وتىرىستا تاراپتار ساۋدا-ەكونوميكالىق ىنتىماقتاستىق, اۋىل شارۋاشىلىعى مەن ۆەتەريناريا, ونەركاسىپ, اۆياتسيا مەن كولىك لوگيستيكاسى, الەۋمەتتىك, تۋريزم, IT-تەحنولوگيا سالالارى بويىنشا ەكىجاقتى ءىس-قيمىلدار ماسەلەلەرىن تالقىلادى. بۇدان باسقا, قازاقستاندىق تاۋارلارعا قاتىستى پرەفەرەنتسيالىق رەجىمدى ساقتاۋ ماقساتىندا تاراپتار شۆەيتساريانىڭ تىركەلگەن REX-System ەۋروپالىق وداقتىڭ ەكسپورتتاۋشىلار جۇيەسىن ەنگىزگەنىن ەسكەرىپ, ودان ءارى ءوزارا ءىس-ارەكەتتەردى قوزعادى. سونداي-اق ولار دسۇ, برەتتون-ۆۋد جۇيەسى, ەۋرازيالىق ەكونوميكالىق وداق پەن ء«بىر بەلدەۋ, ءبىر جول» باستاماسى شەڭبەرىندە كوپجاقتى ماسەلەلەردى ءسوز ەتتى.
ىنتىماقتاستىق جىلدارى ىشىندە مەملەكەتتەر ساۋدا مەن ينۆەستيتسيالىق ارىپتەستىك بويىنشا بەلگىلى ءبىر ناتيجەلەرگە قول جەتكىزدى. 2018 جىلدىڭ قورىتىندىسى بويىنشا ەلدەرىمىزدىڭ اراسىنداعى تاۋار اينالىمى 3,1 ملرد, 2019 جىلعى 8 اي ىشىندە 1,5 ملرد اقش دوللارىن قۇرادى. سونىمەن قاتار شۆەيتساريا قازاقستاندى تىكەلەي ينۆەستيتسيالاۋدىڭ جالپى كولەمى بويىنشا 3-ورىنعا يە بولعانىن اتاپ ءوتۋ كەرەك.
ب.سۇلتانوۆ كەزدەسۋلەردىڭ قورىتىندىسى بويىنشا: ء«بىز ءوزارا ساۋدانىڭ قازىرگى جاعدايىن قاراپ شىقتىق. ءبىزدىڭ شۆەيتسارياعا ەكسپورتىمىزدىڭ 80%-ى ەنەرگەتيكالىق كەشەن تاۋارلارى, اتاپ ايتقاندا, مۇناي ەكەنىن ەسكەرسەك, تاۋار اينالىمىنىڭ قۇندىق كولەمى ەنەرگيا تاسىمالداعىشتاردىڭ الەمدىك قۇنىنا وتە تىعىز بايلانىستى. وسىعان وراي ءبىز ەلدەرىمىزدىڭ اراسىندا ءوزارا ساۋدانى جانداندىرۋ, نىعايتۋ جانە ءارتاراپتاندىرۋ قاجەتتىلىگى مەن ماڭىزدىلىعىن راستادىق. شۆەيتساريا قازاقستان ءۇشىن ۇزاق مەرزىمدى پەرسپەكتيۆادا ەكسپورتتىق قىزىعۋشىلىق تۋدىرادى ءارى ەلىمىز شۆەيتسارياعا وڭدەلگەن ءونىمدى ەكسپورتتاۋدى ارتتىرۋعا دايىن. ءبىز تالداۋ جاساپ, مەتاللۋرگيا, ماشينا جاساۋ, تاعام ءونىمى, مۇناي جانە حيميا ونەركاسىبى, توقىما جانە توقىما بۇيىمدارى سياقتى سالالاردا 500 ملن دوللار كولەمىندە 100-دەن استام تاۋار پوزيتسياسىن جەتكىزۋ مۇمكىندىگىن انىقتادىق», دەدى.
تاراپتار ساۋدا-ەكونوميكالىق ىنتىماقتاستىعىن ودان ءارى دامىتۋ ماقساتىندا مەملەكەتتەر اراسىندا ءوزارا ءتيىمدى ەكسپورتتىق جەتكىزۋلەردى تەرەڭدەتۋ مەن ىنتالاندىرۋ جونىندە شەشىمدەر قابىلدادى.
قازاقستاننان شۆەيتسارياعا ەنەرگەتيكا كەشەنى تاۋارلارىن, باعالى مەتالدار مەن اسىل تاستاردى, وڭدەلمەگەن اليۋميني مەن مينەرالدىق رەسۋرستارىن قامتيتىن ءداستۇرلى ەكسپورت قۇرىلىمىن وڭدەلگەن تاۋارلارعا قاراي ەلەۋلى تۇردە وزگەرتۋگە مۇمكىندىك بار. جوعارى ەكسپورتتىق جەتكىزۋدى قولداۋ ءۇشىن ساۋدا جانە ينتەگراتسيا مينيسترلىگى شۆەيتسارلىق ارىپتەستەرگە سوڭعى ۋاقىتتا بولعان, اسىرەسە كورسەتكىشتەردىڭ تومەندەۋىن ەسكەرە وتىرىپ, ءوزارا ساۋداداعى الەۋەتتى پايدالانۋدى ۇسىنادى. شۆەيتساريا دان قازاقستانعا يمپورتتالاتىن نەگىزگى ءداستۇرلى تاۋارلار فارماتسەۆتيكا ونەركاسىبى تاۋارلارى, اتاپ ايتقاندا, دارىلىك زاتتارى, ورتوپەديالىق قۇرىلعىلار, ازىق-ت ۇلىك, ۆاكتسينالار, قول ساعاتتار, ەلەكتر ترانسفورماتورلارى جانە باسقالار. وسىعان بايلانىستى, قازاقستان ساۋدا جانە ينتەگراتسيا ءمينيسترى اتاپ وتكەندەي, «شۆەيتساريا قارجى قىزمەتى, تسيفرلاندىرۋ, ەنەرگەتيكا, حيميا جانە فارماتسەۆتيكا سياقتى سالالارعا ينۆەستور رەتىندە قىزىعۋشىلىق تۋدىرادى».
ء«بىز ءوز تاراپىمىزدان ناقتى جوبالاردى ۇسىنۋعا ءازىرمىز. بىرقاتار پەرسپەكتيۆالى جوبالار بار, ولاردى شۆەيتساريا ۇكىمەتىنە قاراۋعا بەردىك. لوگيستيكا, قۇرىلىس, قۇرىلىس ماتەريالدارىنىڭ ءوندىرىسى, دايىن مەتالل ونىمدەرى, مينەرالدىق ءونىم, مۇناي-حيميالىق مەتاللۋرگيا ونەركاسىبى جانە باسقا سالالار تۋرالى ءسوز قوزعاپ وتىرمىز», دەيدى ب.سۇلتانوۆ. بۇل سالالاردا شۆەيتساريالىق كومپانيالار كوشباسشى بولىپ تابىلادى, ولاردىڭ تاجىريبەسى, اتقارىلعان جۇمىستارى وتە ءتيىمدى.
ايتا كەتەيىك, بۇل وتىرىس شۆەيتساريانىڭ فەدەرالدىق پرەزيدەنتى ۋلي ماۋرەردىڭ قازاقستانعا الداعى رەسمي ساپارىن دايىنداۋدىڭ ماڭىزدى ساتىسىنىڭ ءبىرى.
