تۇركىستان وبلىسى اكىمىنىڭ ورىنباسارى ساكەن قالقامانوۆ الەم چەمپيوناتتارىندا جۇلدەلى ورىندارعا يە بولعان بەس سپورتشىمەن كەزدەسىپ, سىي-قۇرمەت كورسەتتى. باسقوسۋعا, سونداي-اق سامبودان قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشى, الەم چەمپيوناتىنىڭ 2 دۇركىن جەڭىمپازى ابدىسادىق حاليلاەۆ, بوكستان بىلىكتىلىگى جوعارى دەڭگەيدەگى جوعارى ساناتتى جاتتىقتىرۋشى الماس قۋاتبەكوۆ, دزيۋدودان جوعارى ساناتتى جاتىقتىرۋشى, حالىقارالىق دارەجەدەگى سپورت شەبەرى ءمادي قۇرىمباەۆ قاتىستى. وبلىس اكىمىنىڭ ورىنباسارى ءوڭىردىڭ سپورت سالاسىن دامىتۋعا جانە حالىقارالىق ارەنادا قازاقستاننىڭ ءيميدجىن ىلگەرىلەتۋگە ۇلەس قوسقان جاس شەبەرلەردىڭ ەڭبەكتەرىن ەرەكشە اتاپ ءوتتى. «جاستاردىڭ سىزدەرگە قاراپ بوي تۇزەيتىنى جانە ۇلگى الارى كامىل. مەملەكەت, وبلىس اكىمدىگى تاراپىنان سپورتتى دامىتۋعا ارقاشان كوڭىل بولىنەدى. قازىرگى تاڭدا وڭىرىمىزدە سپورت كەشەندەرى, فۋتبول الاڭدارى سالىنىپ جاتىر. الداعى ۋاقىتتا الامان بايگەلەردە توپ جارىپ, ەلىمىزدىڭ, وبلىسىمىزدىڭ ابىرويىن اسقاقتاتاسىزدار دەپ سەنەمىن. ەلىمىزدىڭ ەرتەڭى وزدەرىڭىز سەكىلدى جاستاردىڭ قولىندا», – دەدى وبلىس اكىمىنىڭ ورىنباسارى ساكەن قالقامانوۆ.
ءوز كەزەگىندە جاس سپورتشىلار حالىقارالىق جارىستاردا كورسەتكەن ونەرى, العان اسەرلەرى جونىندە وي ءبولىسىپ, كەلەشەك جوسپارلارى تۋرالى ايتتى. كەزدەسۋدە جاس سپورتشىلارعا تۇركىستان وبلىسى اكىمىنىڭ اتىنان ەستەلىك سىيلىقتار تابىس ەتىلدى.
