ولار وبلىس ورتالىعىندا بىرقاتار ءىرى جانە ورتاشا دەڭگەيدەگى ساۋدا ورىندارىندا الەۋمەتتىك ءمانى مەن ماڭىزى جوعارى ازىق-ت ۇلىك تاۋارلارىنىڭ باعاسىنا مونيتورينگتىك زەرتتەۋلەر جۇرگىزدى. تاياۋدا وسى جۇمىستاردىڭ ناتيجەسى تۋرالى ساراپتامالىق تالداۋ جاساپ, اقتوبە وبلىستىق ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ قاراۋىنا ۇسىندى.
وبلىستىق قوعامدىق كەڭەستىڭ مۇشەسى بيجان قالماعامبەتوۆتىڭ سوزىنە سۇيەنسەك, ولار جاز ايلارىندا ەكى توپقا ءبولىنىپ اقتوبە قالاسىنداعى ءىرى ساۋدا ورىندارى ساناتىنداعى ء«انۋار» مەن «دينا» سۋپەرماركەتتەرىندە جانە «تابىس» كوممۋنالدىق بازارىن ارالاپ, ازىق-ت ۇلىكتەردىڭ باعالارىنا ءتيىستى تالداۋلار جۇرگىزگەن. سونىمەن بىرگە قوعامدىق كەڭەستىڭ مۇشەلەرى وزگە دە كوتەرمە بولشەك ساۋدا بازارلارىن ارالاپ, ونداعى احۋالمەن ەگجەي-تەگجەيلى تانىستى. نەگىزگى تۇتىناتىن تاۋارلاردىڭ باعاسىنا باقىلاۋ بارىسى كورسەتكەندەي, وسى كەزەڭدە ايتارلىقتاي وزگەرىستەر بايقالماعان. «سوندىقتان دا مونيتورينگتىك باقىلاۋلار ناتيجەسىن ورتاشا دەڭگەيدە باعالادىق», دەيدى ب.قالماعامبەتوۆ.
راس, بيىلعى 21 تامىز بەن 15 قازان كۇندەرى ساۋدا نۇكتەلەرىندەگى ساتىلعان تاۋارلار باعاسىنىڭ اراسىندا بىرقاتار ايىرماشىلىق بار. بۇل جايت الەۋمەتتىك ماڭىزى جوعارى ازىق-ت ۇلىك باعالارىن باقىلاۋ مەن تۇراقتاندىرۋ جۇمىستارى ۇدايى جۇرگىزىلۋى كەرەكتىگىن كورسەتەدى. قازىر وسى ماقساتتا ساۋدا كاسىپورىندارى يەلەرىمەن كەزدەسىپ, كەڭەسۋ جۇمىستارىن ءجيى وتكىزۋ ءىسى ومىرشەڭ ءتاسىلدىڭ ءبىرى رەتىندە بەلگىلەندى.
سونداي-اق ازىق-ت ۇلىك تاۋارلارىنىڭ باعاسىنا قاتىستى وبلىس ورتالىعى تۇرعىندارى اراسىندا ساۋالدامالىق زەرتتەۋلەر جۇرگىزۋ ىسىنە دە قوعامدىق كەڭەس مۇشەلەرى باستاماشى بولعانىن ايتا كەتكەن ءجون. سايىپ كەلگەندە مۇنىڭ ءبارى باعا مونيتورينگىن قالىپتى دەڭگەيدە ۇستاپ, تۇراقتاندىرۋعا وڭ سەپتىگىن تيگىزەرى انىق.
اتالعان ءىستىڭ ناتيجەلى بولۋىنا بۇدان 4-5 جىل بۇرىن اقتوبە قالاسىندا قۇرىلعان تۇراقتاندىرۋ قورى دا ءتيىستى ىقپال ەتەدى دەگەن ويدامىز. وسى ارقىلى كۇندەلىكتى تۇتىناتىن ازىق- ت ۇلىك ونىمدەرى ارزان باعامەن الەۋمەتتىك دۇكەندەردە ساتىلىپ جۇرگەنى جاعىمدى جايت. اقتوبە وبلىستىق كاسىپكەرلىك باسقارماسى باسشىسىنىڭ ورىنباسارى اسقان كوكەەۆ قازىر تۇراقتاندىرۋ قورى ەسەبىنە 1800 توننا كوكونىس ونىمدەرى جەتكىزىلگەنىن ايتادى. ونىڭ ەسەبىنشە, بۇل مولشەر قالاداعى الەۋمەتتىك توپتار قاتارىنا كىرەتىن تۇرعىنداردى الداعى 2020 جىلدىڭ ءساۋىر ايىنا دەيىن قامتۋعا تولىعىمەن جەتەتىن كورىنەدى.
اقتوبە
