شەتەلدىك تاۋارلار قىمباتتادى

وتكەن كەزەڭدە ەكسپورتقا شىعارى­لا­تىن تەمىر كەنى – 41%, كومىر – 17,4%, قارا مەتالدان جاسالعان بۇيىمدار – 6%, قارا مەتالل سىنىعى – 5,9%, قور­عاسىن – 5,4%, مۇناي 3,7%-عا قىم­بات­تا­دى. فەرروقورىتپالاردىڭ قۇنى – 18,9%, حروم كەنى – 12,3%, مىرىشتىڭ باعاسى 3,2%-عا تومەندەدى. ستاتيستيكا كوميتەتى بيداي – 18,3%, ءجۇن – 1,6%-عا قىمباتتاعانىن, كەرىسىنشە  ماقتا 3,1%-عا ار­زانداعانىن حابارلادى.

يمپورتتالاتىن نەگىزگى ونىمدەردىڭ ىشىندە كوكونىس – 40,6%, كونديتەرلىك ءونىم – 9,6%, كۇرىش – 8,5%, بالىق – 8,2%, تەمەكى – 7,4%, ماكارون ونىمدەرى – 6,6%, ءسۇت ونىمدەرى – 6%, كوفە – 5,4%, وسىمدىك مايى – 5,3%, قۇس ەتى – 4,3%, شاي 4,1%-عا قىمباتتادى. جىل باسىنان بەرى قانت – 7%, جەمىس پەن جاڭ­عاق – 6,9%, كاكاو 4%-عا ارزاندادى. فار­ماتسەۆتيكالىق ونىمدەر – 9,8%, پلاستماسسا – 6,9%, قۇرىلىس ماتەريالدارى – 5,1%, توقىما بۇيىمدارى – 4,8%, سۇرەك 4,6%-عا جوعارىلادى.

ستاتيستيكا كوميتەتى باعا يندەكسىن ەسەپتەپ شىعارۋ ءۇشىن ەكسپورتتاۋشى جانە يمپورتتاۋشى كاسىپورىنداردىڭ جال­پىمەملەكەتتىك ستاتيستيكالىق باقىلاۋىن پايدالانادى. سونداي-اق ەۋرازيالىق ەكونوميكالىق وداققا مۇشە­ مەملەكەتتەرمەن اراداعى ساۋدا­ ستاتيستيكاسى مەن كەدەن ستاتيستيكا­سى­نىڭ دەرەكتەرى سارالانادى.