كونفەرەنتسيا بارىسىندا اكادەميك ءو.ايتباەۆ, ا.بايتۇرسىنلۆ اتىنداعى ءتىل ءبىلىمى ينستيتۋتىنىڭ ديرەكتورى ە.قاجىبەك, اباي اتىنداعى قازۇپۋ رەكتورى ت.بالىقباەۆ, ش.شاياحمەتوۆ اتىنداعى ء«تىل قازىنا» عىلىمي-پراكتيكالىق ورتالىعىنىڭ باس ديرەكتورى ءا.اسقار, ت.ب. عالىمدار جاڭا ءالىپبي ماسەلەسىنىڭ وزەكتى ماسەلەلەرىن تالقىلادى.
ءتىل ماماندارى وسى كونفەرەنتسيا بارىسىندا 1991 جىلى ۇسىنعان ورتاق تۇركى الىپبيىنە, 1992-1995 جىلدارى حالىقارالىق كونفەرەنتسيالاردىڭ قارارلارىنا سايكەس, 2006-2015 جىلدار ارالىعىندا بعم عك احمەت بايتۇرسىن ۇلى اتىنداعى ءتىل ءبىلىمى ينستيتۋتى زەرتتەۋلەرى ناتيجەسى بويىنشا, 2012 جىلعى 1 جەلتوقساندا تۇركى تىلدەس مەملەكەتتەردىڭ «Türk Keneşi» حالىقارالىق ىنتىماقتاستىق ۇيىمىنىڭ ۇسىنىسىنا سايكەس جانە دە 2015-2016 جىلدارى حالىقارالىق تۇركى اكادەمياسىنىڭ عىلىمي زەردەلەۋى مەن سونىڭ قورىتىندىسىنا وراي ۇسىنىلعان قازاق ءتىلىنىڭ لاتىن گرافيكاسى نەگىزىندەگى ۇلتتىق ءالىپبيىنىڭ نۇسقاسىن نەگزىگە الدى. سونىڭ ناتيجەسىندە قر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ قازاق ءتىلىن لاتىن گرافيكاسىنا كوشىرۋ جونىندەگى جۇمىس توبىنىڭ 2017 جىلى تامىز ايىندا بەكىتكەن ءالىپبيى نەگىزىندە ءبىراۋىزدان تومەندەگى قازاق ءتىلىنىڭ لاتىننەگىزدى ءالىپبيىن قابىلدادى:
A a Ğ ğ L l S s
Ä ä H h M m Ş ş
B b İ i N n T t
Ç ç I ı Ŋ ŋ U u
D d Y y O o Ü ü
E e J j Ö ö V v
F f K k P p W w
G g Q q R r Z z
ەسكەرە كەتەتىن ماسەلە: 1. [ي] دىبىسى y ارپىمەن بەرىلەدى; ء[ى] دىبىسىنىڭ [ى] سىڭارى ۇقساس ı تاڭباسىمەن بەرىلەدى; w ارپىمەن قازاقتىڭ ءتول داۋىسسىز دىبىسى تاڭبالانادى: taw, sawap. 2. حالىقارالىق پراكتيكاعا سايكەس, كەيبىر كىرمە دىبىستار ءتول دىبىستاردى تاڭبالايتىن ارىپتەرمەن بەرىلەدى. بۇل ماسەلە ارنايى ەرەجەمەن رەتتەلەدى – ء[ى] ارپىمەن ءتول سوزدەردە ء[ى] دىبىسى (ini, kim, til, din) جانە كىرمە سوزدەردە [ي] دىبىسى (ministr, internet [مينيستر, ينتەرنەت]) تاڭبالانادى; [u] ارپىمەن ءتول سوزدەردەگى [ۇ] دىبىسىن دا (ult, tul, tur, Nur-Sultan), كىرمە سوزدەردە كەزدەسەتىن داۋىستى [ۋ] دىبىسى دا (universitet, prokuratura) تاڭبالانادى.
الماتى
