1963 جىلى اقمولا وبلىسىنىڭ اتباسار اۋدانىندا دۇنيەگە كەلگەن اناتولي حراپاتىي ەسەيە كەلە ءوز ءداۋىرىنىڭ تەڭدەسسىز اۋىر اتلەتتەرىنىڭ ءبىرى بولدى. 82,5 كيلو, 90 كيلو جانە 99 كيلو سالماق دارەجەلەرىندە ونەر كورسەتكەن ول 1988 جىلى سەۋل وليمپياداسىندا باس جۇلدەنى ولجالاپ,1996 جىلى اتلانتا وليمپياداسىندا كۇمىس مەدالدى يەلەندى. 1985-1995 جىلدار ارالىعىندا الەمنىڭ بەس دۇركىن چەمپيونى اتانىپ, سول جارىستا تاعى ەكى مارتە قولا جۇلدەنى ەنشىلەدى. ەۋروپا بىرىنشىلىگىندە بەس رەت توپ جارىپ, ازيا ويىندارىندا ەكى مارتە ەكىنشى ورىنعا تابان تىرەدى. الەمدىك رەكوردتاردى بىرنەشە رەت جاڭارتتى.
ۇلكەن سپورتتان قول ۇزگەننەن كەيىن حراپاتىي قازاقستاننىڭ ۇلتتىق قۇراماسىنىڭ باس باپكەرى بولىپ بىرنەشە جىل ەڭبەك ەتتى. كەيىننەن جاتتىقتىرۋشىلىق مانسابىن ارمياشىلاردىڭ ورتالىق سپورت كلۋبىندا جالعاستىردى.
2008 جىلدىڭ 11 تامىزىندا داڭقتى اۋىر اتلەت اقمولا وبلىسى اۋماعىنداعى ارشالى كەنتىندە جول اپاتىنا ۇشىراپ, سول جەردە قازا تاپتى. ول نەبارى 45 جاستا ەدى...
