قازاقستان • 08 قاراشا، 2019

ەلوردادا 23 بالا تەگىن تۇزەتۋ كۋرستارىنان ءوتتى

36 رەتكورسەتىلدى

ەلوردانىڭ ينكليۋزيۆتى بالاباقشاسىندا از قامتىلعان، تولىق ەمەس وتباسىلارىندا تاربيەلەنىپ جاتقان، ەرەكشە قاجەتتىلىكتەرى بار 23 بالا تەگىن تۇزەتۋ كۋرستارىنان ءوتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«ولاردىڭ ىشىندە 10 بالا مەكتەپكە دەيىنگى مەكەمەلەرگە بارادى. وسى جىلدىڭ كوكتەمىندە «Co-Make» قوعامدىق قورى نۇر-سۇلتاندا «روستوك» ينكليۋزيۆتى بالاباقشاسىن اشتى.

ينكليۋزيۆتى بالاباقشادا «بىرگە وقيمىز!» اتتى جوبا ۇيىمداستىرىلعان. جوبا اياسىندا مەكتەپكە دەيىنگى جاستاعى ەرەكشە ءبىلىم بەرۋ قاجەتتىلىكتەرى بار بالالارعا (اۋتيزم، ەستۋ، سويلەۋ، قوزعالىس قابىلەتتەرى بۇزىلعان بالالار) تۇزەتۋ-دامىتۋ ساباقتارى جۇرگىزىلەدى. سونداي-اق جوبا شەڭبەرىندە بالانى الەۋمەتتىك ورتاعا بەيىمدەلەدى. ەرەكشە قاجەتتىلىكتەرى بار بالالارعا ارنالعان بالاباقشا قالا اكىمدىگىنىڭ قولداۋىمەن مۇمكىن بولدى.

«Astana» اكك وپەراتورى بولىپ تابىلاتىن كوممۋنالدىق م ۇلىكتى ءتيىمدى پايدالانۋ باعدارلاماسى اياسىندا ينكليۋزيۆتىك بالاباقشاعا ەسىل اۋدانىنان 500 ش.م. ءۇي-جاي بەرىلدى.

قازىر بۇل جەردە مەكتەپكە دەيىنگى وقىتۋدان 40-قا جۋىق بالا وتۋدە.

بالاباقشادا الەۋمەتتىك-تۇرمىستىق باعدار كابينەتى، ەمدىك دەنە شىنىقتىرۋ زالى، لوگوپەدتەردىڭ، دەفەكتولوگتاردىڭ جەكە جۇمىس كابينەتتەرى، بيولوگيالىق كەرى بايلانىس كابينەتى جۇمىس ىستەيدى.

2020 جىلى ەرەكشە قاجەتتىلىكتەرى بار بالالاردىڭ انالارىن وقىتۋ، ساۋىقتىرۋ كۋرستارىن ىسكە قوسۋ جوسپارلانۋدا»، دەلىنگەن حابارلامادا.




سوڭعى جاڭالىقتار

ۇقساس جاڭالىقتار