ايماقتار • 23 قازان، 2019

زەرەندىدە دۇيسەن بيگە ەسكەرتكىش اشىلدى

32 رەتكورسەتىلدى

قارا ءسوزدىڭ قايماعىن قالقىعان، ەل ىشىندەگى داۋ-شاردى ءادىل شەشىپ، ىنتىماعىن بەكەمدەگەن، باتىرلىعىمەن قول باستاعان دۇيسەن بي ەسەنبەرلى ۇلىنا قويىلعان ەسكەرتكىشتىڭ اشىلۋى وزگەشە ءبىر ءوڭدى شارا بولدى.

زەرەندى وڭىرىندەگى قوشقارباي تاۋىنىڭ ەتەگىن جايلاعان، قاراۋىل دۇيسەن بيدەن تاراعان توعىز  اۋىلدىڭ تۇرعىندارى باس قوسىپ، كەشەگى ەل تۇتاستىعى، قازاقتىڭ اۋىزبىرلىگى جولىندا قياپات تەر توككەن قاسيەتتى اتالارىنىڭ ەسىمىن تاعى ءبىر جاڭعىرتتى. ابىلاي حان زامانىندا ءادىل بي، اسكەري قولباسشى بولعان دۇيسەن بي ەسكەرتكىشىنىڭ اشىلۋ سالتاناتىنىڭ ءوزى كەيىنگى ۇرپاق ءۇشىن ومىرشەڭ ونەگە، ادەمى ۇلگىگە اينالدى.

–2011 جىلى اتامىزدىڭ ارۋاعىن تەبىرەنتىپ ۇلكەن جيىن وتكىزگەن بولاتىنبىز. ەسكەرتكىش ورناتۋ جايلى ءبىر ارمان جۇرەگىمىزدە جۇرەتىن. ەڭ قيىنى بەينەسى. ال، ءومىرى، تاعىلىمدى ءىسى ەل جادىندا. اقىلداسىپ، كوڭىلدەگى نوبايمەن كەسكىنىن بەينەلەدىك. جۇزدەن ارتىق ادام ساراپتاۋعا قاتىستى. ۇرپاقتارى قاراجات جيناپ، اتا اتىن ارداقتاپ، وسىنداي ءبىر يگىلىكتى ءىس ىستەدىك،–دەيدى ولكەتانۋشى عالىم قاسىمحان قۇسايىنوۆ.   

اقتابان شۇبىرىندى، القاكول سۇلامالى زاماندا حالقىنا قامقور بولعان دۇيسەن بي تۋرالى تاريحي دەرەكتەر اۋىزدان-اۋىزعا كوشىپ، كەيىنگى ۇرپاعىنا جەتتى. ەل قامىن ويلاعان يگى نيەت، زور ەڭبەك ەشقاشان ەسكىرمەيدى عوي. ءحۇىى-ءحۇىىى عاسىرلاردىڭ توعىسىندا ءومىر سۇرگەن دۇيسەن بي تۇركىستانداعى قوجا احمەت ياسساۋي كەسەنەسىنىڭ جانىندا جەرلەنگەن. قاسيەتتى جەردەن ءبىر ۋىس توپىراق اكەلىنىپ، ەسكەرتكىش تۇبىنە سالىنىپتى. ەسكەرتكىشتىڭ اشىلۋ راسىمىنە جينالعان جۇرت ىرگەدەگى بي ۇرپاقتارى تۇراتىن  ايدارلى اۋىلىنىڭ ءبىلىم وشاعىنداعى كەمەڭگەر تۇلعا قاراۋىل دۇيسەن ءبيدىڭ مۇراجايىن ارالاپ كوردى. 

جينالعان جۇرتتىڭ ارقايسىسى اسىلدارىن ارداقتاپ، ۇلىلارىن ۇلىقتاۋعا جول اشقان «رۋحاني جاڭعىرۋ» مەملەكەتتىك باعدارلاماسىنىڭ ءمانى مەن مازمۇنى تەرەڭ ءارى ەلدىڭ ەرتەڭگى يگىلىگىنە باعىتتالعاندىعىن جۇرەك تۇپكىرىمەن سەزىنىپ وتىرعاندىقتارىن جەتكىزدى.

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار