بايتۇرسىن ءىلياس رەسپۋبليكالىق «ەگەمەن قازقستان» گازەتىنىڭ قوستاناي وبلىسىنداعى مەنشىكتى ءتىلشىسى بولىپ 33 جىل قىزمەت ەتكەن بولاتىن. ەلىمىز تاۋەلسىزدىگىن العان جىلداردان باستاپ, بايتۇرسىن اعا الاش ارىسى احمەت بايتۇرسىن ۇلى تۋرالى شابىتتانا جازدى, زەرتتەدى. 1996 جىلعى قوستاناي مەملەكەتتىك ۋنيۆەرسيتەتىنىڭ رەكتورى مارقۇم زۇلقارناي الدامجاردىڭ قولداۋىمەن «اقجول» تاريحي-تانىمدىق ەكسپەديتسياسىن باسقاردى. سول ساپاردان كەيىن احمەتتىڭ تۋعان جەرى, اينالاسى, ءتۇپ-تامىرى تۋرالى «التىن بەسىك» اتتى كىتاپ جازىپ شىقتى. بۇل احمەتتانۋ عىلىمىنا ۇلكەن ۇلەس بولىپ قوسىلدى.
«ەگەمەننىڭ» بەتىندە قوستاناي-تورعاي ءوڭىرىنىڭ تىنىس-تىرشىلىگى, وزىعى مەن وزەكتى پروبلەمالارى تۋرالى بايتۇرسىننىڭ مولدىرەگەن ماقالاسى جارىق كورىپ تۇردى. سونىمەن قاتار بايتۇرسىن اعاي قوستاناي ءوڭىرى ءۇشىن جۋرناليست ماماندار دايىنداۋ ىسىنە دە اتسالىستى. ونىڭ الدىنان ءبىلىم العان قىزدار مەن جىگىتتەر قازىر رەسپۋبليكالىق دەڭگەيدەگى قارىمدى جۋرناليستەر قاتارىن تولىقتىردى.
كەشتە بايتۇرسىن اعايدىڭ ارىپتەستەرى, زامانداستارى يبراگيم اعىتاي, اقىن سەرىكباي وسپان ۇلى, جۋرناليست سەرىك شايمان, عالىم الماس ابسادىق, اقىن ناعاشىباي مۇقاتوۆ, عاينيجامال بەردالينوۆا جانە تاعى باسقالارى ەستەلىكتەر ايتتى.
كەش سوڭىندا ء«بىز بىلەتىن باكەڭ» اتتى ەستەلىك كىتاپتىڭ تۇساۋكەسەرى جاسالدى.
قوستاناي
