كونفەرەنتسياعا كورنەكتى مەملەكەت جانە قوعام قايراتكەرلەرى, قازاقستان حالقى اسسامبلەياسىنىڭ وكىلدەرى, قازاقستاننىڭ ءدىني جانە عىلىمي قاۋىمداستىق وكىلدەرى, جاستار ۇيىمدارى وكىلدەرى قاتىستى. جيىندى نۇر-سۇلتان قالاسى اكىمىنىڭ ورىنباسارى باقتيار ماكەن اشتى.
«ەلباسىنىڭ «ەل بىرلىگى – ەڭ اسىل قاسيەت» دەگەن قاناتتى ءسوزى اينىماس قاعيدا بولا بەرەتىنىن ايتتى. «قازىرگى تاڭدا قازاقستاندا 18 ءدىني كونفەسسيا مەن 130-عا جۋىق ەتنوس وكىلدەرى ءبىر شاڭىراق استىندا تاتۋ-ءتاتتى ءومىر ءسۇرىپ جاتىر. ەلىمىزدە مەشىت, شىركەۋ مەن عيباداتحانالار سانى 3541-ءدى قۇرايدى. 3720 ءدىني بىرلەستىك جۇمىس ىستەپ جاتىر.
قازاقستاندىقتاردى ءبىرتۇتاس ۇلتقا بىرىكتىرەتىن نەگىز – ەلباسىنىڭ بارلىق ۇلتتار مەن دىندەرگە تەڭ مۇمكىندىكتەر بەرەتىن زايىرلى مەملەكەتتىك قۇقىق باعىتى, تاتۋلىق پەن بىرلىك حالقىمىزدىڭ اسىل قۇندىلىقتارىنىڭ ءبىرى», - دەدى باقتيار ماكەن.
ايتا كەتەيىك,قازاقستاندا جىل سايىن رۋحاني كەلىسىم كۇنى اتالىپ وتەدى.«1992 جىلى 18 قازاندا وتكەن ءبىرىنشى دۇنيەجۇزىلىك رۋحاني كەلىسىم كونگرەسىندە قازاقستان رەسپۋبليكاسىنىڭ تۇڭعىش پرەزيدەنتى –ەلباسى ن.نازارباەۆ وسى كۇندى رۋحاني كەلىسىم كۇنى دەپ جاريالادى, بۇل كۇن قاقتىعىستار مەن ارازدىقتارعا موراتوري جاريالاناتىن, جاقىنىنا مەيىرىمدىلىك پەن كومەك كورسەتەتەتىن تاتۋلىق كۇنى رەتىندە تاۋەلسىز مەملەكەت تاريحىنا ەندى»,دەدى قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى داۋرەن اباەۆ. جيىندا, كومپوزيتور, قوعام قايراتكەرى تولەگەن مۇحامەدجانوۆ, قازاقستان حالىقتارى اسسامبلەياسى توراعاسىنىڭ ورىنباسارى شەرزود پۋلاتوۆ, نۇر-سۇلتان قالالىق ءماسليحاتىنىڭ دەپۋتاتى ميراس شەكەنوۆ, كونفەسسياارالىق جانە وركەنيەتارالىق ديالوگتى ىلگەرىلەتۋ دەپارتامەنتى ديرەكتورى قارلىعاش قاليلاحانوۆا, ت.ب. بايانداما جاساپ, بىرلىك پەن تۇراقتىلىقتىڭ ماڭىزدىلىعى, ن.نازارباەۆ ورتالىعىنىڭ دىندەر, كونفەسسيالار, ۇلتتار مەن ەتنيكالىق توپتار اراسىندا ءوزارا قۇرمەت پەن تولەرانتتىلىق يدەيالارىن ىلگەرىلەتۋ بويىنشا الەمدىك جانە ءداستۇرلى دىندەر سەزىنىڭ ماقساتتارىن قامتامسىز ەتۋمەن اينالىساتىنى ايتىلدى.
