اتالمىش شاراعا وبلىستىڭ 10 اگروتەحنيكالىق كوللەدجىندە كاسىبي-تەحنيكالىق ءبىلىم الىپ جاتقان 115 وقۋشى قاتىستى. وبلىستىق ءبىلىم باسقارماسى باسشىسىنىڭ ورىنباسارى ۆالەري گامازوۆ ءوز سوزىندە ماماندار دايارلاۋدىڭ ماڭىزدىلىعىنا توقتالىپ ءوتتى.
جاستاردىڭ شىعارماشىلىق جەتىستىكتەرى «قازاقستاننىڭ اۋىل شارۋاشىلىعى: تاجىريبە, يننوۆاتسيا, پروگرەسس» كورمەسىندە كەڭىنەن كورىنىس تاپتى. ءبىر ايتا كەتەرلىگى, كورمە جوعارى ەستەتيكالىق دەڭگەيدە ۇيىمداستىرىلعان ەكەن. جاستار اراسىندا «تۋعان جەر» بايقاۋى وتكىزىلىپ, ۇمىتكەرلەردىڭ شىعارماشىلىق شەبەرلىكتەرى سىنعا ءتۇستى.
نەگىزگى تاقىرىپقا وراي جۇمىسشى ماماندىقتارىن كەڭىنەن ناسيحاتتاۋ ماقساتىندا «ۇزدىك مەحانيك» بايقاۋى ۇيىمداستىرىلدى. ءبىلىم الۋشىلار اۆتوتراكتودرومدا ءوزارا سايىسقا ءتۇستى. بيزنەس جوسپارلارى مەن عىلىمي جوبالارىن قورعادى. وزدەرى وزەكتى دەپ تانىعان ماسەلەلەردى قىزۋ تالقىلاپ, تاجىريبە الماستى. اگروفورۋم بۇگىنگى جاستاردىڭ اگرارلىق سەكتورعا ءوز ۇلەستەرىن قوسۋعا دايىن ەكەندىكتەرىن كورسەتتى.
