلورداداعى وزەكتى ماسەلەنىڭ ءبىرى – ۇلەستىك قۇرىلىس. تۇرعىنداردىڭ وعان زور قىزىعۋشىلىق تانىتۋىنىڭ بىردەن-ءبىر سەبەبى – ۇلەسكە قاتىسقان كەزدەگى پاتەر قۇنىنىڭ تومەندىگى. سولاي بولا تۇرا ونىڭ قاۋىپ-قاتەرى دە بار. ماسەلەن, قۇرىلىس مەرزىمىنىڭ ۇزاققا سوزىلۋى نەمەسە كومپانيا باسشىلىعىنىڭ ۇلەسكەرلەردى الداپ كەتۋى سىندى جاعىمسىز جايتتار تىركەلۋدە. سونىڭ سالدارىنان داۋعا قالعان نىساندار پايدا بولادى, – دەدى التىنبەك قايساعاليەۆ.
قالا اكىمى ورىنباسارىنىڭ ايتۋىنشا, بۇگىنگى تاڭدا مەملەكەتتىك ورگانداردىڭ جəنە تۇرعىن ءۇي-قۇرىلىس كووپەراتيۆتەرى توراعالارىنىڭ جۇمىسى نəتيجەسىندە سونداي 51 نىسان 48-گە دەيىن ازايدى. بۇل – 13054 ۇلەسكەر ءۇمىت ەتكەن 71 تۇرعىن ءۇي. 3 نىسان پايدالانۋعا بەرىلىپ, تاعى 7 نىسان جىل سوڭىنا دەيىن پاتەر يەلەرىنە تابىستالماق. سونداي-اق 2660 ۇلەسكەردىڭ تاعاتىن تاۋىسقان 19 نىسان بويىنشا ءىس-قيمىل جوسپارلارى ايقىندالدى. بۇل جۇمىستار ينۆەستورلاردى تارتۋ ارقىلى دەربەس جۇزەگە اسىرىلادى. ال 10394 ۇلەسكەردى ۇزدىكتىرىپ, ايرىقشا ماسەلەگە اينالعان 29 نىسان قۇرىلىسى مەملەكەتتىك «نۇرلى جەر» باعدارلاماسى اياسىندا اياقتالادى.
وعان ۇلتتىق قوردان مەملەكەتتىك باعدارلاما شەڭبەرىندە 40 ملرد تەڭگە قاراستىرىلىپتى. Əكىمدىكتىڭ ۋəكىلەتتى ۇيىمى سانالاتىن «ەلوردا قۇرىلىس كومپانياسى» جشس ونىڭ 6 ملرد تەڭگەسىن يگەرسە, جىل سوڭىنا دەيىن تاعى 14 ملرد تەڭگە تيىسىنشە جۇمسالماق. قالعان 20 ملرد تەڭگە 2020 جىلدىڭ ءبىرىنشى جارتىجىلدىعىندا يگەرىلەتىن بولادى. ءسويتىپ الداعى 3-4 جىل مۇعدارىندا داۋعا اينالعان نىساندار قۇرىلىسىن تولىق اياقتاۋ جوسپارلانىپ وتىر. بۇل ماقساتتا بيىل 10 كوپقاباتتى تۇرعىن ءۇيدىڭ قۇرىلىسى اياقتالسا, 2020 جىلى – 20 نىسان, 2021 جىلى – 7 نىسان, 2022 جىلى – 9 ءۇي, 2023 جىلى 4 نىسان قۇرىلىسى ءتامامدالادى.
قالا اكىمىنىڭ ورىنباسارى كەي نىسانداردىڭ جوبالىق-سمەتالىق قۇجاتتاماسىز تۇرعىزىلعانىن دا تىلگە تيەك ەتتى. سونداي-اق ساراپتاما قورىتىندىسى مەن قارجىلىق-تەحنيكالىق اۋديتتىك بولماۋى دا جۇمىستى جۇيەلى جۇرگىزۋگە كوپ كەدەرگى كەلتىرگەن ەكەن. التىنبەك قايساعاليەۆ كەلەشەك ۇلەسكەرگە كەڭەس رەتىندە الدىمەن نۇر-سۇلتان قالاسى əكىمدىگىنىڭ رەسمي سايتىنا كىرۋدى, قۇرىلىس سالۋشىلارعا اقشا تارتۋعا بەرىلگەن رۇقسات تۋرالى مəلىمەتتەرمەن تانىسۋدى ۇسىندى.
– قازاقستاندا قابىلدانىپ جاتقان مەملەكەتتىك قولداۋ شارالارى تۇرعىن ءۇي-قۇرىلىسىنىڭ بەلسەندى دامۋىن قامتاماسىز ەتتى. 2005 جىلدان باستاپ بىرنەشە مەملەكەتتىك باعدارلامانى ىسكە اسىرۋ ناتيجەسىندە جاڭا تۇرعىن ۇيلەردى قولدانىسقا بەرۋ كولەمى ارتتى. ەلىمىز ەگەمەندىككە قول جەتكىزگەلى بەرى بارلىعى 141 ملن شارشى مەتر تۇرعىن ءۇي بوي كوتەرىپ, 1 ملن 300 مىڭ ادامنىڭ باسپانا ماسەلەسىندە جاعدايى جاقساردى. ناتيجەسىندە, كەيىنگى 10 جىلدا 1 قازاقستاندىق ازاماتتىڭ باسپانامەن قامتىلۋى 31%-عا ۇلعايىپ, 21,9 شارشى مەترگە جەتتى. تۇپكى ماقساتىمىز – 2030 جىلعا دەيىن بۇل كورسەتكىشتى 30 شارشى مەترگە جەتكىزۋ, – دەدى مارحابات جايىمبەتوۆ.
