ايماقتار • 31 قازان، 2019

نۇرلان نوعاەۆ: مەملەكەتتىك قىزمەتكەرلەردىڭ اشىقتىعى سىبايلاس جەمقورلىقتى بولدىرماۋى ءتيىس

79 رەتكورسەتىلدى

بۇل تۋرالى Nur Otan پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەس وتىرىسىندا اتىراۋ وبلىسىنىڭ اكىمى نۇرلان نوعاەۆ مالىمدەدى.

وبلىس اكىمى ءوڭىردىڭ كۆازيمەملەكەتتىك سەكتورىندا سىبايلاس جەمقورلىق تاۋەكەلدەرىن تومەندەتۋ ءۇشىن كورپوراتيۆتىك باسقارۋدى ەنگىزۋ باستالعانىن اتاپ ءوتتى.

- نەگىزگى ماقسات - ءبىرىنشى باسشىلاردىڭ كەيبىر وكىلەتتىكتەرىن قاداعالاۋ كەڭەستەرىنە بەرۋ، شەشىم قابىلداۋدا اشىقتىلىقتى نەعۇرلىم كۇشەيتىپ، القالى تۇردە ۇجىمداسا قابىلداۋ. كەڭەس جۇمىسىنا قوعامدىق ۇيىمداردىڭ، باق وكىلدەرى قاتىستىرىلادى. بايقاۋشىلار كادر ساياساتى، مەملەكەتتىك ساتىپ الۋ، قارجى-وندىرىستىك ماسەلەلەرىنە قاتىستى شەشىمدەردىڭ قابىلدانۋىنا ارالاسادى. قازىرگى ۋاقىتتا بۇل جاڭاشىلدىق دەنساۋلىق ساقتاۋ سالاسىندا ەنگىزىلۋدە. الداعى ۋاقىتتا ءبىز مۇنى باسقا سالالاردا دا قولدانۋدى جوسپارلاپ وتىرمىز، - دەدى ءوڭىر باسشىسى.

بۇدان باسقا، سىبايلاس جەمقورلىق تاۋەكەلدەرىن تومەندەتۋدىڭ ءتيىمدى ادىستەرىنىڭ ءبىرى -  مەملەكەتتىك ورگانداردىڭ الەۋمەتتىك جەلىلەردەگى اشىقتىعى.

- سىبايلاس جەمقورلىققا قارسى ءىس-قيمىل بويىنشا ماسەلەلەردى شەشۋدىڭ ءبىرى - مەملەكەتتىك قىزمەتشىلەردىڭ پروبلەمالىق ماسەلەلەردى شەشۋ كەزىندە حالىقپەن تىكەلەي بايلانىسىن بولدىرماۋ. ادام فاكتورىن الىپ تاستاۋ. كوپتەگەن ماسەلەلەر ەلەكتروندى فورماتتا شەشىلەدى، - دەدى نۇرلان نوعاەۆ.

حالىققا قىزمەت كورسەتۋدى جاقسارتۋ ماقساتىندا الەۋمەتتىك جەلىلەردە اتىراۋ وبلىسى اكىمدىگىنىڭ Telegram  چات ارنالارى اشىلدى. بۇل ءوڭىردىڭ بارلىق ماسەلەلەرىن جەدەل شەشۋ ءۇشىن وتە ءتيىمدى ارنا. قازىرگى تاڭدا اتىراۋ وبلىسى اكىمدىگىنىڭ چات ارناسىندا 13 مىڭنان استام ادام تىركەلگەن. تەك وسى جىلى حالىقتان 9 مىڭنان استام سۇراق پەن شاعىم ءتۇستى. ولاردىڭ باسىم بولىگى جەدەل شەشىم تاپتى.

اپتا سايىن الەۋمەتتىك جەلىلەردە تىكەلەي ەفيردە مەملەكەتتىك ورگان باسشىلارىنىڭ ەسەبى جۇرگىزىلەدى. مۇنداي ارەكەتتەر سىبايلاس جەمقورلىق ساتتەرىن كورسەتۋ ماسەلەلەرى بويىنشا ادامدارعا تىكەلەي شەنەۋنىكتەرگە جۇگىنۋگە مۇمكىندىك بەرەدى. بۇل تاجىريبە قازىرگى ۋاقىتتا دەنساۋلىق ساقتاۋ سالاسىنداعى مەكەمەلەردە ىسكە اسۋدا. تاياۋ ارادا وزگە دە سالالاردا ەنگىزۋ جوسپارلانىپ وتىر.

ايتا كەتۋ كەرەك، اتىراۋ وبلىسىندا سىبايلاس جەمقورلىق قۇقىق بۇزۋشىلىقتارىنىڭ سانى رەسپۋبليكا بويىنشا سىبايلاس جەمقورلىق فاكتىلەرىنىڭ جالپى سانىنىڭ 6،5% - ىن قۇرايدى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ولار ءۇي بەتىن كورمەي كۇرەسۋدە

ايماقتار • بۇگىن، 14:42

ۇقساس جاڭالىقتار