ايماقتار • 18 قازان، 2019

ە.ايتاحانوۆ:ءبىزدى شەتەلدە تاتۋلىقتىڭ ەتالونى رەتىندە تانيدى

12 رەتكورسەتىلدى

18 قازان - رۋحاني كەلىسىم كۇنى مەرەكەسىنىڭ قارساڭىندا شىمكەنت قالاسىنىڭ اكىمى ەرلان ايتاحانوۆ ءدىني كونفەسسيالاردىڭ باسشىلارىن قابىلدادى. كەزدەسۋدە قالا اكىمى ءدىني كونفەسسيا باسشىلارىمەن ءدىن جۇمىستارى بويىنشا پىكىر الماستى. سونداي-اق جيىنعا قاتىسۋشىلار دىنارالىق قارىم-قاتىناس ماسەلەلەرىن دە تالقىلادى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.

"بۇگىن وزدەرىڭىزدى "رۋحاني كەلىسىم كۇنى" مەرەكەسىمەن شىن جۇرەگىممەن قۇتتىقتاعىم كەلەدى. ءبىز - كوپكونفەسسيالى مەملەكەتپىز. تاۋەلسىزدىك العالى بىرلىگىمىزدىڭ ارقاسىندا ءوسىپ-ءونىپ كەلە جاتىرمىز. ءبىزدى شەتەلدە تاتۋلىقتىڭ ەتالونى دەپ تانيدى. ءبىز وسى ىنتىماق-بىرلىكتىڭ ۇلگىسىن وزىمىزدەن كەيىنگى ۇرپاققا جەتكىزۋىمىز كەرەك. الداعى جىلى مەگاپوليسىمىز تمد ەلدەرىنىڭ مادەني استاناسى اتانباق. ول ءۇشىن جان جاقتى دايىن بولۋىمىز كەرەك. سىزدەر دە سول دايىندىققا، قالا تۇرعىندارىنىڭ ساناسىن وزگەرتۋگە، ىزگىلىكتىڭ ءدانىن سەبۋگە كومەكتەسەدى دەگەن سەنىمدەمىن" دەدى ەرلان قۋانىش ۇلى.

ءماجىلىس بارىسىندا قازاقستان مۇسىلماندارى ءدىني باسقارماسىنىڭ شىمكەنت قالاسى بويىنشا وكىل يمامى، "اقمەشىت" ورتالىق مەشىتىنىڭ باس يمامى باقتىباي بەيسەنباەۆ: "18 قازان - رۋحاني كەلىسىم كۇنى" دەپ اتاۋدىڭ ءوزى ءدىن وكىلدەرىنە دەگەن ۇلكەن قۇرمەت ەكەندىگىن ايتىپ، مەملەكەتىمىزدىڭ ساليقالى ساياساتىن جۇرگىزۋگە، تۇراقتى ءدىني احۋال، مامىراجاي قوعام قالىپتاستىرۋعا وزگە ءدىن وكىلدەرىمەن بىرلەسىپ جۇمىس ىستەيتىندىگىن جەتكىزدى.

سونىمەن قاتار جيىندا «شىمكەنت ەپارحياسىنىڭ شىمكەنت قالاسىنداعى سۆياتو-نيكولسكي كافەدرالدىق سوبورىنىڭ پريحودى» جەرگىلىكتى ءدىني بىرلەستىگىنىڭ ءدىني قىزمەتشىسى الەكساندر موگيلەۆسكي دە ءوز ويىن جەتكىزدى. ء«دىن دە، ءداستۇر دە قوعامدا تىنىشتىق پەن تاتۋلىقتىڭ، ىنتىماق پەن سىيلاستىقتىڭ سالتانات قۇرۋىنا قىزمەت ەتەدى. ءدىني قىزمەت سالاسىنداعى مەملەكەتتىك رەتتەۋدىڭ ءبىر باعىتى – ءدىني احۋالدى زەردەلەۋ جانە تالداۋ ەكەندىگى بەلگىلى. سوندىقتان دا، ءبىز وسى قالىپتاسقان احۋالدى شەشۋدىڭ دۇرىس تەتىكتەرىن قامتاماسىز ەتۋ باستى نازارىمىزدا» دەدى ا.موگيلەۆسكي. 

ال، "شىمكەنت قالاسىنىڭ ەۆرەي قاۋىمى" جەرگىلىكتى ءدىني بىرلەستىگىنىڭ جەتەكشىسى زەليك مۋردۋحاەۆ بولسا مۇنداي مەرەكە تەك تۇراقتى دامىعان قازاقستان سياقتى مەملەكەتتە عانا تويلاناتىنىن تىلگە تيەك ەتتى. 

جينالىس سوڭىندا قالا اكىمى كونفەسسيا باسشىلارىنا ارنايى العىس حات پەن سىيلىقتار تابىستادى.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

ۇقساس جاڭالىقتار