مەكەنجاي جۇمىسىن قامتاماسىز ەتۋ جانە ونى بارلىق جەردە قامتۋ ءۇشىن اۋدانداردا جاستار رەسۋرستىق ورتالىقتارى, جاستار دەنساۋلىق ورتالىقتارى قىزمەت اتقارادى. ءبىلىم بەرۋ مۇمكىندىكتەرىن ارتتىرۋعا, تۇرعىن ءۇي جاعدايلارىن قامتاماسىز ەتۋگە, جاستاردى جۇمىسپەن قامتۋعا باعىتتالعان قولدانىستاعى مەملەكەتتىك باعدارلامالار مەن جوبالاردى جەتىلدىرۋ بويىنشا جۇيەلى جۇمىس اتقارىلۋدا. جاستار ۇكىمەتتىك ەمەس ۇيىمدارى سەكتورىن مەملەكەتتىك قولداۋ جانە دامىتۋ شارالارى تۇراقتى تۇردە جەتىلدىرۋدە.
جاستار ۇكىمەتتىك ەمەس سەكتورىنىڭ بەلسەندىلىگى جاستاردىڭ ازاماتتىق قاتىسۋىنىڭ ماڭىزدى كورسەتكىشى. 2019 جىلعى ساۋىردەگى جاعداي بويىنشا ەلدە جاستاردىڭ 596 ۇيىمى قىزمەت اتقاردى. جاستاردىڭ ۇكىمەتتىك ەمەس ۇيىمدارىنىڭ قىزمەتىنىڭ سپەكترى وتە كەڭ جانە ولاردىڭ ءارتۇرلى ساناتتارىن قامتيدى, ونىڭ ىشىندە مەكتەپ وقۋشىلارى, ستۋدەنتتەر, جۇمىسشىلار, شىعارماشىل جاستار, الەۋمەتتىك وسال جانە باسقا دا جاستار توپتارى. ەڭ ءىرى جاستاردىڭ ۇكىمەتتىك ەمەس ۇيىمدارى «قازاقستان جاستار كونگرەسى» زتب جانە «بىرىڭعاي «جاس ۇلان» بالالار-جاسوسپىرىمدەر ۇيىمى» اقۇ. ايتا كەتەتىن جايت, «جاس ۇلان» 1,6 ميلليوننان استام قازاقستاندىق وقۋشىلاردى بىرىكتىرىپ, جاستار ورتاسىندا ەڭ تانىمال ۇيىم بولىپ وتىر.
جاستار ۇەۇ قىزمەتىنە قاتىسۋعا ۇلكەن قىزىعۋشىلىق تانىتۋدا. «جاستار» عىلىمي-زەرتتەۋ ورتالىعىنىڭ الەۋمەتتىك زەرتتەۋلەر دەرەكتەرى بويىنشا, جاس رەسپوندەنتتەردىڭ
18,4%-ى جاستار ۇيىمدارىنىڭ جۇمىسىنا بەلسەندى قاتىسقىسى كەلەدى.
جاستار رەسۋرستىق ورتالىقتارىنىڭ جۇمىسىنا تارتىلعان جاستاردىڭ ورتاسىندا ساباقتاستىق قالىپتاسادى. ايتا كەتەيىك, 2018 جىلدان قازاقستاننىڭ جاس قىزمەتكەرلەرىنىڭ ۇلتتىق قاۋىمداستىعى جۇمىس ىستەيدى. ول سانى 2 مىڭعا جەتەتىن جاس رەسۋرستىق ورتالىقتارىنىڭ جاستارىمەن جۇمىس ىستەيتىن مامانداردى بىرىكتىرەدى. قاۋىمداستىق Peer-to-Peer ءپرينتسيپى بويىنشا جاس قىزمەتكەرلەرگە بەيرەسمي ءبىلىم بەرۋ يدەياسىن العا جىلجىتادى.
ازاماتتىق قاتىسۋدىڭ ينستيتۋتسيونالدى ەمەس, ونىڭ ىشىندە الەۋمەتتىك جەلىلەردى پايدالانۋ ارقىلى نىساندارى بەلسەندى دامۋدا. نەگىزىنەن ەلىمىزدىڭ ءىرى قالالارىندا جاستار قاۋىمداستىقتارىنىڭ قورشاعان ورتانى قورعاۋ بويىنشا الەۋمەتتىك باستامالارىن, قازاق ءتىلىن كوپشىلىككە تاراتۋ, سالاۋاتتى ءومىر سالتىن ناسيحاتتاۋ, تۇرمىسى تومەن, قارت ازاماتتارعا كومەك كورسەتۋگە باعىتتالعان قايىرىمدىلىق جوبالارىن ىسكە اسىرۋىن الەۋمەتتىك جەلىلەردەن كورە الامىز.
جاستار ۆولونتەرلىك قىزمەتكە بەلسەنە ارالاسا باستادى. 2019 جىلعى ساۋالناما مالىمەتتەرى بويىنشا, قازاقستانداعى ءاربىر ونىنشى جاس ادام ەڭ الدىمەن حالىقتىڭ تۇرمىسى تومەن جىكتەرىمەن بايلانىستى ەرىكتى قىزمەتكە بەلسەندى قاتىسادى.
قورىتىندىلاي كەلە ايتاتىن جايت, 2019 جىلى جاستار جىلى اياسىندا ىسكە اسىرىلعان شارالار جاستاردىڭ ازاماتتىق قاتىسۋ مۇمكىندىكتەرىنىڭ كەڭەيۋىنە سەبەپكەر بولدى. مەملەكەتتىك قولداۋ جانە 2020 جىلعا جوسپارلانعان ۆولونتەر جىلىندا ەرىكتىلىك قىزمەتىن دامىتۋ شارالارى جاستاردىڭ ازاماتتىق قاتىسۋىنىڭ كەڭەيۋىنە سەپتىگىن تيگىزۋى كەرەك.
جاننا كارىموۆا,
پرەزيدەنت جانىنداعى قسزي الەۋمەتتىك-ەكونوميكالىق زەرتتەۋلەر ءبولىمىنىڭ باسشىسى
