اتالعان چەللەندجدىڭ باستالعانى تۋرالى شىمكەنت قالاسى بويىنشا سىبايلاس جەمقورلىققا قارسى قىزمەتتىڭ باسشىسى اسحات جۇماعالي حابارلادى. ونىڭ ايتۋىنشا, بۇل اكتسيا سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن قولعا الىنعان جانە وعان ەلىمىزدىڭ بارلىق ءوڭىرى بەلسەنە اتسالىسۋدا.
«بۇگىن ءوزىم باستاپ, «شىمكەنت – ادالدىق الاڭى» جوبالىق كەڭسەسىمەن بىرگە «پارا بەرمە» چەللەندجىن باستادىم. بۇل اكتسيانىڭ ماقساتى – مەملەكەت پەن قوعامنىڭ سىبايلاس جەمقورلىققا قارسى كۇرەستەگى كۇش-جىگەرىن بىرىكتىرۋ. ءبىز باق وكىلدەرىن, سونىمەن قاتار قالا تۇرعىندارىن وسى اكتسياعا بەلسەندى قاتىسۋعا جانە سىبايلاس جەمقورلىققا قارسى بىرلەسە كۇرەسۋگە شاقىرامىز», – دەدى ا.جۇماعالي.
ايتا كەتەرلىگى, چەللەندج اياسىندا كەز كەلگەن ازامات الەۋمەتتىك جەلىلەر ارقىلى پارا بەرۋدىڭ قانداي جاۋاپكەرشىلىك جۇكتەيتىنىن جەتكىزە الادى.
شىمكەنت
