بۇگىن بەسقاراعاي اۋدانىنا جاڭا اكىم تانىستىرىلدى. «ايماق باسشىسىنىڭ وكىمىمەن بۇل لاۋازىمعا وبلىس اكىمىنىڭ ورىنباسارى قىزمەتىن اتقارعان شالقار زامانبەك ۇلى بايبەكوۆ تاعايىندالدى. ول 2017 جىلدان بەرى اۋىل شارۋاشىلىعى, تابيعي رەسۋرستار, جەر قاتىناستارى مەن ۆەتەريناريا سالالارىنا جەتەكشىلىك ەتتى» دەلىنگەن وبلىس اكىمىنىڭ ءباسپاسوز قىزمەتى تاراتقان مالىمەتتە.«شالقار زامانبەك ۇلى – وتە تاجىريبەلى باسقارۋشى. ونىڭ كانديداتۋراسىن ءماسليحات دەپۋتتارى ءبىراۋىزدان قولدادى. ول ءوزىنىڭ تاجىريبەسىن بەسقاراعاي اۋدانىن دامىتۋ بارىسىنداعى ماڭىزدى ماسەلەلەردى شەشۋدە قولداناتىنىنا سەنىمدىمىن», – دەدى شىعىس قازاقستان وبلىسىنىڭ اكىمى دانيال احمەتوۆ اۋدان اكتيۆى الدىندا سويلەگەن سوزىندە.
شالقار بايبەكوۆ 1967 جىلى 6 اقپاندا بۇرىنعى سەمەي وبلىسى, اباي اۋدانىندا دۇنيەگە كەلگەن. 1996 جىلى قازاق مەملەكەتتىك باسقارۋ اكادەمياسىن «ەكونوميكا» ماماندىعى, كەيىن قازاق مەملەكەتتىك زاڭ اكادەمياسىن «زاڭگەر» ماماندىعى بويىنشا ءتامامدادى. قىزمەت جولىن 1988 جىلى سەمەي وبلىسى جاڭاسەمەي اۋداندىق مەملەكەتتىك ساقتاندىرۋ ينسپەكتسياسىنىڭ اعا ينسپەكتورى بولىپ باستادى. 1990 جىلدىڭ شىلدە ايىنان باستاپ سەمەي سالىق ينسپەكتسياسىندا قىزمەت ەتتى. 1999 جىلى پاۆلودار قالاسى, كەيىن استانا مەن قاراعاندى قالالارىندا سالىق كوميتەتىنىڭ توراعاسى بولىپ جۇمىس ىستەدى.
2008 جىلدان 2014 جىلعا دەيىن استانا قالاسى سالىق دەپارتامەنتىنىڭ ەسىل اۋدانى بويىنشا سالىق باسقارماسىن باسقاردى. كەيىن پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمدىق-اۋماقتىق جۇمىس ءبولىمىنىڭ مەملەكەتتىك ينسپەكتورى بولدى.
شىعىس قازاقستان وبلىسى
