قازىرگى ۋاقىتتا قازاقستاندا مۇگەدەكتىگى بار 690 مىڭ ادام تۇرادى. ولاردىڭ ىشىندە ەڭبەككە قابىلەتتى جاستاعى – 424 مىڭ ادام, زەينەتكەرلىك جاستاعى – 177 مىڭ ادام, 18 جاسقا دەيىنگى بالالار – 89 مىڭ ادام.
2019 جىلعى 9 ايدا مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 198,1 ملرد تەڭگە باعىتتالدى. اعىمداعى جىلدىڭ 1 قازانىنداعى جاعداي بويىنشا الۋشىلار سانى 521 مىڭ 153 ادامدى قۇرادى, جاردەماقىنىڭ ورتاشا مولشەرى – 42 496 تەڭگە. بيىل بۇل ماقساتقا 265,3 ملرد تەڭگە قاراستىرىلعان.
ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك قىزمەتتەر دەپارتامەنتىنىڭ ديرەكتورى ارتەم ءابىلدينوۆتىڭ ايتۋىنشا, مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ بويىنشا جۇمىس كەڭىنەن جۇرگىزىلەدى.
«اعىمداعى جىلعى 1 شىلدەدەن باستاپ مۇگەدەك بالالاردى جانە 18 جاستان اسقان بالا كەزىنەن ءبىرىنشى توپتاعى مۇگەتەكتىگى بار ادامداردى كۇتۋ بويىنشا مەملەكەتتىك جاردەماقى كولەمى ارتتى. ونىڭ مولشەرى
41 578 تەڭگەنى قۇرايدى. بۇگىندە جاردەماقىنىڭ ءبىرىنشى ءتۇرىن 27 ملرد تەڭگە سوماسىنا 84,7 مىڭ ادام, ەكىنشى ءتۇرىن 4,3 ملرد تەڭگە سوماسىنا 13,5 مىڭ ادام الدى», دەدى دەپارتامەنت ديرەكتورى.
جۇمىس بەرۋشىلەر تاراپىنان الەۋمەتتىك اۋدارىمدار جۇزەگە اسىرىلعان ازاماتتار ەڭبەككە قابىلەتىن جوعالتقان كەزدە دە مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) تولەمدەر الاتىنىن ايتا كەتۋ كەرەك. 2019 جىلعى 9 ايدىڭ قورىتىندىسى بويىنشا ماسق-دان 84 مىڭ 139 ادام 10,2 ملرد تەڭگە سوماسىندا جاردەماقى الدى. مۇمكىندىكتەرى شەكتەۋلى ادامداردىڭ الەۋمەتتەنۋ دەڭگەيىن ارتتىرۋ ماقساتىندا ولار تەحنيكالىق كومەكشى (ورنىن تولتىرۋشى) قۇرالدارمەن جانە وڭالتۋ قىزمەتتەرىمەن قامتاماسىز ەتىلەدى. 2019 جىلى بۇل ماقساتقا مۇگەدەكتىگى بار 125 530 ادام ءۇشىن 7,5 ملرد تەڭگە قاراجات قاراستىرىلعان. جىل باسىنان بەرى وسى باعىت بويىنشا 4,8 ملرد تەڭگە يگەرىلدى.
مۇگەدەكتىگى بار ادامداردى الەۋمەتتىك قامسىزداندىرۋ جۇيەسىنىڭ ءبىر باعىتى – جارتىلاي ستاتسيونار جانە ءۇي جاعدايىندا ارناۋلى الەۋمەتتىك قىزمەتتەر كورسەتۋ. 2019 جىلى وسى ماقساتقا رەسپۋبليكالىق بيۋدجەتتەن 1,2 ملرد تەڭگە قاراجات قاراستىرىلعان. بۇگىنگى تاڭدا مۇنداي قىزمەتتەر جالپى سوماسى 688 ملن تەڭگە كولەمىندە 4 مىڭنان استام ازاماتقا كورسەتىلدى.
2030 جىلعا دەيىنگى الەۋمەتتىك دامۋ تۇجىرىمدامادا 2025 جىلعا قاراي قازاقستاندا الەۋمەتتىك قىزمەتتەر مەن الەۋمەتتىك كومەك كورسەتۋدىڭ ينتەگراتسيالانعان مودەلىن قۇرۋ كوزدەلگەن. ارتەم ءابىلدينوۆتىڭ ايتۋىنشا, بۇل مودەل الەۋمەتتىك قولايسىزدىقتىڭ الدىن الۋعا باعىتتالعان.
ء«بىلىم بەرۋ, دەنساۋلىق ساقتاۋ, الەۋمەتتىك قورعاۋ جانە باسقا دا سالالاردىڭ الەۋمەتتىك قىزمەتكەرلەرىنىڭ قىزمەتىن ۇيلەستىرۋ تەتىگى ازىرلەنەدى, بۇل مۇقتاج ازاماتتارعا «جالعىز تەرەزە» قاعيداتى بويىنشا الەۋمەتتىك قىزمەت كورسەتۋگە مۇمكىندىك بەرەدى», دەدى ا.ءابىلدينوۆ. سونىمەن قاتار ول قازىر ينتەگراتسيالانعان مودەلدى ەنگىزۋ بويىنشا قاناتقاقتى جوبا ەلىمىزدىڭ 10 وڭىرىندە (اقمولا, الماتى, باتىس قازاقستان, جامبىل, قاراعاندى, قىزىلوردا, قوستاناي, پاۆلودار وبلىستارى, الماتى, نۇر-سۇلتان قالالارى) ىسكە اسىرىلىپ جاتقانىن ايتتى.
ەسكە سالا كەتەيىك, قازاننىڭ ەكىنشى جەكسەنبىسى ەلىمىزدە مۇگەدەكتىگى بار ادامدار كۇنى بولىپ بەلگىلەنگەن.
