قوعام • 16 قازان، 2019

رەفورمالار وزا شابۋدى كوتەرمەيدى

5 رەتكورسەتىلدى

ۋادەدە تۇرا ءبىلۋ – ادام بويىنداعى ەڭ جاقسى قاسيەتتەردىڭ ءبىرى. ورىندالماي، اياقسىز قالعان ۋادە كەز كەلگەن جاننىڭ ازاماتتىق بولمىسىنا كولەڭكە تۇسىرەدى. وسى ورايدا پرەزيدەنت قاسىم-جومارت توقاەۆ ەل مەن حالىققا بەرگەن ۋادەسىنە ۇلكەن جاۋاپكەرشىلىكپەن قاراي بىلەتىنىن بايقاپ كەلەمىز.

بۇل بايلامعا سايلاۋالدى باعدار­لا­ما­سىندا قويىلعان ماسەلەلەرگە بايلانىستى كەلىپ وتىرمىز. پرەزيدەنت ەلدى ودان ءارى دامىتۋ مەن مەملەكەتىمىزدىڭ بولاشاعىنا قاتىستى قاداۋ-قاداۋ ماسە­لەلەردى اتاپ كورسەتكەنى بەلگىلى. بۇگىن­گى كۇن بيىگىنەن كوز سالعاندا سايلاۋالدى پلاتفورمادا قويىلعان مىندەتتەر ءوزى­نىڭ مۇمكىندىگىنە قاراي ورىندالا باستا­عا­نى­نا كۋامىز.

«مەن حالىققا بەرگەن ۋادەمدى مىن­دەت­تى تۇردە ورىندايمىن»، دەپ مالىم­دەدى قاسىم-جومارت كەمەل ۇلى قازاق­ستان حالقىنا ارناعان جولداۋىندا. بۇل مەملەكەت باسشىسىنىڭ اق ادال شىن ءسوزى، جۇرەگىنىڭ قالاۋى ەكەنى انىق. كەز كەلگەن مەملەكەتتە ساياسي رەفورمالاردى جۇزەگە اسىرۋدىڭ تەك وزىنە ءتان يىرىمدەرى مەن ەرەكشەلىكتەرى بولاتىنى بەلگىلى. مۇنداي جاعدايدا اسىعىپ، اپتىعىپ العا وزا شاۋىپ كەتۋگە دە، ورىنسىز ايالداپ، مالتىعىپ قالۋعا دا بولمايدى. وسى جايتتى پارلامەنت پالاتالارىنىڭ بىرلەسكەن ماجىلىسىندە ق.توقاەۆ ورىندى ەسكەرتتى دەگەن ويدامىز. بۇل كەز كەلگەن قوعامدىق قۇبىلىستىڭ ىسكە اسۋىنىڭ ءوز ۋاقىتى بولاتىندىعىن تەرەڭ تۇيسىنۋدەن تۋىنداعانى ءسوزسىز.

ساياسي رەفورمالاردى ىسكە اسىرۋ كەزىندە ناقتى ناتيجەلەر مەن جەتىس­تىك­تەرگە جەتۋدىڭ باستى ءبىر تەتىگى – ازاماتتىق قوعامدى دامىتا وتىرىپ، ونىڭ تولىققاندىلىعىن قامتاماسىز ەتۋ بولسا كەرەك. وعان ەڭ الدىمەن ازا­مات­تىق جانە قوعامدىق ۇنقاتىسۋلار ارقى­لى قول جەتكىزۋگە بولاتىنىن اتاپ كورسەتتى مەملەكەت باسشىسى قازاقستان حال­قىنا ارناعان جولداۋىندا. بۇل كوشە­دە بايبالام سالىپ، ايقاي-شۋ كوتەرۋ سەكىلدى ارزان ساياسي ۇپاي جيناۋعا ارەكەتتەنۋشىلەردىڭ ءىس-قيمىلدارىمەن مۇلدەم سىيىسپايتىن سىندارلى ازا­مات­تىق ۇستانىمعا جەتەلەيدى.

سونداي-اق پرەزيدەنتتىڭ ەلىمىزدە كوپپارتيالىق جۇيەنى ودان ءارى دامىتۋ جولدارىن ۇسىنعانى دا قوعامدىق-ساياسي ءومىردىڭ بۇگىنگى تالاپتارىنان تۋىندايتىن قادامدار دەۋگە بولادى. ازاماتتىق جانە قوعامدىق ۇنقاتىسۋلاردىڭ باستى باعىتى اشىقتىق پەن جاريالىلىققا ارقا سۇيەگەن جاعدايدا عانا ءماندى بول­ماق. مەملەكەتتىك ورگانداردىڭ ازا­مات­تاردىڭ ارىز-شاعىمدارى مەن تا­لاپ-تىلەكتەرىنە تۇسىنىستىكپەن قۇلاق اسۋىنىڭ قاجەتتىلىگى دە وسىندا. مۇنىڭ ءوزى قوعامدىق كەلىسىمدى نىعايتۋ مەن ەل بىرلىگىن ەڭسەلەندىرۋگە سەپتىگىن تيگىزە الاتىن تۇتقانىڭ ءبىرى. ەل بىرلىگى تۋرالى اڭگىمە قوزعاعان كەزدە قازاق حالقىنىڭ مەملەكەت قۇراۋشى ۇلت رەتىندەگى ورنى ايقىن كورىنىس تابۋى ءتيىس. سونىمەن بىرگە الداعى ۋاقىتتا مەملەكەتتىك ءتىل – ۇلتارالىق قارىم-قاتىناس ءتىلى مارتە­بەسىنە جەتۋى كەرەكتىگى جونىندەگى جۇرەك­جاردى پىكىر دە پرەزيدەنت اۋزىنان ايتىلدى. وسى ورايدا بۇل ىستە باستى جاۋاپكەرشىلىكتى مەملەكەت قۇراۋشى ۇلت ارقالايتىنى نازاردان تىس قالماسا ەكەن دەگىم كەلەدى.

ەڭ باستىسى، جىلدىڭ باستى قۇجاتى ەلىمىزدىڭ ساياسي-ەكونوميكالىق جانە ما­دەني-تۇرمىستىق باعىتتارىن، ونىڭ شەشىمىن تابۋعا ءتيىستى وزەكتى ماسە­لە­لە­رىن تولىقتاي قامتي الۋىمەن قۇندى دەمەكپىز.

 

رومان راحيەۆ،

اقتوبە وبلىستىق دەنساۋلىق ساقتاۋ سالاسى قىزمەتكەرلەرى ارداگەرلەر كەڭەسىنىڭ توراعاسى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار