قازاقستان • 21 قازان، 2019

سەرىكتەستىك سەنىمدى نىعايتادى

13 رەتكورسەتىلدى

وتكەن ونجىلدىقتا تۇركى الەمى مەملەكەتتەرى ىنتىماقتاستىقتىڭ پارمەندى تەتىكتەرىن قۇرۋ بارىسىندا ۇلكەن جولداردان ءوتتى. بۇگىندە تۇركىتىلدەس مەملەكەتتەردىڭ ىنتىماقتاستىق كەڭەسى ايماقتىق جانە ەكىجاقتى سەرىكتەستىككە ىقپال ەتەتىن حالىقارالىق الاڭعا اينالدى. كەڭەس باستامالارى تاراپتار اراسىنداعى سەنىمدى نىعايتۋعا جاعداي جاسايدى.

ازەربايجاندا وتكەن تۇركى كەڭەسىنىڭ VII ءسامميتى تۇركىتىلدەس مەملەكەتتەردىڭ ينتەگراتسيالىق الەۋە­تىن تولىقتاي ىسكە اسىرۋ ماسە­لەلەرى سىرتقى ساياساتتىڭ كۇن تار­تىبىندە وزەكتى بولىپ قالا بەرە­تىنىن كورسەتتى. ءوز سوزىندە قازاق­ستاننىڭ تۇڭعىش پرەزيدەنتى نۇرسۇل­تان نازارباەۆ تۇركى كەڭە­سى قىز­مەتىنىڭ باستالۋىمەن سەرىكتەستەر اراسىنداعى قارىم-قاتىناستىڭ اسا ماعىنالى جانە سىندارلى كەزەڭى باستالعانىن ءادىل اتاپ ءوتتى.

سونىمەن قاتار وسى ۇلگىدەگى ءوزارا ءىس-قيمىلدى ودان ءارى دامىتۋ ءۇشىن سانى وزبەكستاننىڭ قوسىلۋى مەن ۆەنگريانىڭ باقىلاۋشى مارتەبەسىن الۋىمەن قوسا العاندا، التىعا دەيىن جەتكەن قاتىسۋشى ەلدەر تاراپىنان قازىرگى گەوساياسي جانە ەكونوميكالىق جاعدايلارعا بەيىمدەلۋدى تالاپ ەتەدى.

بىرىنشىدەن، رەفورمالاۋ­دىڭ ويلاستىرىلعان ستراتەگياسىن قۇرۋ جونىندە ايتا كەتۋ كەرەك. قىرعىزستاندا وتكەن تۇركى كەڭەسى­نىڭ VI سامميتىندە كەزدەسۋگە قاتىسۋ­شىلار وڭتايلاندىرۋ مەن ورتالىقتاندىرۋ ماسەلەلەرىنە باسا نازار اۋدارا وتىرىپ، كەڭەس قۇرىلىمدارىنىڭ جۇمىسىن قايتا قۇرىلىمداۋعا قىزىعۋشىلىق تانىتتى. ءدال وسى ماقساتتا تۇركى ىن­تى­ماق­تاستىق ۇيىمدارىن رە­فور­مالاۋ تۇجىرىمداماسى قۇراس­تىرىلدى.

ەكىنشىدەن، ەكونوميكالىق ءوزارا ءىس-قيمىلدى كەڭەيتۋ باعىتىن جانداندىرۋ قاجەتتىلىگى ارتۋدا. وسى جىلى قاتىسۋشى ەلدەر بىرلەسكەن تۇركى ساۋدا-ونەركاسىپ پالاتاسىن، سونداي-اق تۇركى ينۆەستيتسيالىق-ينتەگراتسيالىق قورىن قۇرۋ سياقتى بىرقاتار ماڭىزدى جوباعا باس­تاماشىلىق ەتتى. اتالعان قۇرى­لىمداردىڭ باستى ماقساتى رەتىندە مۇشە مەملەكەتتەردە ينۆەستي­تسيا­لاردى تارتۋ جانە تۇركى ساۋدا ۇيلەرىن اشۋ ءۇشىن قولايلى جاع­داي­لار جاساۋ بولۋى ءتيىس.

ۇشىنشىدەن، تۇركى كەڭەسى اياسىنداعى ىنتىماقتاستىقتىڭ كەيىن­گى دامۋى ۇزاق مەرزىمدى بولا­شاقتىڭ ستراتەگيالىق كورىنىسىنىڭ بار بولۋىن مەڭزەيدى. باكۋدە وتكەن كەزدەسۋدە تۇركى كەڭەسىنىڭ قۇرمەتتى توراعاسى مارتەبەسىنە يە بولعان نۇرسۇلتان نازارباەۆتىڭ «تۇركى كوزقاراسى – 2040» باعدارلاماسىن ازىرلەۋ تۋرالى ۇسىنىسى وسى قا­جەت­تىلىكتى كورسەتەتىنى ءسوزسىز انىق.

جالپى العاندا، تۇركىتىلدەس مەملەكەتتەردىڭ ىنتىماقتاستىق كەڭەسى ءوزىنىڭ 10 جىل ىشىندەگى قىز­مەتى بارىسىندا قاتىسۋشى ەلدەر­دىڭ ءوزارا قىزىعۋشىلىق تۋدىراتىن كوپتەگەن ماسەلەلەر بويىنشا ۇستانىمدارىن جاقىنداستىرۋعا مۇمكىندىك بەردى دەگەن قورىتىندى جاساۋعا بولادى.

 

ليديا پارحومچيك،

الەمدىك ەكونوميكا جانە ساياسات ينستيتۋتىنىڭ ساراپشىسى

 

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار