قازاقستان دەلەگاتسياسىن ساۋدا جانە ينتەگراتسيا ۆيتسە-ءمينيسترى قايرات تورەباەۆ باستاپ باردى. ال تيفا ءىس-شارالار باعدارلاماسى شەڭبەرىندە تيفا باسقارۋشى كەڭەسىنىڭ, اقش-تىڭ ەكىجاقتى جۇمىس توپتارىنىڭ – تيفا ەلدەرىنىڭ كەدەن, سانيتارلىق جانە فيتوسانيتارلىق ستاندارتتار, زياتكەرلىك مەنشىك قۇقىقتارى, ايەلدەردىڭ ەكونوميكالىق قۇقىقتارى مەن مۇمكىندىكتەرىن كەڭەيتۋ, سونداي-اق حالىقارالىق ەلەكتروندى ساۋدانى دامىتۋ ماسەلەلەرى بويىنشا جۇمىس توپتارىنىڭ وتىرىستارى وتكىزىلدى.
ءىس-شاراعا قاتىسۋشىلار تيفا وتىرىستارىنىڭ الاڭى ورتالىق ازياداعى ەكونوميكالىق احۋالدى جاقسارتۋعا, ەكىجاقتى, وڭىرلىك جانە جاھاندىق ساۋدانى, سونداي-اق ينۆەستيتسيالىق مۇمكىندىكتەردى كەڭەيتۋگە ىقپال ەتەتىنىن اتاپ ءوتتى. سونىمەن قاتار كۇن ءتارتىبى اياسىندا اۋعان-
ستانعا تيفا كەڭەسىنىڭ تولىق قۇقىلى مۇشەسى مارتەبەسىن بەرۋگە قاتىستى ماسەلە تالقىلاندى. الايدا بۇل ماسەلەنى تالقىلاۋ كەلەسى وتىرىسقا اۋىستىرىلدى.
تيفا وتىرىسى اياسىندا ق.تورەباەۆ اقش كونگرەسىنىڭ كونگرەسسمەندەرى جانە ستاففەرلەرىمەن ەكىجاقتى كەزدەسۋلەر وتكىزدى. تۇراقتى قالىپتى ساۋدا قاتىناستارىن ورناتۋ, قازاقستان تاۋارلارىنا قاتىستى اقش-تىڭ پرەفەرەنتسيا جۇيەسىن قولدانۋدى قايتا قاراۋ, سونداي-اق ساۋدا ەكسپانسياسى تۋرالى اقش زاڭىنىڭ 232-ءبولىمى بويىنشا شارالار قولدانىلۋىنا بايلانىستى قازاقستان رەسپۋبليكاسىن الىپ تاستاۋ ماقساتىندا ءبىزدىڭ ەلىمىزگە قاتىستى اقش-تىڭ دجەكسون-ۆەنيك تۇزەتۋىن جويۋ جونىندەگى ماسەلەلەر تالقىلاندى.
