قوعام • 08 قاراشا، 2019

اسكەري بارلاۋشىلار كۇنىن اتاپ ءوتتى

20 رەتكورسەتىلدى

جىل سايىن 5 قاراشادا قارۋلى كۇشتەردە اسكەري بار­لاۋشىلار كۇنىن اتاپ وتەدى. بيىل دا اتالعان كۇنگە وراي اسكەري بولىمدەردە شارالار وتكىزىلىپ، وسى سالاداعى ۇز­دىك­تەردى انىقتادى.

اسكەري بارلاۋشىلاردىڭ نەگىزگى ماقساتى – ارەكەتتەگى نەمەسە بولجامدى قارسىلاس تۋرالى، ونىڭ اسكەري رەسۋرس­تارى مەن جاۋىنگەرلىك مۇم­كىن­دىكتەرى، الەمدەگى اسكە­ري احۋال جايىنداعى مالىمەت­تەر­دى الۋ جانە وڭدەۋ بويىنشا كە­شەندى شارالاردى ورىنداۋ.

اسكەري بارلاۋشىلار ۇلت­تىق مۇددەنى قورعاپ، ەلىمىزدىڭ قورعانىس قابىلەتىن نىعايتۋعا ايتارلىقتاي ۇلەستەرىن قوسۋدا. جىل سايىن ولاردىڭ جۇمىس ىستەۋ ادىستەرى مەن تاسىلدەرى دا­مۋ­دا، الايدا نەگىزگى ماقساتى وزگەرگەن جوق.

قازاقستان قارۋلى كۇشتەرى ار­نايى بولىمشەسىنىڭ اسكەري قىز­مەتشىلەرى تۇراقتى تۇردە حالىقارالىق جارىس­تار مەن وقۋ-جاتتىعۋلارعا قاتى­سۋ ار­قىلى وزدەرىنىڭ جاۋىنگەر­لىك داعدىلارىن جەتىلدىرىپ، وزدە­رىنىڭ كاسبيلىگىن دالەل­دەۋدە. سوڭ­عى بىرنەشە اي­دا قازاق­ستان­­نىڭ ارنايى بولىم­­شە­لەرى «التىن ۇكى-2019» سەكىلدى حا­لىق­­­­ارا­لىق­ جارىس­­تار­­­ىنا، «ىس­تىق­كول – اڭى­راقاي-2019»، «دوس­­تا­­رىم-2019»، «تۇلكى ­اۋ­لاۋ­-2019» سىندى وقۋ-جات­تى­عۋ­­­لار­عا قاتىستى. 

جۇكتەلگەن مىندەتتەردى شەشۋ ءۇشىن بارلاۋ تەلەكوم­مۋني­كاتسيالىق، اقپاراتتىق جانە عارىشتىق تەحنولوگيا­لار سالاسىنداعى سوڭعى الەم­دىك جەتىستىكتەر نەگىزىندە قۇ­رىل­عان قازىرگى زامانعى تەح­ني­كالىق قۇرالدارمەن جاب­دىقتالعان. بارلىق ۋاقىتتا اسكەري بارلاۋ مەملەكەت تاع­دى­رىندا ماڭىزدى ءرول ات­قارىپ، ۇلتتىق مۇددەلەردىڭ سەنىمدى قورعاۋشىسى بولدى. ول تاريح بەتتەرىندە ءوزىنىڭ بەينەسىن وزگەرتسە دە، ءوزىنىڭ جاۋىنگەرلىك ماقساتىن ساقتاپ قالدى.

 

 

سوڭعى جاڭالىقتار

ۇقساس جاڭالىقتار