قوعام • 21 قازان، 2019

ونكولوگيا سالاسىنداعى ساراپشىلار وبىردى ەمدەۋدىڭ وزىق يننوۆاتسيالىق تەحنولوگيالارىن العا تارتتى

43 رەتكورسەتىلدى

سوڭعى كۇندەرى ەلىمىزدىڭ مەديتسينا سالاسىنداعى ايتۋلى وقيعالاردىڭ ءبىرى – نۇر-سۇلتان قالاسىندا تمد ەلدەرىنىڭ ىشىندە تۇڭعىش رەت وتكەن ونكولوگياداعى بۇكىلالىمدىك كوشباسشىلار ءسامميتى بولدى. سونداي-اق اۋقىمدى شارا قر ونكولوگتارى مەن راديولوگتارىنىڭ VII سەزىنە ۇلاستى. سەزد جۇمىسىنا قازاقستان، ورتالىق ازيا، تمد جانە الىس شەتەلدەردەن 500-دەن استام دەلەگات قاتىستى.

سەزدە ءسوز العاندار ونكولوگيالىق اۋرۋلاردى دياگنوستيكالاۋ مەن ەمدەۋدەگى يننوۆاتسيالىق جەتىستىكتەرگە ەرەكشە نازار اۋدارعانى بەلگىلى. سوڭعى جىلدارى بۇل باعىتتا ءاربىر ناۋقاستىڭ جەكە گەنەتيكالىق ەرەكشەلىكتەرىن ەسكەرە وتىرىپ، ەمنىڭ ساپاسىن كوتەرىپ، دەنساۋلىق ساقتاۋ جۇيەسىندەگى شىعىنداردى ازايتۋعا مۇمكىندىك بەرەتىن دەربەستەندىرىلگەن تەراپيا ستراتەگياسىن ازىرلەۋگە باسا نازار اۋدارىلدى.

دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) دەرەكتەرىنە سايكەس، ءداستۇرلى ءتاسىل كەزىندە دەنساۋلىق ساقتاۋداعى بارلىق شىعىنداردىڭ 20-40% قايتارىمسىز شىعىندارعا جاتادى، ياعني ەم-دومعا كەتەتىن قارجى ەمدەلۋشىلەرگە پايدا اكەلمەيدى. بۇل ماسەلە ونكولوگيا سالاسى ءۇشىن دە وزەكتى. ساراپشىلاردىڭ باعالاۋىنشا، كلاسسيكالىق حيميوتەراپيا ناۋقاستاردىڭ تەك 23%-نا عانا كومەكتەسەدى. دەربەستەندىرىلگەن مەديتسينانىڭ ارقاسىندا ءاربىر ناۋقاستىڭ وزىنە ءتيىمدى ەمىن قاجەتتى كەزىندە الىپ، ەمدەۋ ناتيجەلەرىن وزگەرتىپ وتىر. ول ەمدەلۋشىلەرگە ۇزاق جانە ساپالى ءومىر سۇرۋگە كومەكتەسەدى.

قازىرگى تاڭدا الەمدىك تاجىريبەدە دياگنوستيكانىڭ يننوۆاتسيالىق ءادىسى – كەشەندى گەنومدىق پروفيلدەۋ (كگپ) كەڭىنەن قولدانىلادى. كەشەندى گەنومدىق پروفيلدەۋ كەلەسى بۋىندى سەكۆەنيرلەۋ ادىسىمەن جۇزەگە اسىرىلادى (NGS). بۇل يننوۆاتسيالىق ءادىس كەيىننەن ءدال تەراپيانى تاڭداۋ ءۇشىن ناۋقاس ىسىگىنىڭ مولەكۋليارلىق-گەنەتيكالىق بەينەسىن انىقتاۋعا مۇمكىندىك بەرەدى. زەرتتەۋ دەرەكتەرىنە سايكەس، ەكى بىردەي گەنەتيكالىق پروفيل بولمايدى، ياعني گەنەتيكالىق دەرەكتەر نەگىزىندە ءاربىر ناۋقاس ءۇشىن قانداي تەراپيا نەعۇرلىم ءتيىمدى بولاتىنىن بولجاۋعا بولادى.

كەشەندى گەنومدىق پروفيلدەۋدى جۇرگىزۋ ءۇشىن ىسىكتىڭ ءبىر ۇلگىسىندە بارلىق كلينيكالىق ماڭىزى بار گەندەردەگى مولەكۋلالىق-گەنەتيكالىق وزگەرىستەردى تالدايتىن تەست ازىرلەندى. وسى ءادىستىڭ سەزىمتالدىعى مەن ەرەكشەلىگى 95%-دان اسادى. بارلىق گەنەتيكالىق وزگەرىستەردى جانە پرەپاراتتارعا رەزيستەنتتىلىكتىڭ دامۋ قاۋپىن ەسكەرە وتىرىپ، ءاربىر ناقتى ناۋقاستىڭ ىسىگىن تالداۋ، بەلگىلى ءبىر مۋتاتسيالاردى انىقتاۋ ىسىككە قارسى تەراپيانى ءتيىمدى تاڭداۋعا جانە جۇرگىزۋگە مۇمكىندىك بەرەدى. ناتيجەسىندە ەمنىڭ تيىمدىلىگى ايتارلىقتاي ارتادى. جالعان وڭ جانە جالعان تەرىس ناتيجە الۋ قاۋپى ازايادى، ال بۇل ءوز كەزەگىندە ءتيىمسىز تاعايىندالعان پرەپاراتتاردىڭ سانىن ازايتۋعا سەپتىگىن تيگىزەدى.

بۇل تۋرالى سوربوننا ۋنيۆەرسيتەتى ونكولوگيالىق ورتالىعىنىڭ اتقارۋشى ديرەكتورى، پروفەسسور دجوزەف گليگوروۆ: «كوپتەگەن ناۋقاستار ءۇشىن دياگنوستيكانىڭ ءداستۇرلى ادىستەرىن قولدانعاندا الىنعان جالعان تەرىس ناتيجەلەر تارگەتتىك تەراپيانى قولدانۋدىڭ جىبەرىپ الىنعان مۇمكىندىگىنە اينالادى. ول جاۋاپ بەرۋ جيىلىگى، پروگرەسسسىز ءومىر ءسۇرۋ، ءومىر ءسۇرۋ ساپاسى، جالپى ءومىر ءسۇرۋ سياقتى كلينيكالىق ناتيجەلەردى جاقسارتا الادى. كگپ ونكولوگيالىق اۋرۋلاردى ەمدەۋگە باعىتتالعان قاراجاتتى پايدالانۋدى وڭتايلاندىرۋعا مۇمكىندىك بەرەدى. بىرىنشىدەن، بارلىق ىقتيمال مۋتاتسيالاردى انىقتاۋ ءۇشىن كەشەندى ءبىر رەتتىك دياگنوستيكا جۇرگىزۋ ەسەبىنەن، ەكىنشىدەن، ءتيىستى دياگنوستيكاسىز تاڭدالعان ءتيىمسىز تەراپيا شىعىندارىن قىسقارتۋ ەسەبىنەن جۇزەگە اسادى»، دەيدى.

كگپ ءادىسى الەمنىڭ 50-دەن استام ەلىندە، ونىڭ ىشىندە اقش-تا، يزرايلدە، گەرمانيادا، جاپونيادا، ۇلىبريتانيادا قولدانىلادى. عالىمدار كەشەندى گەنومدىق تەستىلەۋدى دەنساۋلىق ساقتاۋ جۇيەسىنىڭ قۇرال-جابدىقتارىنا دەربەستەندىرىلگەن تەراپيانى دامىتۋدىڭ ماڭىزدى قۇرالدارىنىڭ ءبىرى رەتىندە قوسۋ قاجەتتىگى تۋرالى ايتادى. بۇل باعىتتاعى قادامداردى قازاقستاندى قوسا العاندا، كوپتەگەن ەلدەر قولعا الۋدا.

ماسەلەن، الماتىداعى قازاق ونكولوگيا جانە راديولوگيا عىلىمي-زەرتتەۋ ينستيتۋتى قازاقستاندا العاش رەت اقش جانە گەرمانيانىڭ سىرتقى زەرتحانالارىمەن بىرلەسىپ جۇرگىزىلەتىن قاتەرلى ىسىكتەردى كەشەندى گەنومدىق پروفيلدەۋ – ونكولوگياداعى دياگنوستيكانىڭ يننوۆاتسيالىق ءادىسىن ەنگىزگەن.

قازاق ونكولوگيا جانە راديولوگيا عىلىمي-زەرتتەۋ ينستيتۋتى اق ستراتەگيالىق دامۋ دەپارتامەنتىنىڭ ديرەكتورى وكسانا شاتكوۆسكايا: «قازىرگى ۋاقىتتا قازاقستاندا ونكولوگيالىق اۋرۋلارمەن كۇرەسۋدىڭ 2018-2020 جىلدارعا ارنالعان كەشەندى جوسپارى جۇزەگە اسىرىلىپ وتىر. ونىڭ نەگىزگى ماقساتى قاتەرلى ىسىكتەردىڭ اۋىرتپالىعىن تومەندەتۋ بولىپ تابىلادى. وسى باعدارلامانى ىسكە اسىرۋ شەڭبەرىندە وڭىرلەردە بۇكىل الەمدەگى ونكولوگيالىق ناۋقاستاردى تەكسەرۋدىڭ اجىراماس بولىگى بولىپ تابىلاتىن نەگىزگى ورنالاسقان ىسىكتەردىڭ (وكپە وبىرى، مەلانوما، كولورەكتالدى وبىر) مولەكۋليارلىق – گەنەتيكالىق تەستىلەۋىنە نەگىزدەلگەن ونكولوگيالىق اۋرۋلاردى دەربەس دياگنوستيكالاۋدىڭ قازىرگى زامانعى ادىستەرى ەنگىزىلۋدە. ءاربىر ناقتى ناۋقاستىڭ ىسىگىن تالداۋ، بەلگىلى مۋتاتسيالاردى انىقتاۋ (EGFR، BRAF، ALK جانە ت.ب.) ىسىككە قارسى تەراپيانى ءتيىمدى جۇرگىزۋگە مۇمكىندىك بەرەدى»، دەيدى.

كەشەندى گەنومدىق پروفيلدەۋدى قولدانۋ دياگنوستيكانى (تەستەردىڭ سەزىمتالدىعى مەن ەرەكشەلىگى >95%) بارىنشا ءدال جۇرگىزۋگە، ىسىكتەگى مولەكۋلالىق-گەنەتيكالىق وزگەرىستەردى (320 گەننەن استام) انىقتاۋعا جانە بارلىق گەنەتيكالىق وزگەرىستەر مەن رەزيستەنتتىكتىڭ دامۋ قاۋپىن ەسكەرە وتىرىپ، ءاربىر ناقتى جاعدايدا ءتيىمدى تارگەتتىك تەراپيانى دەربەستەندىرىلگەن ىرىكتەۋدى جۇزەگە اسىرۋعا مۇمكىندىك بەرەدى.

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار