بۇل ەلىمىز ءۇشىن جاۋاپتى ءارى قۇرمەتتى ميسسيا. ياعني قازاقستاننىڭ حالىقارالىق ارەناداعى بەدەلىن نىعايتۋعا مۇمكىندىك بەرەدى جانە شەتەلدەرمەن ارىپتەستىك بايلانىستاردى كەڭەيتۋگە ىقپال ەتەدى.
21-23 قازان ارالىعىندا وتكەن اسسامبلەياعا ەلىمىزدىڭ ەسەپ كوميتەتىنىڭ ءتورايىمى ناتاليا گودۋنوۆا باستاعان دەلەگاتسيا قاتىستى. سونداي-اق اسسامبلەيا اياسىندا 8-سيمپوزيۋم جانە باسقارما كەڭەسىنىڭ 24-وتىرىسى وتكىزىلدى. اسسامبلەيا جۇمىسىنا اۋعانستان, ازەربايجان, بەلارۋس, يران, قازاقستان, قاتار, قىرعىزستان, كۋۆەيت, پاكىستان, پالەستينا, تاجىكستان, تۇرىكمەنستان جانە تۇركيادان كەلگەن 13 ەلدىڭ جوعارى اۋديت ورگاندارىنىڭ وكىلدەرى قاتىستى. كۇن ءتارتىبىنىڭ نەگىزگى تاقىرىپتارى رەتىندە «اۋديت جۇرگىزۋدىڭ تيىمدىلىگى جانە اۋديتورلىق تەكسەرۋلەردىڭ ناتيجەلىلىگى» جانە «مەملەكەت-جەكەمەنشىك ارىپتەستىگى ۇيىمدارىنىڭ ءتيىمدى ءاۋديتى» تاڭدالدى.
ەكوساي باس حاتشىسى دجاۆايد دجەحانگير 2016-2018 جىلدارى جۇرگىزىلگەن جۇمىستىڭ ناتيجەلەرى تۋرالى حاباردار ەتتى. يراننىڭ جانە تاجىكستاننىڭ جاو ۇسىنعان اۋديت جونىندەگى كوميتەتتىڭ ەكوساي ەسەپتەرىن اۋديتورلىق تەكسەرۋ ەسەپتەرى, ەكوساي-دىڭ ترەنينگتىك كوميتەتىنىڭ 19-وتىرىسىنىڭ ەسەبى جانە 2018-2021 جىلدارعا ارنالعان بيۋدجەت قارالىپ, بەكىتىلدى. سونىمەن قاتار ۇيىمنىڭ نەگىزگى باسىمدىقتارى تالقىلاندى جانە ەكوساي-دىڭ 2019-2022 جىلدارعا ارنالعان وقۋ جوسپارى بەكىتىلدى.
ەلىمىزدىڭ ەسەپ كوميتەتىنىڭ ءتورايىمى ناتاليا گودۋنوۆا اسسامبلەيانىڭ نەگىزگى تاقىرىبى بويىنشا بايانداما جاسادى. ول مەملەكەتتىك ءاۋديتتى دامىتۋدىڭ نەگىزگى باعىتتارى تۋرالى ايتىپ, مەملەكەتتىك ءاۋديتتىڭ قارجىلىق باقىلاۋدىڭ ۇلتتىق جۇيەسىن جەتىلدىرۋ بويىنشا قازاقستاننىڭ تاجىريبەسىمەن ءبولىستى.
«2015 جىلى قابىلدانعان «مەملەكەتتىك اۋديت جانە قارجىلىق باقىلاۋ تۋرالى» زاڭ رەسپۋبليكالىق بيۋدجەت جوباسىن شىعىستاردىڭ نەگىزگى باعىتتارى بويىنشا الدىن الا باعالاۋ, بيۋدجەتتىڭ اتقارىلۋىن جانە مەملەكەتتىك جوسپارلاۋ جۇيەسى قۇجاتتارىنىڭ ىسكە اسىرىلۋىن اعىمداعى باعالاۋ, مەملەكەتتىك بورىشتى باسقارۋعا اۋديت جۇرگىزۋ جانە باسقا دا بىرقاتار باعىتتار بويىنشا وكىلەتتىكتەردى بەرە وتىرىپ, ەسەپ كوميتەتىنىڭ فۋنكتسيالارىن ەداۋىر كەڭەيتتى. وسىنى ەسكەرە وتىرىپ, ءبىزدىڭ جۇمىسىمىزدىڭ باستى باعىتى تيىمدىلىكتى تالداۋ جانە ونىڭ وسۋىنە ارنالعان رەزەرۆتەردى انىقتاۋ, سونداي-اق الدىن الۋ شارالارىن قولدانۋ بولدى», دەدى قازاقستاننىڭ ەسەپ كوميتەتىنىڭ باسشىسى.
سونداي-اق ناتاليا گودۋنوۆا قازاقستان رەسپۋبليكاسىنىڭ پارلامەنتى بيىلعى بيۋدجەت قاراجاتى مەن مەملەكەت اكتيۆتەرىن ءتيىمسىز جوسپارلاعانى جانە پايدالانعانى ءۇشىن مەملەكەتتىك ورگانداردىڭ لاۋازىمدى ادامدارىنىڭ جاۋاپكەرشىلىگىن قاتاڭداتۋ بولىگىندە قولدانىستاعى زاڭنامانى وزگەرتۋ جونىندەگى ەسەپ كوميتەتىنىڭ باستاماسىنا قولداۋ بىلدىرگەنىن اتاپ ءوتتى.
ء«بىزدىڭ ويىمىزشا, اتالعان وزگەرىستى قابىلداۋ اۋديتورلىق تەكسەرۋلەردىڭ ناتيجەلىلىگىنە جاعىمدى اسەر ەتەدى جانە ەلدەگى بيۋدجەتتىك جوسپارلاۋ ساياساتىن ايتارلىقتاي وزگەرتەدى. سونىمەن قاتار اۋديتورلىق تەكسەرۋلەردىڭ ناتيجەلىلىگىنە ساپانى باقىلاۋ جۇيەسى دە ماڭىزدى اسەر ەتەدى», دەدى ول.
ەكوساي-دىڭ ترەنينگتىك كوميتەتىنىڭ 19-وتىرىسى بارىسىندا ەكوساي-دىڭ 2019-2022 جىلدارعا ارنالعان دايىنداۋ باعدارلاماسى اياسىندا 2021 جىلى قازاقستاندا «مەملەكەتتىك بورىشقا اۋديت جۇرگىزۋ» وقۋ باعدارلاماسىن وتكىزۋ تۋرالى شەشىم قابىلداندى.
