بۇل قويىلىمدا بىرنەشە قالا تۇرعىنىنىڭ ءومىرى ەرەكشە فورماتتا باياندالدى. سپەكتاكلدىڭ سيۋجەتى قاراپايىم بولعانىمەن, كەز كەلگەن ادامنىڭ جۇرەگىنە جاقىن. الماتىنىڭ اۋلالارىنىڭ بىرىندە ونىڭ تۇرعىندارى باس قوسادى. ولاردىڭ بارلىعى ءتۇرلى كاسىپ يەلەرى, قىزىعۋشىلىقتارى ءار الۋان, الايدا ولاردىڭ بارلىعىن ءبىر ءۇيدىڭ شاتىرى استىندا تاتۋ كورشىلىگى مەن جاقسى وقيعالارعا تولى جارقىن ءومىر بىرىكتىرەدى. سپەكتاكلدە ارتيستەرمەن بىرگە, سۇيىكتى قالامەن بىرگە جاساپ كەلە جاتقان مۋزىكانتتار دا ونەر كورسەتتى.
ء«بىزدىڭ سپەكتاكلىمىز ءوزىمىز تۇرىپ جاتقان قالاعا دەگەن ۇلكەن ماحابباتپەن دايىندالدى. سوڭعى كەزدەردە قالانى سىناپ, مىنەيتىندەر ءجيى تابىلادى. ءبىز ۇنەمى باسقا جەرگە شاھارعا كوشۋگە دايىن كوڭىل-كۇيدە جۇرەمىز. ال سپەكتاكلدى جاساپ جاتقان كەزدە ءبىز نەلىكتەن الماتىنى شىنايى سۇيمەسكە, دەپ ويلادىق. وسىنداعى قيىندىقتاردى جەڭىپ, تاماشا شەشىمدەر تابۋ قاجەت دەگەن وي كەلدى. سپەكتاكل قازاقستاندا ءارتۇرلى جىلدارى جازىلعان, ءبىزدىڭ اتا-انالارىمىز بەن ءوزىمىز سۇيەتىن اندەردەن قۇرالعان. ءدال وسى اندەر ارقىلى ءبىز جۇرەكتەن جۇرەككە جەتكەن سەزىمگە تولى مەرەكەنى سپەكتاكلگە كەلگەندەردىڭ بارىنە سىيلاعىمىز كەلەدى», دەيدى «ARTيشوك» تەاترىنىڭ باسقارۋشى ديرەكتورى ءارى اكتريسا اناستاسيا تاراسوۆا.
الماتى
