مەملەكەتتىك ورگانداردى وڭتايلاندىرۋدىڭ باستى ماقساتى – باسەكەگە قابىلەتتى جانە كەپىلدەندىرىلگەن ەڭبەكاقىسى بار جيناقى مەملەكەتتىك اپپارات قۇرۋ ەكەنىن ايتا كەتۋ كەرەك.
اتالعان كەزدەسۋ اياسىندا Adal Bilim جوبالاۋ كەڭسەسى بعم-نىڭ جەكەلەگەن ۆەدومستۆولىق باعىنىشتى ۇيىمداردىڭ ارالىق تالداۋ ناتيجەلەرىن ۇسىندى.
وتكىزىلگەن جۇمىس تۋرالى Adal Bilim جوبالىق كەڭسەسىنىڭ اكىمشىسى سەرگەي پەن اقپارات بەردى.
سونىمەن كۆازيمەملەكەتتىك سەكتوردىڭ ساراپتالاتىن سۋبەكتىلەرىنىڭ ماقساتتارى مەن مىندەتتەرىن سارالاۋ ناتيجەلەرى بويىنشا ولاردىڭ كەيبىر فۋنكتسيالارى بعم دەپارتامەنتتەرىنىڭ فۋنكتسيالارىن قايتالايتىنى, سونداي-اق مەملەكەتتىك قارجىلاندىرۋدىڭ بۇرىنعى كولەمى جاعىنان قاراعاندا, كەيبىر ۇيىمداردىڭ فۋنكتسيالارىنىڭ وزەكتىلىگىن جويعانى انىقتالدى.
مىسالى, «ورلەۋ» باۇو» اق 50%-عا ىسكە قوسىلماعان جانە «نازارباەۆ ينتەللەكتۋالدىق مەكتەپتەرى» جانىنداعى پەداگوگيكالىق شەبەرلىك ورتالىعى جانە ونىڭ فيليالدارىنىڭ, سونىمەن قوسا جەكەمەنشىك وقۋ ورتالىقتارى مەن ۇيىمدارى سەكىلدى باسقا قۇرىلىمداردىڭ بىلىكتىلىكتى ارتتىرۋ كۋرستارىنىڭ باعدارلامالارىن قايتالايدى.
بۇعان قوسا, مەملەكەتتىك تاپسىرمالاردى ءتيىمسىز ىسكە اسىرۋ بەلگىلەرى انىقتالدى. اتاپ ايتقاندا, «كاسىپقور» حولدينگى» كەاق-تىڭ «CLIL ادىستەمەسى: ارنايى پاندەردى اعىلشىن تىلىندە وقىتۋ پروتسەسىندە پاندىك-تىلدىك بىرىكتىرىپ وقىتۋ» بىلىكتىلىكتى ارتتىرۋ باعدارلامالارى.
مىسالى, 20 تىڭداۋشىنىڭ تەك ۇشەۋى عانا كۋرس ماتەريالدارىن ءتۇسىنۋ ءۇشىن اعىلشىن ءتىلىنىڭ جەتكىلىكتى دەڭگەيىنە يە بولدى. سەبەبى ولار اعىلشىن ءتىلىنىڭ وقىتۋشىلارى بولدى. قالعان تىڭداۋشىلار ساۋالناما-پىكىرلەردەگى ماڭىزدى ماسەلە رەتىندە مىنانى اتاپ وتەدى: اعىلشىن ءتىلىن بىلمەۋ, مۇندا كۋرس اعىلشىن ءتىلىنىڭ «Intermediate» دەڭگەيىنەن تومەن ەمەس ناتيجەسى بار تىڭداۋشىلارعا ەسەپتەلىپ جاسالعان.
سونداي-اق ساراپتاما قىزمەتكەرلەرگە نەگىزسىز جانە كومەسكى سىياقى بەرۋ فاكتىلەرىنىڭ بار ەكەنىن كورسەتتى. اتاپ ايتقاندا, بعم-گە باعىنىشتى كەيبىر ۇيىمدارداعى سىياقى مولشەرى قىزمەت ناتيجەسىنە قاتىسسىز قىزمەتكەرلەردىڭ ءبىر لاۋازىمدىق ەڭبەكاقىسىنان باستاپ ءتورت ءجۇز پايىزعا دەيىن قۇرايدى.
ماتەريالدىق-تەحنيكالىق بازانى ساراپتاۋ از عانا قىزمەتكەرى بولا تۇرا عيماراتتار مەن بولمەلەردى ءتيىمسىز پايدالانۋ فاكتىلەرىن انىقتاۋعا مۇمكىندىك بەردى.
سونىمەن نەبارى 70 ادامدىق شتاتى بار «كاسىپقور» حولدينگى» كەاق-تىڭ جالپى اۋماعى 1567 شارشى مەتردى قۇرايتىن عيماراتىن جالعا الۋ شىعىنى 52 547 140 تەڭگەنى قۇرايدى. مىسالى, حولدينگ توراعاسىنىڭ ورىنباسارى 144 ش/م كەڭسە, 48 جانە 40 ش/م سايكەسىنشە دەمالىس جانە قابىلداۋ بولمەسىنە, قۇرىلىمدىق بولىمشە باسشىسى 175 ش/م كابينەتتەرىنە يە بولعان.
ءوز كەزەگىندە, وتىرىسقا قاتىسۋشىلار ءتيىمسىز پايدالانىلعان قاراجاتتى بوساتۋعا مۇمكىندىك بەرەتىن وڭتايلاندىرۋدىڭ ماڭىزدىلىعىن اتاپ ءوتتى. بۇل مينيسترلىك قىزمەتكەرلەرىنە, اسىرەسە اۋماقتىق بولىمشەلەردىڭ قىزمەتكەرلەرىنە, باسەكەگە قابىلەتتى جالاقى تولەۋگە جانە ولاردىڭ ءال-اۋقاتىن ارتتىرۋعا, سونىمەن بىرگە مەملەكەتتىك قىزمەتتەگى جوعارى بىلىكتى كادرلاردى ساقتاپ قانا قويماي, سىبايلاس جەمقورلىق تاۋەكەلدەرىن ەداۋىر تومەندەتۋگە مۇمكىندىك بەرەدى.
