رۋحانيات • 23 قازان، 2019

اتالماي نەگە قالسىن مۇسا اتى؟!

46 رەتكورسەتىلدى

ءان-جىردىڭ التىن بەسىگى – كوكشەتاۋدا اقتاڭگەر اقىن، ءانشى-كومپوزيتور، قازاق سسر-ءىنىڭ ەڭبەك سىڭىرگەن مادەنيەت قىزمەتكەرى مۇسا اسايىنوۆتىڭ تۋعانىنا 90 جىل تولۋى ايرىقشا سالتاناتپەن اتالىپ ءوتتى. ءان كەشىنە اقىننىڭ پەرزەنتتەرى مەن انسۇيەر قاۋىم قاتىستى.

وتكەن عاسىردىڭ سوناۋ الپىسىنشى جىلدارى تۇلا بويىنداعى تاماشا تالانتىمەن تانىلعان وت اۋىزدى، وراق ءتىلدى ايتىس اقىنى، اسپانداعى اققۋعا ءۇنىن قوسقان ۇكىلى ىبىرايدىڭ نەمەرەسى مۇسا اسايىنوۆتىڭ اتاق-داڭقى دۇركىرەپ تۇرعان ەدى. اقىننان قالعان رۋحاني مۇرا دا مول. بۇگىنگى كۇنى سول مۇرا جالعىز كوكشەتاۋلىقتاردىڭ عانا ەمەس، جالپى انسۇيەر قاۋىمنىڭ قادىرلەپ-قاستەرلەپ ورىنداۋىمەن زامانداستارىمىزدىڭ كوكىرەگىنە ساۋلە قۇيىپ كەلەدى.

مەرەيتويلىق كونتسەرتتىڭ باعدارلاماسى الماتىدا ءتۇزىلىپتى. قازاقستاننىڭ ەڭبەك سىڭىرگەن قايراتكەرى ەرلان تولەۋتاي ەلىمىزدەگى بەلگىلى انشىلەردىڭ باسىن كوكشەتاۋدا قوستى. ۇكىلى ىبىرايدىڭ «گاككۋ» انىمەن ءان مەككەسىنە ماڭداي تىرەگەن انشىلەردى قازاقستاننىڭ ەڭبەك سىڭىرگەن ءارتىسى، جەزقازعاندىق عالىم مۇحامەدين باستاپ كەلىپتى. بىلەتىندەردىڭ ايتۋىنا قاراعاندا، اۋىزدان اۋىزعا كوشىپ، ماڭگىلىك مۇراعا اينالعان ءبىر عانا «گاككۋدىڭ» توقسان نۇسقاسى بولعان ەكەن. ءاۋ باستا ۇكىلى ىبىراي بابامىز وسى ءبىر عاجايىپ ونەر تۋىندىسىن ءارتۇرلى يىرىمدە شىرقاپ، تۇرلەندىرىپ وتىرعان دەسەدى. بۇگىنگىگە جەتكەن جەتى ءتۇرى بار. كەش بارىسىندا كوكشەتاۋلىق يران سال تاسقارا مۋزىكاسىن ءوزى جازعان «مۇسانىڭ ءانى» مەن «ۇكىلى ىبىرايدىڭ سوڭعى ءسوزىن» ناقىشىنا كەلتىرە ورىنداعاندا، حالىق داۋىلدى كۇنگى تەڭىزدەي تولقىپ كەتتى. قازاقستاننىڭ ەڭبەك سىڭىرگەن قايراتكەرى ۇلتۋ قاباەۆا انسۇيەر قاۋىمدى اشىق داۋىسىمەن باۋراسا، «قازاقكونتسەرتتىڭ» ءانشىسى تەلمان قۇجىمانوۆ ۇكىلى ىبىرايدىڭ «گاككۋىن» ورىنداعاندا تەبىرەنبەگەن جان قالعان جوق شىعار.

قازاق ءانىنىڭ كەمەڭگەر تۇلعالارى –  ءبىرجان سال، اقان سەرى، ۇكىلى ىبىراي، بالۋان شولاق مۇرالارى ءبىر جاڭعىرىپ قالدى. ءان كەشىنە الماتى مەن جەزقازعان، قاراعاندى مەن نۇر-سۇلتان قالالارىنان ارناي    ى كەلگەن انشىلەر دە كىلەڭ ءدۇلدۇل ەكەن. اعايىندى تەلمان، ەرلان جانە جولامان قۇجىمانوۆتار كوكشەتاۋلىق قاۋىمعا ونەرىمەن ولجا سالدى.

مۇسانىڭ ءانى دەگەندە ءوز ورىنداۋىندا كەيبىر اندەرى تاسپاعا جازىلىپ، بەينەسى امان جەتكەن ەكەن. ءان كەشىندە قوڭىر داۋىسپەن ورىنداعان «كوكشەتاۋ» ءانىن تىڭداۋ مۇمكىندىگىنە يە بولدىق. قازاق كسر-ءىنىڭ ەڭبەك سىڭىرگەن ءارتىسى قاپاش ق ۇلىشەۆا دا تۋعان جەرىندەگى تورقالى تويعا ات سالىستى. كەش قوناقتارى – ەرجان بازاربەكوۆ، قۇرماش ىبىشەۆ ءتارىزدى جەزتاڭداي انشىلەرمەن بىرگە كوكشەدەگى ءان تۋىن كوتەرگەن ءداستۇرلى ءانشى قاجىباي جاحيندەر تاماشا ونەر كورسەتتى.

كەش سوڭىندا وبلىس اكىمى ەرمەك مارجىقپاەۆتىڭ اتىنان گۇل دەستەسى ۇسىنىلدى.  كوكشەتاۋ قالاسىنىڭ اكىمى امانگەلدى سمايىلوۆ ونەرپازدارعا اق العىسىن ايتتى. مۇسا اعامىزدىڭ الماتىدان كەلىپ وتىرعان قىزى فاتيما مۇساقىزى جۇرەكجاردى لەبىزىن ءبىلدىردى. ۇلتتىق ونەردىڭ جارقىراعان ءبىر شوكىم جاۋھارىن سىيلاعان مۇسا اقىننىڭ مەرەيتويى وسىلايشا اتالىپ ءوتتى. ءان ۇشقان، ولەڭ قونعان ەلدە مۇساداي اسىلدىڭ اتى نەگە اتالماي قالسىن؟!.   

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار