پارلامەنت • 16 قازان، 2019

داريعا نازارباەۆا سينگاپۋردى قازاقستانعا ينۆەستيتسيا سالۋعا شاقىردى

31 رەتكورسەتىلدى

پارلامەنت سەناتىنىڭ توراعاسى داريعا نازارباەۆا سينگاپۋردىڭ اعا ءمينيسترى – ۇلتتىق قاۋىپسىزدىك ماسەلەلەرى جونىندەگى ۇيلەستىرۋشى مينيستر تەو چي ءحيندى قابىلدادى.

سەنات باسشىسى قازاقستان تاۋەلسىزدىكتىڭ العاشقى جىلدارىندا ەلىمىزدىڭ تۇڭعىش پرەزيدەنتى – ەلباسى ن.ءا.نازارباەۆ جانە سينگاپۋردىڭ ءبىرىنشى پرەمەر-ءمينيسترى لي كۋان يۋ نەگىزىن قالاعان دوستىق قاتىناستى جوعارى باعالايتىنىن اتاپ ءوتتى. ء«بىز ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋعا، قازاقستانعا سينگاپۋر ينۆەستيتسياسىن تارتۋعا مۇددەلىمىز»، - دەدى پارلامەنت جوعارعى پالاتاسىنىڭ باسشىسى.

سەنات توراعاسى وسى ورايدا «استانا» حالىقارالىق قارجى ورتالىعىنىڭ قۇرىلۋىنا بايلانىستى بيزنەس ءۇشىن تارتىمدى جاعداي قالىپتاسىپ وتىرعانى تۋرالى ايتىپ بەردى. «سينگاپۋرلىق كومپانيالار ورتالىق ازيا جانە ەاەو ەلدەرىمەن ىنتىماقتاستىقتا «استانا» قارجى ورتالىعىنىڭ الەۋەتىن پايدالانۋعا مۇمكىندىكتەرى بار. بۇل حالقى 160 ميلليون ادامنان اساتىن قارقىندى دامىپ كەلە جاتقان كەلەشەگى بار اۋدان»، - دەدى د.نازارباەۆا.

تەو چي حين ەاەو مەن سينگاپۋر اراسىنداعى ەركىن ساۋدا اينالىمى جونىندەگى كەلىسىمدى راتيفيكاتسيالاۋدىڭ ماڭىزىن اتاپ ءوتتى. كەلىسىم وڭتۇستiك-شىعىس ازيا ەلدەرiنىڭ اسسوتسياتسياسى مەن ەاەو ەلدەرى اراسىنداعى ىنتىماقتاستىققا جاڭا سەرپىن بەرەدى»، - دەدى سينگاپۋردىڭ اعا ءمينيسترى.

پارلامەنتتىڭ جوعارعى پالاتا باسشىسى قازاقستاننىڭ كولىك-لوگيستيكا الەۋەتىن دامىتۋ جوسپارلارى تۋرالى حاباردار ەتىپ، سينگاپۋر قازاقستاندىق كومپانيالاردىڭ وڭتۇستىك-شىعىس نارىققا شىعۋىنىڭ قاقپاسى بولا الاتىنىن اتاپ ءوتتى.

سەنات توراعاسى قازاقستاننىڭ ينۆەستيتسيالىق تارتىمدىلىعىن نىعايتۋعا مۇمكىندىك بەرەتىن كولىك-لوگيستيكالىق حابتا ماڭىزدى ءرول اتقاراتىن ء«بىر بەلدەۋ، ءبىر جول» قىتاي مەگاجوباسىنىڭ الەۋەتىن اتاپ ءوتتى.

تاراپتار پارلامەنتارالىق ىنتىماقتاستىقتى نىعايتۋعا ۋاعدالاستى. داريعا نازارباەۆا ەلىمىزبەن، ونىڭ كورىكتى جەرلەرىمەن جانە تۇرعىندارىمەن جاقسى تانىسۋ ماقساتىندا سينگاپۋرلىق دەپۋتاتتاردى تۋريستەر رەتىندە كەلۋگە شاقىردى. توراعا سينگاپۋر مەن قازاقستان اراسىندا تىكەلەي اۋە باعىتىن اشۋدى ۇسىندى.

تەو چي حين سينگاپۋر تسيفرلاندىرۋ جانە مەملەكەتتىك باسقارۋ سالاسىنداعى تاجىريبەسىمەن بولىسۋگە دايىن ەكەنىن اتاپ ءوتتى. ول سونداي-اق قازاقستاننىڭ تۇڭعىش پرەزيدەنتى ن.ءا.نازارباەۆتىڭ تاۋەلسىز قازاقستاننىڭ دامۋىنا زور ۇلەس قوسقانىن جانە سينگاپۋردىڭ جاقىن دوسى ەكەنىن اتاپ ءوتتى. اعا مينيستر ەلباسىنى سينگاپۋرعا ساپارمەن كەلۋگە شاقىردى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار