ق.توقاەۆ قوعامدى الاڭداتىپ وتىرعان بىرقاتار پروبلەمالارعا ءوز ۇستانىمىن ءبىلدىردى. بۇل ورايدا, پرەزيدەنت ەلباسى ۇستانعان باعىتتان تايمايتىنىن ايتا وتىرىپ, وسى باعىتتى جالعاستىرۋ ءۇشىن جۇيەلى تۇردە رەفورمالار جاساۋ نيەتىن كورسەتتى. بۇل ورايدا, ول جولداۋدا «نەگىزسىز, جۇيەسىز ساياسي ىرىقتاندىرۋ ەلدىڭ ىشكى ساياسي احۋالىنىڭ تۇراقسىزدىعىنا, ءتىپتى مەملەكەتتىلىكتەن ايىرىلۋعا اكەلىپ سوعادى. سوندىقتان ءبىز ساياسي رەفورمالاردى «اسىعىستىققا سالىنباي», كەرىسىنشە, كەزەڭ-كەزەڭىمەن, تاباندى تۇردە جانە جان-جاقتى ويلاستىرىپ جۇزەگە اسىراتىن بولامىز», دەپ اتاپ كورسەتەدى. پرەزيدەنت ق.توقاەۆتىڭ بۇل نيەتى ءىس جۇزىنە اسىرىلا باستادى, ماسەلەن, كوپ بالالى انالارعا جاردەم كورسەتۋ, شاعىن بيزنەسكە جول اشۋ ت.ب. بويىنشا قابىلدانىپ جاتقان شارالار وسىنى دالەلدەپ وتىر.
وعان قوسا, ول مەملەكەتتىك ورگانداردىڭ حالىقپەن تىعىز جۇمىس ىستەۋىن تاپسىرىپ, «ەستيتىن ۇكىمەت» جاساقتاۋعا شاقىردى. وسىنىڭ ارقاسىندا قاتارداعى ازاماتتار اكىمنەن باستاپ تىكەلەي پرەزيدەنتكە شاعىمدانۋ مۇمكىندىگىنە يە بولدى. وسى ورايدا, پرەزيدەنت ەلدە بولىپ جاتقان جانە الاڭداۋشىلىق تۋعىزعان وقيعالارعا ارالاسىپ, ادىلدىك ورناتۋعا ارەكەت جاساي باستادى. بۇل رەتتە, پرەزيدەنتتىڭ باستاماسىمەن قۇرىلعان ۇلتتىق قوعامدىق كەڭەس تە ەلدەگى دەموكراتيا ينستيتۋتتارىن دامىتۋعا ۇلەس قوسۋدا. كەڭەستەگى ادامدار روتاتسيالىق نەگىزدە جۇمىس ىستەۋى ونىڭ قۇرامىنىڭ ۇنەمى جاڭارتىلىپ وتىراتىنىن جانە ازاماتتىق قوعامنىڭ وسى ماڭىزدى ورگانىنىڭ جۇمىسىنا بەلسەندى ليدەرلەر كوپتەپ قاتىساتىنىن بىلدىرەدى.
جولداۋدا سىبايلاس جەمقورلىققا قارسى كۇرەس تولاسسىز جۇرگىزىلەتىنى جانە بيۋدجەت قاراجاتىن دۇرىس پايدالانباۋ فاكتىلەرى ودان ءارى اشكەرەلەنە بەرەتىنى اشىق ايتىلدى. وسىعان بايلانىستى نۇر-سۇلتان قالاسىندا سالىنىپ جاتقان جەڭىل رەلستى كولىك توڭىرەگىندەگى داۋدىڭ حالىق الدىنا شىعارىلۋى وسىنىڭ ايعاعى دەپ ايتۋعا بولادى.
مۋسا ساپاەۆ,
قىرعىزستان جازۋشىلار وداعىنىڭ مۇشەسى, قوعام قايراتكەرى
