ەڭ قىسقا اڭگىمە • 21 قازان، 2019

ەڭ قىسقا اڭگىمە. اسحات ومىرباەۆ

1467 رەتكورسەتىلدى

كەنتاۆر كيەسى

دۇلەي جەل ۇشىرىپ اكەتپەك بولعان تالداعى جالعىز سارى جاپىراقتان كوز الماي، ايعىز تەرەزە جانىندا توسەك تارتىپ جاتقان اقساقال قالتىراي ءتۇستى. كەنەت بولمەگە ساۋ ەتىپ كىرىپ كەلگەن جىگىتىڭ جۇزىنەن جاستىق شاعىن كورىپ، جاس بالاداي جىلاپ جىبەردى. ەس بىلگەلى امەريكاداعى روبەرتتەر وتباسىندا تاربيەلەنگەن ميراس ەدەنگە تىزەرلەي وتىرا كەتىپ، ءاجىم باسقان ساۋساقتاردى ايالاپ:

- امانسىز با، اتا! مەن بۇگىن باقىتىمىن: ءسىزدى كوردىم. ايتىڭىزشى، اكەم قايدا؟ – دەدى.

- وي، اينالايىن! قوش كەلدىڭ، كوزىمنىڭ نۇرى! اكەڭ اۋعاننان سوعىس اياقتالعان جىلى كەلگەن. مىرىش تابىتپەن!

- ال، انام شە؟

- شەشەڭنىڭ ساۋداگەر بولعانىنا وتىز جىلدان استى: سەن جاتپاعان بەسىكتى ءالى ساتا الماي ءجۇر. سەن پەرزەنتحانادان قولدى بولعالى كولەڭكەسىمەن كۇندەس بولىپ ۇرىساتىندى شىعاردى.

- اتا، ءسىز اياق كيىمنىڭ ءبىر جاعىن عانا توزدىرىپسىز عوي.

- ە-ە، فاشيستەردىڭ ارقاسى عوي. ساۋداگەرگە ەكىنشى اياق ءۇشىن دە تولەيمىز. قالىڭ قالاي، نەمەرەم؟ شەتەلدەگى اكە-شەشەڭ ادام بولۋدى ۇيرەتكەن شىعار؟

- ءيا، انام ماعان شاباندوز بولۋدى ۇيرەتتى. اۆياتور اكەمنىڭ پاراشۋتى اشىلماي قالعاندا مەن ون جاستا ەدىم. انام جىل سايىن 31 مامىردا «بۇگىن ءبىزدىڭ وتاسقان كۇنىمىز، ميراس، ءبىزدى وڭاشا قالدىرشى» دەپ وزىنە ءبىر ادامدىق ۇستەل دايىندايتىن. ارعى اتاسى قىپشاق بولعان لۋيزا انام مەنىڭ تۇسىمە نەلىكتەن ىلعي سايىن دالا، شۇرقىراعان جىلقىلار كىرەتىنىن ايتتى. سول ساتكە دەيىن ءتىلىم دە، جۇرەگىم دە امەريكالىق بولعان ەدى; قازىر ءتىلىم – تۇركىگە ورتاق، جۇرەگىم  - كەنتاۆردىكى.  انام دا ەكىنشى ءومىرىن وسىندا وتكىزبەكشى: سىزگە سالەم سالۋعا كەزەك كۇتىپ تۇر.  

  جالعىز جاپىراق ءۇزىلىپ تۇسكەن ساتتە اقساقالدىڭ ءجۇزى قۋانقى تارتىپ، قىرىلداي باستادى.

- اتا، سىزگە نە بولدى؟ – دەپ جانۇشىرا سۇرادى ميراس.

- جانىما اكەڭ كەلىپ تۇر. ول مەنى وزىمەن بىرگە اسان قايعى ارمانداعان جەرۇيىققا الىپ كەتەتىنىڭ ايتتى.

    جىگىتتىڭ جانارى جاسقا شىلاندى. قاريانىڭ اڭعالاعىنىڭ ىشىندە ءسونىپ بارا جاتقان ساۋلەدەن كوز الماي:

- ول سىزگە نە ايتتى؟

- اكە، قاراشاڭىراقتىڭ يەسى كەلدى. جاقسى ءولدىڭ عوي، - دەدى.

اسحات ومىرباەۆ

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار