رۋحانيات • 16 قازان، 2019

بي-اعا سالعان ءان ەكەن...

21 رەتكورسەتىلدى

ليساكوۆ قالاسىنىڭ تۇبىندەگى وكتيابر دەپ اتالاتىن كەنشىلەر كەنتىندە كوپ جىلدان بەرى قاپىش ناۋرىزباەۆ اقساقال تۇرادى. ونىڭ وتكەندى جادىنا توقىعان قۇيماقۇلاق، اڭگىمەشىل ەكەنى كوپكە بەلگىلى. قاريا بيىل 93-كە اياق باستى. ءالى تىڭ، اڭگىمەدەن قالعان جوق.

قاپىش اتا ايەت وزەنى بويىنداعى بايىرعى اتاقونىسىمدا وتىرمىن دەپ ەسەپتەيدى. ليسا­كوۆ قالاسى مەن بۇگىنگى بەيىمبەت مايلين اۋدانى توڭىرەگىن قاپىشتىڭ دا، بەيىمبەتتىڭ دە اتا-بابالارى جايلاعان. بەيىمبەتتىڭ جاس كەزىندەگى، الماتىعا كەتكەنگە دەيىنگى ۋاقى­تىنان اۋىلدىڭ ۇلكەندەرى ايتقان اڭگى­مەلەردى سول كۇيىنشە ايتىپ وتىرادى.

ءبىز بي-اعانىڭ جاقىندا وتكەن تويى قارساڭىندا قاپىش اتانى ادەيى ىزدەپ بارعانبىز. سول جولى قارتىم قارلىعىڭقى داۋسىمەن ءبىر شۋماق ءان سالدى.

«قاراعاي ەسىك، جەز توپسا-اي،

اشىلىپ-جابىلار جەل سوقسا-اي!.

قاراڭعى دەپ سوكپەڭىز،

جارىق بولار شام جاقسا-اي!

گۇلدەر-اي، حانىم،

گۇلدەر-اي حانىم،

گۇلدەر-اي!

ەكى تور ات سەمىرتتىم

دوعالارىن كەمىرتتىم.

باي-كوپەستىڭ قىزدارىن

تەرەزەدەن تەلمىرتتىم-اي

گۇلدەر-اي، حانىم، گۇلدەر-اي!»

دەپ وسى ءاندى مەنىڭ شەشەم «بەيىمبەت سالاتىن ەدى» دەپ ىڭىلداپ ايتىپ وتىرار ەدى. بالا كەزىم عوي ءبارى قۇلاعىمدا قالا بەرگەن، – دەيدى قاپىش اتا. ءان ويناقى، تاتار اندەرىنىڭ دە ىقپالى سەزىلەتىندەي. ترويتسك جاقىن بولعان سوڭ با، بۇرىن قوستاناي ءوڭىرىنىڭ شەكارالاس اۋداندارىندا تاتار ءتىلىنىڭ ىقپالى بولعان. رەسەيمەن شەكارانىڭ ارعى ىرگەسىندەگى قانداستار ءالى كۇنگە دەيىن ءاندى تاتارشا اڭىراتىپ قويا بەرەدى. «وت بولاتىن، شوق بولاتىن» جيىرما بەستىڭ داۋرەنى بي-اعانىڭ دا باسىنان دا وتپەدى مە؟ بۇل ءاندى بەيىمبەت شىعاردى ما، الدە ەل اراسىندا ايتىلاتىن ءاندى سالدى ما، ول جاعى قارياعا دا، بىزگە دە بەلگىسىز. بىراق قازاقتا ءوزىنىڭ شىعارعان ولەڭىن بەلگىلى اۋەنگە سالىپ ايتۋ بولعان. ول بۇگىنگى دەيىن توي-تومالاقتا ۇلكەن بۋىننىڭ اراسىنان ءالى دە كەزدەسەدى. ال بي-اعاڭا ولەڭ ماسەلە بولىپ پا؟ وقۋ، ساۋ­دا جايىمەن ۋفادا، ترويتسكىگە ءجيى بارعان، كومەيىنەن جىر توگىلگەن  بەيىمبەتكە باي-كوپەستىڭ ەركە قىزدارى قىزىقسا قىزىققانداي ەمەس پە؟ قايتكەندە دە ءان بىزگە جەتتى.

قوستاناي

 

سوڭعى جاڭالىقتار

كۇلكى كەرۋەنى № 20

رۋحانيات • بۇگىن، 12:38

تاۋلىگىنە 15-16 توننا ءسۇت الىنادى

ايماقتار • بۇگىن، 09:20

ءحالىڭ قالاي، قوستاناي؟

ايماقتار • بۇگىن، 08:34

سۋبسيديانىڭ جاڭا تالاپتارى

ەكونوميكا • بۇگىن، 08:29

«يوكەريتتەن» جەڭىلدى

حوككەي • بۇگىن، 08:15

قازاقستان ءتورتىنشى توپتا

فۋتبول • بۇگىن، 08:13

پەداگوگتەرگە پايدالى شارا

رۋحانيات • بۇگىن، 08:09

ادالدىق ەشكىمدى الدامايدى

قوعام • بۇگىن، 08:06

مەشىتتى سالعانىمەن، قارامايدى

ايماقتار • بۇگىن، 07:57

قولداۋ جۇمىستارى جالعاسادى

قوعام • بۇگىن، 07:54

ونلاين-وقىرمان

تەحنولوگيا • بۇگىن، 07:52

«باستاۋ»: جاڭا بۋىن كينوسى

كينو • بۇگىن، 07:51

سۋ باسۋ قاۋپى جوق

قوعام • بۇگىن، 07:40

باسپانالى بولىپ، باقىتقا بولەندى

باعدارلامالار • بۇگىن، 07:32

ءابىشتانۋدىڭ ءاز ءالىپبيى

رۋحانيات • بۇگىن، 07:20

اجىراماس دۇنيەنىڭ ادامى...

رۋحانيات • بۇگىن، 07:17

ۇقساس جاڭالىقتار