«اقساي» نان-توقاش كومبيناتى بازاسىندا نان كۇنىن مەرەكەلەۋگە ارنالعان سالتاناتتى ءىس-شارا ءوتتى. قازاقستان رەسپۋبليكاسىنىڭ اۋىل شارۋاشىلىعى مينيسترلىگىنىڭ جاۋاپتى حاتشىسى مارات ورازاەۆ قۇتتىقتاۋ ءسوز سويلەپ, نان كومبيناتىنىڭ ەڭبەككەرلەرىن ماراپاتتادى. جىل سايىن رەسپۋبليكانىڭ 700-720 مىڭ توننا نان وندىرىلەدى, بۇل ءوز ءوندىرىسى ەسەبىنەن ەلدىڭ ىشكى قاجەتتىلىگىن قامتاماسىز ەتۋگە مۇمكىندىك بەرەدى. نان-توقاش ونىمدەرىن ءوندىرۋدىڭ جالپى كولەمىندەگى ۇلەسى (1 556,4 ملرد تەڭگە) 14,6% (224,9 ملرد تەڭگە) قۇرايدى.
نان جانە ۇننان جاسالعان كونديتەرلىك ونىمدەر ەكسپورتىنىڭ كولەمى 11,7 مىڭ توننانى, يمپورت - 75,7 مىڭ توننانى قۇرادى. جالپى, 2018 جىلى 800,8 مىڭ توننا نان جانە ۇننان جاسالعان كونديتەرلىك ونىمدەر تۇتىنىلدى, يمپورت ۇلەسى – ىشكى تۇتىنۋدىڭ جالپى كولەمىنىڭ 9,4% - ى.
نان وندىرۋشىلەر حالىقتىڭ نانعا دەگەن سۇرانىسىن قاناعاتتاندىرۋمەن عانا ەمەس, سونىمەن قاتار نارىقتا سۇرانىستىڭ بولۋىنا بايلانىستى شىعارىلاتىن ءونىمنىڭ اسسورتيمەنتىن كەڭەيتۋمەن دە بەلسەندى جۇمىس ىستەيدى: بۇل نەگىزىنەن نان-توقاش, ۇزاق جانە از مەرزىمگە ساقتالاتىن ۇننان جاسالعان كونديتەرلىك ونىمدەر.
اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنا سايكەس اۋىل شارۋاشىلىعى ونىمدەرىن قايتا وڭدەۋمەن اينالىساتىن اوك سۋبەكتىلەرى (ونىڭ ىشىندە نان وندىرۋشىلەر) ءۇشىن مىناداي مەملەكەتتىك قولداۋ شارالارى كوزدەلىپ وتىر اينالىم قاراجاتىن تولىقتىرۋعا بەرىلگەن كرەديتتەر بويىنشا سىياقى مولشەرلەمەسى ونى تەڭگەمەن جىلدىق 5 % (بەس) % - عا, نەگىزگى قۇرالداردى ساتىپ الۋعا-تەڭگەمەن جىلدىق 10% (ون) % - عا تومەندەتۋ جولىمەن سۋبسيديالانادى.سۋبسيديالاردى بەرۋ ءتارتىبى مەن شارتتارى قازاقستان رەسپۋبليكاسى پرەمەر-ءمينيسترىنىڭ ورىنباسارى قازاقستان رەسپۋبليكاسى اۋىل شارۋاشىلىعى ءمينيسترىنىڭ 2018 جىلعى 26 قازانداعى № 436 بۇيرىعىمەن بەكىتىلگەن نان وندىرۋگە ەسەپتەلگەن ققس سوماسىن 70% - عا ازايتۋ.
سونداي-اق «قاراپايىم زاتتار ەكونوميكاسى» باعدارلاماسى شەڭبەرىندە سىياقى مولشەرلەمەسىنە سۋبسيديالاۋمەن نەسيەلەنەتىن باعىتتار تىزىمىنە «نان ءوندىرىسىن» ەنگىزۋ ماسەلەسى قاراستىرىلۋدا.
