2019 جىلدىڭ 8 قاراشاسىندا دوحادا (كاتار) قازاقستان رەسپۋبليكاسى مەن كاتار مەملەكەتىنىڭ اۆياتسيالىق بيلىكتەرى كەلىسسوزدەر جۇرگىزدى. كاتار دەلەگاتسياسىن كاتار ازاماتتىق اۆياتسيا اكىمشىلىگىنىڭ پرەزيدەنتى ابدۋللا ناسەر تۋركي ال-سۋباي مىرزا باسقارسا, ال قازاقستاندىق تاراپقا قازاقستان رەسپۋبليكاسىنىڭ ءىىدم ازاماتتىق اۆياتسيا كوميتەتىنىڭ توراعاسى تالعات لاستاەۆ جەتەكشىلىك ەتتى. كەلىسسوزدەرگە قازاقستان رەسپۋبليكاسىنىڭ كاتارداعى ەلشىسى اسقار شوقىباەۆ, Qatar Airways, ەير استانا, الماتى اۋەجايىنىڭ وكىلدەرى قاتىستى.
ناتيجەسىندە, نۇر-سۇلتان مەن دوحا اراسىندا اپتاسىنا 7 رەيس, الماتى مەن دوحا اراسىندا اپتاسىنا 7 جولاۋشى جانە 7 جۇك رەيسى, سونداي-اق قازاقستاندا ەنگىزىلگەن 5-ءشى «اۋە ەركىندىگىن» ۇسىناتىن «اشىق اسپان» ءتارتىبى اياسىندا تۇراقتى رەيستى ورىنداۋ ءۇشىن قۇقىقتىق بازا بەكىتىلدى.
«Qatar Airways» اۋەكومپانياسىنىڭ اعا ۆيتسە-پرەزيدەنتى فاتحي اتتي مىرزانىڭ اقپاراتى بويىنشا, نۇر-سۇلتان مەن دوحا اراسىنداعى العاشقى رەيستەر بيىلعى جەلتوقسان ايىندا ىسكە قوسۋ جوسپارلانىپ وتىر. بۇل قازاقستاندىق جولاۋشىلارعا الەمنىڭ 160 باعىتى بويىنشا ساياحاتتاۋعا مۇمكىندىك بەرەدى.
انىقتاما ءۇشىن:
Qatar Airways - قاتاردىڭ ۇلتتىق اۋەكومپانياسى, الەمدەگى ەڭ ءىرى اۋە كومپانيالاردىڭ ءبىرى. اۋە پاركى 233 اۋە كەمەسىنەن تۇرادى. اۋەتاسىمالداۋشىنىڭ باستى ترانزيتتىك حابى – دوحا قالاسىنىڭ حاماد حالىقارالىق اۋەجايى. 2018 جىلدىڭ قورىتىندىسى بويىنشا اۋەكومپانيا 29 ميلليونعا جۋىق جولاۋشىنى تاسىمالدادى.
