“جان جىلۋى”

تاعدىر تالكەگىنە ۇشىراعان   تاعى ەكى ءبۇلدىرشىندى جەبەدى ناۋرىز مەرەكەسى قارساڭىندا “قازاقستان” ۇلتتىق تەلەار­نا­سى­نىڭ “جان جىلۋى” الەۋمەتتىك باعدارلاماسى تاعى ەكى ءسابيدىڭ ساۋابىن الۋ ءۇشىن قايىرىمدىلىق اكتسياسىن جالعاستىردى. باعدار­لا­ما ماقساتى – مۇمكىندىگى شەكتەۋلى, الە­ۋ­مەتتىك جاعدايى تومەن, سون­داي-اق جەتىم بالالار مەن جالعىز باستى, كوپ بالالى انالارعا كومەك كورسەتۋ ەكەندىگىنەن ەل قۇلاعدار. سونىمەن, بۇل جولعى اكتسياعا قازاق قاتىناس جولدارى ۋنيۆەر­سي­تەتى ات سالىسىپ, اكتسيا بارىسىندا 2 ميلليون 253 500 تەڭگە جينالدى. ەندى جۇرتتىڭ ىزگى نيەتىنەن قۇ­رال­عان قاراجاتقا “جانۇيا” بالالار كەشەنىنىڭ تاربيەلەنۋشىسى 5 جاستاعى مارك پەن الماتى وبلىسى جامبىل اۋدانى, قاسىم­بەك اۋىلىنىڭ كىشكەنتاي تۇرعىنى نۇر­لان شو­قان-عا كۇردەلى وپەرا­تسيالار جاسالىنادى. كىشكەنتاي مارك دۇنيەگە كەلگەندە قۇدىرەتتىڭ كۇشىمەن ءبىر قولىنىڭ جانە اياقتارىنىڭ ساۋساقتارى جابىسىپ تۋادى. بىراق, تۋعان اناسى ءسابيىن بۇل كۇيىندە قابىلداي المايدى. ءتىپتى, بالاسىن ەمىزۋدەن دە, كورۋدەن دە ات تونىن الا قاشىپ, اقىر سوڭىندا ءوزى جارىق دۇنيەگە الىپ كەلگەن نارەستەسىنەن باس تارتىپ, پەرزەنت­حاناعا قالدىرىپ, جۇرە بەرىپتى. زاڭ بويىنشا تاستاندى با­لا­نىڭ اتا-اناسى مەن تۋعان-تۋىس­تارىنىڭ شەشىم قابىلداۋى ءۇشىن التى اي ۋاقىت بەرىلەدى. بىراق, وسى التى ايدا ماركتىڭ ارتىنان ەشكىم ىزدەپ كەلمەپتى. نارەستە ءتۇر­لى اۋ-رۋلارعا شالدىعىپ, قاتتى قي­نا­لادى. اۋرۋحانا دارىگەرلەرى با­لانىڭ ءومىرىن ساقتاپ قالىپ, دەن­ساۋلىعى جاقسارعان مارك جەتى ايدان سوڭ جەتىمدەر ۇيىنە كەلىپ تۇسەدى. جانى جايساڭ, جۇرەگى جىلى جانداردىڭ ارقاسىندا مارك امان-ەسەن 4 جاسقا تولىپ, “جانۇيا” با­لالار كەشەنىنىڭ تابالدىرىعىن ات­تايدى. ماركتى “جانۇيانىڭ” تاربيەشى­لەرى وتاندىق مامانداردى شاقى­رىپ, تالاي-تالاي پىكىرلەسكەن دە بولاتىن. مامانداردىڭ پىكىرىنشە, ماركتىڭ قولىنا كومەك كورسەتۋ مۇمكىندىگى بار. ال, اياعىنا دا وپەراتسيا جاساۋعا تاۋەكەل ەتۋگە بولاتىن سەكىلدى. ءتىپتى بولماعان جاعدايدا ارنايى پروتەز جاساۋ كەرەك. مارك ءالى ءسابي, سۇيەگى قاتپاي تۇرىپ, ەرتەرەك قيمىل­داۋعا ءالى دە مۇمكىندىك بار. ال, كۇتپەگەن جەردەن ايانىشتى حالگە تۇسكەندە نۇرلان 3 جاستا ەدى. اتا-انا ءۇشىن ازاپتى كۇندەر 2003 جىلدىڭ قىركۇيەگىنەن باستالدى. وتباسىنا قوناققا كەلگەن تۋىس­تاردىڭ ءبىرى جۇگىرىپ ويناپ جۇرگەن نۇرلاندى باسىنان قىسىپ ۇستاپ بيىككە كوتەرىپ, بىرنەشە رەت اينالدىرىپ وينايدى. بالانىڭ جان داۋىسى شىعادى. ۇلكەندەر مۇنى: “جىگىت بولاتىن بالا دا جىلاي ما ەكەن؟!” دەپ, كۇلكىگە اينالدىرىپ قويا سالادى. سول ءتۇنى بالا شىرىلداپ جىلاپ, “باسىم اۋىرىپ بارادى” دەپ ۇيىقتاي الماي شىعادى. ال, تا­ڭەرتەڭ كىشكەنتاي نۇرلان ورنىنان تۇرا دا, جۇرە دە الماي قالادى. وسىلايشا, بالا ءۇش جا­سىندا كۇتپەگەن جەردەن وپىق جەدى. قاسىرەتتىڭ قايعىلى قۇشاعىنا قالاي كىرىپ كەتكەندەرىن بىلمەگەن انا مەن اكە جان ۇشىرىپ دارىگەرلەرگە جۇگىردى. مىنە, سودان بەرى جەتى جىل ءوتتى. جەتى جىل بويى نۇرلان ءوز اياعىمەن جەر باسپادى. كەشەگى كىشكەنتاي نۇرلان بۇگىندە 10 جاسقا كەلدى. دارىگەرلەر ءتيىستى زەرتتەۋلەر­دەن سوڭ جۇيكە-ج ۇلىن جۇيەسىنە تراۆمالىق زاقىممەن قوسا كەزىندەگى بالا العان سوققى ءناتي­جەسىندە ميداعى قان اينالۋ جۇيەسىنىڭ بۇزىلعاندىعىن, سونىڭ سالدارىنان سال اۋرۋىمەن قاتار ەپيلەپسيانىڭ تۋىنداپ وتىرعانىن دالەلدەيتىن ساراپ­تامالىق انىقتاما بەرەدى. قايىرىمدىلىق اكتسياسىنا دەيىن, ون جاستاعى نۇرلان شوقانعا ومىرلىك مۇگەدەك بولىپ قالۋ قاۋپى ءتونىپ تۇرعان-دى. وكىنىشكە قاراي, نۇرلانعا وتاندىق مەديتسينا كومەك كور­سەتە المادى. شەت مەملەكەتتە, ۋكراينادا جاسالاتىن وپە­را-تسياعا قاراجات قاجەت بولدى. ەندى مىنە, ەكى بالاقايعا دا كوپ­تەن ءۇمىت ەتىپ كۇتكەن مەدي­تسينالىق كومەكتى بەرۋدىڭ كۇنى جەتتى. ىزگى شاراعا اقجول مەيىر­بەكوۆ, مايرا ءىلياسوۆا, مەرۋەرت تۇسىپباەۆا سىندى انشىلەر مەن “ازيا”, “رينگو” سياقتى ەسترا­دالىق توپتار اتسالىستى. الماتى.