قوعام • 21 قازان، 2019

كيبەرقاۋىپسىزدىك ماسەلەسى جاڭا فورماتتا تالقىلاندى

20 رەتكورسەتىلدى

نازارباەۆ ۋنيۆەرسيتەتكە قاراستى مەم­لە­كەتتىك ساياساتتىڭ جوعارى مەكتەبى مەملە­كەتتىك باسقارۋداعى وزەكتى ماسەلەلەردى تالقى­لاۋعا نەگىزدەلگەن كونفەرەنتسيا ۇيىمداس­تىردى. «مەملەكەتتىك باسقارۋ سەكتورىن­داعى اقپاراتتىق تەحنولوگيالار» اتتى كونفە­رەنتسياعا مەملەكەتتىك مەكەمەلەر مەن مەملە­كەتتىك ەمەس ۇيىمداردىڭ باسشىلارى، اقپا­راتتىق تەحنولوگيا سالاسىنداعى بەلگىلى ازاماتتار قاتىستى.

كونفەرەنتسيا بىرنەشە بلوكقا بولىنگەن. ءار بلوك ءارتۇرلى تاقىرىپقا ارنالعان. ۇيىمداس­تىرۋشىلاردىڭ ايتۋىنشا، نەگىزگى كونتسەپتى تەاتر­مەن بايلانىستىرۋعا تىرىسقان. بارىمىزگە بەلگىلى، تەاتر كيىمىلگىشتەن باستالعانداي، كونفەرەنتسيانىڭ دا العاشقى تاقىرىبى قاۋىپسىزدىك شارالارىنا قاتىستى بولدى. وسى ورايدا Kaspersky كومپانياسىنىڭ ورتالىق ازياداعى اتقارۋشى ديرەكتورى ەۆگەني پيتولين «تسيفرلى مەملەكەت: جاڭا قورعاۋشىلار» تاقىرىبىندا بايانداما جاساپ، تسيفرلاندىرۋ سالاسىنداعى جاڭالىقتارمەن ءبولىستى. سونىمەن قاتار تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەك، ءبىلىم جانە عىلىم ۆيتسە-ءمينيسترى رۇستەم بيعاري دە قاتىسۋشىلارمەن كيبەرشابۋىل، كيبەرقاۋىپسىزدىك قۇرالدارى مەن تەحنولوگيالارى تاقىرىبىن تالقىلادى.

كونفەرەنتسيانىڭ ەكىنشى بولىمىندە اق­پا­رات­تارعا شابۋىل جاساۋ، باق پەن مەديا سالا­سىنداعى شابۋىلدار، جالعان اقپاراتتى تەكسەرۋ، كيبەرقاۋىپسىزدىكتى مەملەكەتتىك دارەجەدە شەشۋ مەن بيلىك وكىلدەرىن وقىتۋ، بىلىكتىلىگىن ارتتىرۋ ماسەلەلەرى توڭىرەگىندە اڭگىمە ءوربىپ، قاتىسۋشىلار اقپارات جانە قوعامدىق دامۋ مينيسترلىگىنىڭ وكىلىنە، «بزجق» اق وكىلىنە سۇراقتارىن قويدى. اقپارات كوميتەتى توراعاسىنىڭ ورىنباسارى ميحايل كوميسساروۆ حالىققا قىزمەت كورسەتۋ ورتالىعىنداعى جاڭا تەحنولوگيالار مەن اتالعان سەكتورداعى كيبەرقاۋىپسىزدىك تۋرالى بايانداما جاسادى. ونىڭ ايتۋىنشا، بۇگىندە حالىققا قىزمەت كورسەتۋ ورتالىقتارىندا كەزەك ازايعان. ساراپشى بۇعان وسى سالاداعى جاڭا تەحنولوگيالاردى قولدانۋ ناتيجەسىندە قول جەتكىزىلگەندىگىن ايتادى. ال «بىرىڭعاي جيناقتاۋشى زەينەتاقى قورى» اق وكىلى ەلنۇر شالكيباەۆ اتالعان ۇيىمنىڭ كيبەرقاۋىپسىزدىك پەن نەگاتيۆتى اقپاراتپەن كۇرەسۋ تاجىريبەلەرىمەن ءبولىستى.

كونفەرەنتسيا ەكى كۇنگە سوزىلدى. Micro­soft، Astana LRT، Oberig IT سياقتى الىپ كومپا­نيا­لاردىڭ وكىلدەرى قاتىسقان جيىندا اقپاراتتىق تەحنولوگيالار سالاسىنداعى جاس ماماندارعا سۇحباتتاسۋ، تاجىريبە جيناۋ سەكىلدى مۇمكىندىكتەر جا­سادى.

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار