وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ اقپاراتى بويىنشا جۇرگىزىلگەن تەكسەرۋ جۇمىستارى بارىسىندا ەڭ كوپ تارالعان بۇزۋشىلىقتار تەك ناقتى تابىستاردى عانا ەمەس, سونىمەن قاتار بيزنەستى, جىلجىمايتىن م ۇلىكتى, كولىك پەن مالدى قاساقانا جاسىرۋ بولعانى انىقتالدى.
«اعىمداعى جىلدىڭ 16 مامىرىندا مەركى اۋدانىندا تۇراتىن كوپبالالى وتباسىنا 1 ملن 416 مىڭ 588 تەڭگە كولەمىندە ااك تاعايىندالدى. تۇرعىن ۇيىنە, تۇرمىستىق جاعدايىنا جانە اتالعان وتباسىنىڭ تابىستارىنا تەكسەرۋ جۇرگىزۋ كەزىندە ولاردىڭ جالپى اۋدانى 100 شارشى مەتردەن اساتىن جاڭا ۇيدە تۇراتىندىعى, ماتەريالدىق جاعدايى جاقسى, وتاعاسى جەكە كاسىپكەر ەكەندىگى انىقتالدى. ااك تاعايىنداۋ كەزىندە 1-توقساندا كىرىس كولەمى 415 مىڭ 968 تەڭگە دەپ كورسەتىلگەن. الەۋمەتتىك كومەك الۋ زاڭدىلىعىن تەكسەرۋ بارىسىندا ولاردىڭ ءبىرىنشى توقساندا 1 ملن تەڭگەدەن استام تابىس تاپقانى اشكەرەلەندى», – دەدى وڭىرلىك جۇمىسپەن قامتۋدى ۇيلەستىرۋ باسقارماسىنىڭ باسشىسى تيمۋر نۇرىمبەتوۆ.
ونىڭ ايتۋىنشا, وسىعان ۇقساس فاكتىلەر ءوڭىردىڭ باسقا اۋداندارىندا دا ورىن العاندىعى انىقتالدى.
«سونداي-اق ا.ج. مامىر ايىندا سارىسۋ اۋدانىنىڭ التى ادامنان تۇراتىن وتباسىنا اي سايىن 110 مىڭ 566 تەڭگەدەن, جالپى سوماسى 1 ملن 326 مىڭ 792 تەڭگە كولەمىندە ااك تاعايىندالدى. ۋچاسكەلىك كوميسسيانىڭ قايتا تەكسەرىس جۇرگىزۋى بارىسىندا, الۋشى كومەك تاعايىنداۋ كەزىندە ءبىرىنشى توقساندا كاسىپكەرلىكتەن 127 مىڭ 500 تەڭگە تابىس تۇسكەن دەپ كورسەتكەن, شىن مانىندە ونىڭ تابىسى 500 مىڭ تەڭگەدەن اسىپ كەتكەن», – دەدى تيمۋر نۇرىمبەتوۆ.
ول سونداي-اق الەۋمەتتىك كومەكتى زاڭسىز جولمەن الۋ ماقساتىندا ءوڭىردىڭ كەيبىر تۇرعىندارى ناقتى تۇراتىن مەكەن-جايىن نەمەسە ۋاقىتشا تىركەلگەن مەكەنجايىن جاسىرۋعا تىرىسقانىن اتاپ ءوتتى.
بۇگىنگى تاڭدا زاڭسىز اتاۋلى الەۋمەتتىك كومەك العان جامبىل وبلىسىنىڭ تۇرعىندارىنان 27,1 ميلليون تەڭگە ءوندىرىلىپ الىندى.
ەستەرىڭىزگە سالا كەتەيىك, ااك تاعايىنداۋ مەن تولەۋدىڭ دۇرىستىعىن مونيتورينگتەۋ ناتيجەسىندە 74 مىڭعا جۋىق اتاۋلى الەۋمەتتىك كومەك الۋشىنىڭ تابىسى تۋرالى جالعان اقپارات بەرگەنى انىقتالدى.
وسىعان بايلانىستى مينيسترلىك اكىمدىكتەرمەن بىرلەسە وتىرىپ, ءاربىر انىقتالعان فاكتى بويىنشا, بۇزۋشىلىقتارعا جول بەرمەۋ جانە «مەملەكەتتىك اتاۋلى الەۋمەتتىك كومەك تۋرالى» قر زاڭىن بۇزا وتىرىپ تاعايىندالعان تولەمدەردى قايتا قاراۋ بويىنشا جەكە جۇمىس جۇرگىزۋدە. بۇل باعىتتاعى جۇمىس جالعاستىرىلۋدا.
بۇدان بۇرىن حابارلانعانداي, 7 قازاندا قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ قر ۇكىمەتىنىڭ وتىرىسىندا 2020 جىلعى 1 قاڭتاردان باستاپ مۇقتاج ازاماتتارعا اتاۋلى الەۋمەتتىك كومەك قالاي كورسەتىلەتىنىن ايتقان بولاتىن.
«ەڭ باستى پرينتسيپ – مەملەكەت كومەككە مۇقتاج ادامدارعا, اسىرەسە بالالار مەن كوپبالالى وتباسىلارعا كومەكتەسەدى! ەڭبەككە قابىلەتتى ازاماتتار جۇمىس ىستەۋى كەرەك. مەملەكەت جۇمىسقا ورنالاسۋعا نەمەسە شاعىن بيزنەسپەن اينالىسۋعا كومەكتەسەدى. مەملەكەتتىك كومەككە – كوپبالالى وتباسىلاردى قولداۋ, تابىسى تومەن وتباسىلارعا اتاۋلى الەۋمەتتىك كومەك كورسەتۋ, تابىسى از وتباسىلارداعى بالالارعا كەپىلدەندىرىلگەن الەۋمەتتىك پاكەتى كىرەدى», – دەدى ءبىرجان نۇرىمبەتوۆ.
ءمينيستردىڭ ايتۋىنشا, كوپبالالى وتباسىلارعا قولداۋ كورسەتۋ رەسپۋبليكالىق بيۋدجەتتەن مەملەكەتتىك جاردەماقىلار ەنگىزۋ ارقىلى قامتاماسىز ەتىلەتىن بولادى. بۇل مەملەكەتتىك جاردەماقى بارلىق كوپبالالى وتباسىلارعا (4 نەمەسە ودان دا كوپ كامەلەتكە تولماعان بالاسى بار) تابىسىنا قاراماستان تولەنەدى.
ااك تابىسى از وتباسىلارعا, سونىڭ ىشىندە كوپبالالى وتباسىلارعا تولەنەتىن بولادى. ەڭ از كۇنكورىس دەڭگەيىنىڭ 70%-ى تاعايىنداۋدىڭ شەكتى كريتەريى بولىپ قالا بەرەدى. ەگەر ەڭبەككە قابىلەتتى وتباسى مۇشەسى ۇسىنىلعان جۇمىستان جانە جۇمىسپەن قامتۋعا جاردەمدەسۋ شارالارىنان باس تارتسا, وندا ااك تولەمى تەك وعان عانا ەمەس, بۇكىل وتباسىنا دا توقتاتىلادى.
تابىسى از وتباسىلاردان شىققان بالالار ءۇشىن كەپىلدەندىرىلگەن الەۋمەتتىك پاكەتتى ەنگىزۋ ۇسىنىلادى. 1 جاستان 6 جاسقا دەيىنگى بالالاردى ازىق – ت ۇلىك جيىنتىعىمەن جانە گيگيەنالىق قۇرالدارمەن, 6 جاستان 18 جاسقا دەيىنگى بالالاردى مەكتەپتەردە ىستىق تاماقپەن, وقۋ قۇرالدارىمەن جانە مەكتەپ كيىمىمەن قامتاماسىز ەتەدى, سونداي-اق ولارعا مەكتەپكە دەيىنگى جول ءجۇرۋ شىعىندارى وتەلەتىن بولادى. مەديتسينالىق, ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن بولادى.
