قازاقستان • 21 قازان، 2019

ماقساتتار مەن مىندەتتەر ايقىندالا ءتۇستى

16 رەتكورسەتىلدى

قازاقستان رەسپۋبليكاسى پرەزيدەنتى ق.توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى ءوزىنىڭ ەڭ العاشقى قازاقستان حالقىنا جولداۋىندا ەلىمىزدىڭ الداعى كەزەڭگە ارنالعان دامۋ ماقساتتارى مەن مىندەتتەرىن ايقىنداپ بەردى.

جولداۋدىڭ  باسىم باعىتتارىنىڭ ءبىرى رەتىندە ءبىلىم بەرۋدىڭ ساپاسىن جاقسارتۋدى اتاپ ءوتتى. جوعارى ءبىلىم سالاسىندا ماماندار دايارلاۋعا جانە مامانداردى جۇمىسقا ورنالاستىرۋ تالاپتارى كۇشەيتىلەتىن بولادى.

جولداۋ بارىسىندا مەملەكەت باسشىسى وقى­تۋشىلار مەن ۇستازداردىڭ الەۋمەتتىك جاع­دايىنا دا كوڭىل اۋداردى. كەلەسى وقۋ جىلى­نان باستاپ ۇستازداردىڭ جالاقىسى 25 پايىزعا وسەتىنىن جانە 4 جىل ىشىندە ەڭبەك­اقىسى ەكى ەسە ارتاتىنىن ايتىپ كەتتى. بۇل ورايدا جوو وقىتۋشىلارىنىڭ ەڭبەكاقىسى مەم­لەكەتتىك گرانت باعاسىنا بايلانىستى بول­عان­دىقتان، ءبىلىم جانە عىلىم ءمينيسترى ا.ايما­عامبەتوۆتىڭ مەملەكەتتىك گرانت باعاسىن قايتا قاراۋ تۋرالى ۇسىنىسى وزەكتى ەكەنىن ايتا كەتۋ كەرەك.

پرەزيدەنت ەلىمىزدەگى عىلىم سالاسىنىڭ تيىمدىلىگى مەن ساپاسىنا اسا كوڭىل اۋدارۋدى تاپسىردى. تاعى دا ءبىر قولداۋ تاپقان ماسەلە – شاعىن جانە ورتا بيزنەستى دامىتۋ. ەلباسى ۇسىنعان 2050 جىلعا دەيىنگى ۇزاقمەرزىمدى دامۋ ستراتەگياسىنا جانە ۇلت جوسپارىنا ساي­كەس ىسكە اسىرۋىمىز كەرەك بىرقاتار قۇرىلىم­دىق مىندەتتەردىڭ ءبىرى رەتىندە ءتيىمدى شاعىن جانە ورتا بيزنەستى دامىتۋ – قالا مەن اۋىلدى دامىتۋدىڭ نەگىزى ەكەنىن اتاپ ءوتتى. شاعىن، اسىرەسە ميكروبيزنەس ەلىمىزدىڭ الەۋمەتتىك-ەكونوميكالىق جانە ساياسي ومىرىندە ماڭىزدى ءرول اتقارادى. اتاپ ايتقاندا، ەڭ الدىمەن اۋىل تۇرعىندارىنا تۇراقتى جۇمىس بەرەدى، جۇمىسسىزدىقتى ازايتادى. سونىمەن قاتار سالىق بازاسىن قۇراپ، جەرگىلىكتى بيۋدجەتتى نىعايتادى. سونداي-اق جاپپاي كاسىپكەرلىكتى دامىتۋ ساناعا سىڭگەن پاتەرناليستىك پيعىل مەن ماسىلدىقتان ارىلۋعا مۇمكىندىك بەرەدى.

ەگەر دامىعان ەلدەرمەن سالىستىراتىن بولساق، مىسالى، ۇلىبريتانيادا شاعىن جانە  ورتا بيزنەس ءىجو-ءنىڭ  80 پايىزىن قۇراي­تىن بولسا، قازاقستاندا قازىرگى تاڭدا 27 پايىز توڭىرەگىندە بولىپ تۇر، ال 2050 جىلعا دەيىن 50 پايىزعا جەتۋ مەجەسى تۇر. سوندىقتان اتال­عان باستاما شاعىن جانە ورتا بيزنەس دامۋىنا سەرپىلىس بەرەتىنى ءسوزسىز.

وسىعان وراي، Yessenov University-دە كاسىپ­­كەر­لىك ءبىلىم بەرۋ باعىتىندا كاس­پي ءوڭىرى جاس­تارىنىڭ، جاڭا باستاۋشى كاسىپكەر­لەر­دىڭ جانە وقىتۋشىلار قۇرامى اراسىندا  يننو­ۆا­تسيالىق-كاسىپكەرلىك الەۋەتىن ارتتىرۋ، كەلەشەكتە ستارتاپ يدەيالاردى تابىستى بيزنەسكە اينالدىرۋ ماقسا­تىندا «سaspian ەntrepreneurship سenter» ورتالىعى قۇرىلدى.  مۇندا ستۋدەنتتەردىڭ بيزنەس يدەيالارىن، ستارتاپ جوبالارىن دامى­تۋعا قولداۋ كورسەتۋ ارقىلى وڭىردەگى شاعىن بيزنەستىڭ دامۋىنا ۇلەس قوسۋ كوزدەلگەن.

مەملەكەت باسشىسى ءتۋريزمدى دامىتۋعا، اسىرەسە ەكونوميكانىڭ ماڭىزدى سالاسى رەتىندە ەكو جانە ەتنوتۋريزمدى دامىتۋعا ەرەكشە نازار اۋدارۋ كەرەكتىگىن تاپسىردى. بۇل ورايدا، ماڭعىستاۋ ءوڭىرى ءوزىنىڭ گەوگرافيالىق تابيعاتى، تاريحي قۇندى بايلىعى بويىنشا وسى باعىتتا جۇمىستاردى جانداندىرۋعا مۇمكىندىگى زور ەكەنىن كەرەك. ء«تۋريزمدى دامىتۋ ءۇشىن قاجەتتى ينفراقۇرىلىمدى، ءبىرىنشى كەزەكتە جولداردى سالۋدى قامتاماسىز ەتۋ، سونداي-اق بىلىكتى مامانداردى دايارلاۋ ماڭىزدى» دەپ ايتىلعانداي، قازىرگى تاڭدا ۋنيۆەرسيتەتتە تۋريزم سالاسىنا ماماندار دايىنداۋ – ماڭىزدى مىندەتتەردىڭ ءبىرى بولىپ تۇر.

مەملەكەت باسشىسىنىڭ جارلىعىمەن 2020 جىل «ۆولونتەر جىلى» دەپ جاريالاندى. ازاماتتاردىڭ، اسىرەسە جاستاردىڭ، ستۋدەنتتەر مەن وقۋشىلاردىڭ ەرىكتى قىزمەتكە قاتىسۋىن كەڭەيتۋ، ولارعا بەلسەندى ومىرلىك ۇستانىم داعدىلارىن قالىپتاستىرۋ وزەكتى، ماڭىزدى، ازاماتتىق قوعامدى نىعايتۋعا نەگىزدەلگەن جۇمىس ەكەندىگى دە جولداۋدا ايتىلدى. بۇل ورايدا، ۋنيۆەرسيتەتتە جاقسى باس­تاۋ العان «قوعامعا قىزمەت» ءپانىنىڭ اياسىندا ۇكىمەتتىك ەمەس ۇيىمدار، الەۋمەتتىك مەكەمەلەرمەن بىرلەسكەن  مۇمكىندىگى شەكتەۋلى ازا­ماتت­ارعا، مۇگەدەكتەر مەن قارتتارعا ارنال­عان قايىرىمدىلىق اكتسيالار وتكىزىپ، 1500-دەن اسا ەرىكتى ستۋدەنت قاتىسقان جۇزدەن اسا الەۋمەتتىك جوبا ىسكە اسىرىلدى. وسى وراي­دا، وسى جىلدىڭ ءساۋىر ايىندا مەم­لەكەت باسشىسى ق.توقاەۆ ۋنيۆەرسيتەتكە كەل­گەندە وقۋ ورنىنىڭ وسى باعىتتاعى جۇمى­سىنا وڭ باعا بەرگەندىگىن ايتا كەتۋ كەرەك.

مەملەكەت باسشىسىنىڭ جولداۋىندا ايتىلعان باسىمدىقتارى مەن باستامالارىن، ونىڭ قۋاتتى مەملەكەت قالىپتاستىرۋ جولىنداعى كۇش-جىگەرىن شىن جۇرەكتەن قولداپ، جۇزەگە اسىرۋ – بارشامىزدىڭ ماقساتىمىز بەن مۇراتىمىز.

بەرىك احمەتوۆ،

Yessenov University رەكتورى

ماڭعىستاۋ وبلىسى

 

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار