22 قازان كۇنى نۇر-سۇلتان قالاسىنداعى ForteBank عيماراتىندا Discovery Channel ساراپشىسىنىڭ "نەگە ءبىز جەك كورەمىز؟" تاقىرىبىنداعى عىلىمي ءدارىسى وتەدى. پسيحولوگ, گەشتالت-تەراپەۆت, كاليفورنيا وتباسىلىق پسيحوتەراپياسى ۋنيۆەرسيتەتىنىڭ سەرتيفيكاتىن يەلەنگەن جاتتىقتىرۋشى سۆەتلانا رۋدوي ادام تابيعاتىندا جەك كورۋشىلىك سەزىمى نەگە جانە قالاي پايدا بولاتىنىن جانە وسى جويقىن قاسيەتكە جاۋاپتى مي مەن جۇيكە جۇيەسىنىڭ اسپەكتىلەرى تۋرالى ايتىپ بەرەدى.
وشپەندىلىك پەن دۇشپاندىق سەزىمدەرى ادامي قارىم-قاتىناستا تىرشىلىك پايدا بولعاننان بەرى بار. وسىدان تۋاتىن گەنوتسيتتەر, سوعىستار جانە ساياسي قاقتىعىستار بارىسىندا ميلليونداعان ادامدار جاپپاي جويىلدى, ال جەك كورۋشىلىك نەگىزىندە ءتۇرلى الەۋمەتتىك توپتار كەمسىتۋشىلىككە ۇشىرادى. جەك كورۋشىلىك كەز كەلگەن جاستاعى, جىنىستاعى جانە ۇلتتاعى ادامدارعا ءتان – كۇندەلىكتى ومىردە, مىسالى, الەۋمەتتىك جەلىلەردە نەمەسە مەكتەپتەردە قورقىتۋ-قورلاۋمەن, الىمجەتتىكپەن كورىنىس تابۋى مۇمكىن. بۇل سەزىم كوپشىلىككە تانىس بولعانىمەن, ونىڭ پايدا بولۋ جانە بايقالۋ مەحانيزمدەرى جايىندا بارلىعى بىلە بەرمەيدى.
جەك كورۋدىڭ فيزيولوگيالىق جانە پسيحولوگيالىق سەبەپتەرىنە ۇڭىلەتىن ءدارىس بارىسىندا ءسىز Discovery Channel-ءدىڭ "نەگە ءبىز جەك كورەمىز؟" اتتى دەرەكتى جوباسىنىڭ فراگمەنتتەرىن تاماشالاي الاسىز. جوبانىڭ اتقارۋشى پروديۋسەرلەرى – "وسكار" سىيلىعىنىڭ يەگەرلەرى ستيۆەن سپيلبەرگ پەن الەكس گيبني. بۇل كارتينا اگرەسسيانىڭ كورىنىستەرىمەن قالاي كۇرەسۋدى ۇيرەتۋگە جانە بولاشاقتا وشپەندىلىك سەبەپتەرىن بولدىرماۋعا ارنالعان زەرتتەۋگە نەگىزدەلگەن. فيلمدە جەك كورۋدىڭ ءارتۇرلى جاعدايلارى قوزعالادى. ماسەلەن, الەۋمەتتىك جەلىلەردەگى ورەسكەل قاراما-قايشىلىق, ءدىني باعىتتاعى قاقتىعىستار, ساياسي كوزقاراستاردىڭ ارتۇرلىلىگىنە بايلانىستى دۇشپاندىق, ۇلتىنا بايلانىستى كەمسىتۋشىلىك جانە سپورتتىق جارىستار بارىسىنداعى اگرەسسيۆتى باسەكەلەستىك.
ءدارىس اياقتالعاننان كەيىن ءسىز سپيكەرگە جەك كورۋشىلىك تۋرالى ءوزىڭىزدى قىزىقتىرعان بارلىق ساۋالدارىڭىزدى قويا الاسىز. سۆەتلانا رۋدوي, سونداي-اق ينتەراكتيۆتى ساباق وتكىزەدى, ونىڭ اياسىندا اركىم وزىندەگى جەك كورۋشىلىك سەزىمى جانە ونىمەن قالاي كۇرەسۋ كەرەكتىگى تۋرالى جان-جاقتى بىلە الادى.
دارىسكە كىرۋ ءۇشىن مىناۋ سىلتەمە بويىنشا الدىن الا تەگىن تىركەلۋ قاجەت. ءدارىستىڭ باستالۋ ۋاقىتى: 19:30. بايلانىس تەلەفونى: + 7 (701) 887 83 26
