رۋحانيات • 16 قازان، 2019

تاعدىرى تاڭدالعان پاتشايىم

229 رەتكورسەتىلدى

تاققا تاعدىرى تاڭدال­عان تۇلعالار وتىرادى. كەز­دەي­سوقتىق بولمايدى. بى­راق كوپشىلىگى ونىڭ سەبە­بىن بوس تالقىلايدى. ول ءمور سياق­تى. تاڭبالانادى. بۇيرىق شى­عادى. بەلگىلەر بەرىلەدى. قۇ­پياسى وقىلادى. ءتىلىن تا­نىساڭ.

توميريس پاتشايىمنىڭ تاع­دىرى تاققا تاڭدالعان. ءبىز تاريحتى ناقتى ءفيلمنىڭ وقيعاسىنىڭ جەلىسىمەن عانا پايىمدايمىز. تاريحي جادىدان كوپ نارسە وشىرىلگەن بولۋى دا مۇمكىن. فيلمدە سايا­سي استارمەن كوپ كوركەمدىك شىندىق قوسىلۋى دا مۇمكىن. قالاي بولعان كۇندە دە فيلم­نەن ءبىر-اق فاكتىنى العا تارتامىز. بۇل، مەنىڭ قاعيدامداعى «ايەل وتباسىنداعى وتاناسى ورنىندا وتىرىپ-اق الەمدى باسقارا الادى» دەگەن پايىمىم. بۇل اقيقات. توميريستەي ايەل زاتى ءوز داۋىرىندە وسىنى دالەلدەپ شىققان.

ول وجەت. ول سەزىمتال. ول­ ۇستانىمدارىنا بەرىك. ونىڭ تۇيسىگى ونى الداعى ۇل­كەن ميسسيالارىنا قاراي باعىت­تاپ وتىردى. ول قالاعان جوق. ول ماقسات ەتكەن جوق. بار كوزدەگەنى اكەسىنىڭ كەگىن قايتارۋ بولدى. ول ءوزىنىڭ ۇلكەن مارتەبەلى تاققا تاعدىرىمەن تاڭدالعانىن ۋاقىت وتە تىلسىم بەلگىلەرمەن عانا ءتۇسىندى.

شەشىمدەر. باتىل شەشىم­دەر كوپ ءتۇيىندى شەشەدى. ونىڭ ۇتىمدى تۇسى دا سول بولدى. توميريس ماڭىزدى شەشىمدەر قابىلداي ءبىلدى. ەلدىك، تاپ­تىق، حالىقتىق مۇددەلەردى قور­عاۋدىڭ جاۋاپكەرشىلىگىن سە­زىندى. ومىرىندەگى ماڭىزدى شە­شىمدەرىنىڭ باستاماسى – ونىڭ وزىنە لايىقتى جار تاڭداۋى بولدى. ايەلدىڭ تابيعاتى – ەر-ازاماتقا تاۋەلدى. ەركەكتىڭ ەرلىگى مەن جاۋجۇرەكتىلىگىنە تەڭەسەر ءبارىبىر ەشنارسە جوق. توميريس ەر-ازاماتتاردىڭ كۇش-جىگەرىن ءوز ماقساتىنا جۇ­مىلدىرا ءبىلدى. ونىڭ دانا­لىعى دا وسىندا. تاقتى دا، جەردى دە وسى شەشىمىمەن ۇس­تاپ تۇردى.

ايەل – انا. توميريس با­قىتتى انا. تاق ۇرپاقپەن باي­­لانىستى. اكەسىنەن مۇ­را­گەرلىككە قالعان قوعام­دى­ باسقارۋدىڭ جاۋاپكەر­شى­لىگىمەن قوسا، ءوزىنىڭ جار رەتىندە تەڭىن تاۋىپ، ايەل-انا رەتىندە بالا ءسۇيىپ تابيعاتىنا ساي ۇيلەسىمدە ءومىر سۇرگەن ۇلگىلى تۇلعا.

تاريحتا تاڭعالىس تۋدىر­عان وقيعالار بولسا، ونىڭ ءبىرى جانە بىرەگەيى وسى – توميريس. الەمدىك ساياساتتا ەلدى ايەل باس­قارعان وقيعالار جوق ەمەس. از بولسا دا تاريحتا ما­­­ڭىزدى قادامدار جاساعان رۋ­­حى مىقتى ايەل تۇلعالار بول­عان. ولاردىڭ بەينەسىن، بول­مىسىن، تابيعاتىن، تۇي­سىگىنىڭ ءتىلىن زەرتتەۋ، ءتۇسىنۋ، قو­رىتىندىعا كەلۋ قاشاندا قىزىق. ولاردىڭ باستى ميس­سياعا قاراي جۇرگەن جولىن­داعى تۇيسىگىنىڭ تابيعاتىن ءتۇسىنۋ ماڭىزدى. نە سەبەپتەن؟! كىم ءۇشىن؟! نە ءۇشىن؟! بۇل سۇراقتار قاشاندا وزەك­تى. «توميريس» تاريحي فيلمى­نەن بۇل سۇراقتاردىڭ جاۋا­بىن تابۋعا بولدى جانە بۇل فيلم قازاقستاننىڭ كي­نو­وندىرىسىندە ماڭىزدى تا­­قىرىپتاردى اشۋداعى شە­شۋشى قادام.

گۇلزات كوبەك،
كينوتانۋشى،
ونەرتانۋ PhD دوكتورى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار