بۇدان 7-8 جىل بۇرىن اقتوبەلىك اقىن-جازۋشىلارىنىڭ 50 تومدىق سەريالىق جيناقتارىن شىعارۋ ءىسى بەلگىلەنگەن ەدى. مۇندا ەڭ الدىمەن ەڭ دارىندى دەگەن ورتا جانە كەيىنگى بۋىنداعى شىعارماشىلىق وكىلدەرىنىڭ كىتاپتارىن شىعارۋعا باسىمدىق بەرىلدى.
وسى ورايدا اتاپ وتەرلىك ءجايت كوركەم ادەبيەت ءۇشىن قاجەتتى سەريانىڭ بۇعان دەيىن 23 تومى باسپادان جارىق كورگەندىگى. تاياۋدا اقتوبەلىك زيالى قاۋىم وكىلدەرى تاعى ءبىر جاعىمدى جاڭالىق پەن شىرقاۋى كەلگەن شىعارماشىلىق ءىستىڭ كۋاگەرى بولدى. اتاپ ايتقاندا بەلگىلى اقىن كوسەم ءسوز شەبەرى, وڭىرارالىق «ادىرنا» جۋرنالىنىڭ باس رەداكتورى مەيىرحان اقداۋلەت باستاماسىمەن «اقتوبە كىتاپحاناسى» سەرياسى بويىنشا جەرگىلىكتى اقىن-جازۋشىلاردىڭ 27 توملىق ەڭبەكتەرى تاعى دا جارىق كوردى.
سونىمەن قاتار 23 كە 27 قوسقاندا ەلۋ توم بولىپ قازاقستان جازۋشىلار وداعى اقتوبە وبلىستىق بولىمشەسى مەن اقتوبە وبلىستىق اكىمدىگى بىرلەسىپ قولعا العان جوبانىڭ نۇكتەسى قويىلدى. اقجار ابك جشس باسپاحاناسىنان باسىلىپ شىققان كىتاپتاردىڭ ءار قايسىنىڭ تارالىمى مىڭ دانا. ءارى ونىڭ ارقايسىنىڭ كولەمى باسپا تاباق توڭىرەگىندە. 27 تومدىق جيناققا اقتوبەدەن شىققان بەلگىلى اقىن-جازۋشىلار مەن كەيىنگى جاس تولقىن وكىلدەرىنىڭ تاڭداۋلى تۋىندىلارى ەنگىزىلگەن. الداعى كەزدە ەلۋ تومدىق تولىق سەريامەن جارىق كورگەن اقتوبە اقىن-جازۋشىلارىنىڭ جيناعى وڭىردەگى بارلىق كىتاپحانالارعا قويىلىپ كوپشىلىك ولاردىڭ شىعارماشىلىعىمەن تانىسۋعا مول مۇمكىندىك الماق.
