ونىڭ اياسىندا ەلشى ق. تۋمىش وار باسشىسىنا قازاقستان پرەزيدەنتى قاسىم-جومارت توقاەۆتىڭ سالەمى جانە جىلى لەبىزدەرىن جەتكىزىپ, اسىرەسە وسى ەلدىڭ بۇل ايداعى بۇۇ قاۋىپسىزدىك كەڭەسىنە ءساتتى توراعالىق ەتۋىنە بايلانىستى, مەملەكەتارالىق ىنتىماقتاستىقتى بايلانىستاردىڭ بارلىق سپەكترى بويىنشا نىعايتۋعا باعىتتالعان قازاقستان-وڭتۇستىك افريكالىق ساياسي, ەكونوميكالىق, مادەني جانە گۋمانيتارلىق قاتىناستاردىڭ جوعارى دەڭگەيىن اتاپ ءوتتى.
ەلشى, ءوزارا ءتيىمدى ىنتىماقتاستىق تەتىكتەرىن ودان ءارى جەتىلدىرۋ جونىندەگى كۇش-جىگەردى ودان ءارى دامىتۋعا باسشىلىعىمىزدىڭ مۇددەلىلىگىن راستاپ, پرەزيدەنت توقاەۆتىڭ بيىلعى يناۋگۋراتسيالىق ءراسىمى جانە قازاقستان حالقىنا جولداۋى سياقتى سويلەگەن ەڭ ماڭىزدى سوزدەرىنىڭ شەڭبەرىندەگى نەگىزگى باعىتتارىن مازمۇندادى. قازاقستاننىڭ ءوز ەكونوميكاسىن ءارتاراپتاندىرۋ, ترانزيتتىك-كولىكتىك الەۋەتىن دامىتۋ جانە ينۆەستيتسيالاردى تارتۋ جونىندەگى شارالارىن اتاپ ءوتىپ, سۇحباتتاستى ساياسي جانە الەۋمەتتىك-ەكونوميكالىق سالالارداعى ەلىمىزدىڭ دامۋ پەرسپەكتيۆالارى تۋرالى حاباردار ەتتى. ايتالىق, ءوز لاۋازىمىنا 2019 جىلعى مامىر ايىندا سايلانعان پرەزيدەنت س. راماپوزانىڭ جاڭا باستامالارى مەملەكەت باسشىمىزدىڭ رەفورمالارىمەن ۇشتاسىپ كەلەدى.
ق.تۋمىش كوپجاقتىلىقتىڭ, سونداي-اق سوعىسقا قارسى جانە انتيادرولىق ساياساتتىڭ بەرىك جاقتاۋشى دەگەن ابىروي-بەدەلىن ءجيى دالەلدەگەن ەكى تاراپتىڭ حالىقارالىق ۇيىمدار شەڭبەرىندە, اتاپ ايتقاندا, قازاقستاننىڭ 2017-2018 جج. جانە وار-دىڭ 2019-2020 جىلدارداعى بۇۇ قاۋىپسىزدىك كەڭەسىندەگى مۇشەلىگى كەزەڭىندە, ىنتىماقتاستىقتى تەرەڭدەتۋ قاجەتتىلىگىنە نازار اۋداردى. ول وڭتۇستىك افريكانى ءۇش ديالوگ نەگىزىندە جاڭا گەوساياسي قۇبىلىستى قۇرۋ, سونداي-اق عالامشارىمىزدى تەرروريزمنەن جانە جاپپاي قىرىپ-جويۋ قارۋلارىنان ازات ەتۋ بويىنشا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ماڭىزدى باستامالارىن قولداۋعا شاقىردى.
سونىمەن قاتار ەلىمىز ناسيحاتتايتىن توزىمدىلىك, سونداي-اق ءارتۇرلى ۇلتتار جانە دىندەر اراسىنداعى تاتۋلىق پەن كەلىسىم يدەيالارى تۋرالى مالىمدەپ, ەلشى ەكى ەلدى دە بايىتاتىن قازاقستان جانە وار حالىقتارىنىڭ پوليەتنيكالىق جانە پوليكونفەسسيالىق قۇرامى تۋرالى اڭگىمەلەپ بەردى.
پرەزيدەنت س.راماپوزانىڭ مالىمدەۋىنشە: «سىزدەر سياقتى دوستارمەن ءبىز جاھاندىق باسقارۋدىڭ ەرەجەلەرگە نەگىزدەلگەن كوپجاقتى جۇيەسىن قورعاۋعا جانە نىعايتۋعا ءبىر-ءبىرىن بايلانىستىراتىن جانە نىعايتاتىن كەدەيلىك,تەڭسىزدىك سوعىس,تەرروريزم جانە كليماتتىڭ وزگەرۋى سياقتى عالامدىق قيمىل جاساۋىمىز قاجەت.
بولمىش ەلدىڭ باسشىسى ەكونوميكالىق ماسەلەلەرگە توقتالىپ,ءبىر-بىرىنە تۋريستىك ساپارلاردى قولداۋعا جانە ءوزارا ينۆەستيتسيالاردى ىلگەرىلەتۋگە شاقىردى: «وسى ورايدا, كەلەسى ايدا,5-7 قازان كەزەڭىندە, ءبىز ەكىنشى وڭتۇستىك افريكالىق ينۆەستيتسيالار كونفەرەنتسياسىن وتكىزەمىز. ەلىڭىزدىڭ ينۆەستورلارىن شاراعا قاتىسۋعا جانە وار مۇمكىندىكتەرىنىڭ الەۋەتىن ءوز كوزىمەن كورۋگە شاقىرامىز».
پرەزيدەنت س.راماپوزا وڭتۇستىك افريكالىق تاراپتىڭ ەكى مەملەكەت ءۇشىن دە باسىمدىقتى باعىتتارى بويىنشا ەلىمىزبەن ەكونوميكالىق سەرىكتەستىكتى, ساياسي سۇحبات پەن ىنتىماقتاستىقتى جان-جاقتى دامىتۋعا نيەتىن ءبىلدىردى جانە دوستاس قازاقستاننىڭ باسشىلىعىنا ىستىق سالەمىن جولداپ, ەلشى ق.تۋمىشقا الەمنىڭ وسى بولىگىندەگى ديپلوماتيالىق قىزمەتتە تابىس تىلەدى.
