ايماقتار • 15 قازان، 2019

جامبىلدا اعاش كوشەتتەرى وتىرعىزىلدى

57 رەتكورسەتىلدى

رەسپۋبليكالىق كوگالداندىرۋعا باعىتتالعان سەنبىلىككە جامبىلدىقتار دا بەلسەنە اتسالىستى. شاراعا وبلىس باسشىسى اسقار مىرزاحمەتوۆ باستاعان بارلىق ورىنباسارلارى، اۋدان اكىمدەرى، باسقارما باسشىلارى، ارداگارلەر كەڭەسى جانە وزگە دە ۇيىمدار مەن قوعامدىق بىرلەستىكتەردىڭ توراعالارى مەن وكىلدەرى قاتىستى. بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.

وبلىس بويىنشا بارلىعى 18466 ادام 18880 كوشەت وتىرعىزدى. ونىڭ ىشىندە،  قاراعاي،  شىرشا،  قاراعاش،  ارشا،  تەرەك، ەمەن، شەتەن، ايلانت سەكىلدى اعاش تۇرلەرى بار. سەنبىلىك وڭىردەگى 98 ەلدىمەكەندى قامتىدى.

ايتا كەتەيىك، ايماق باسشىسى اسقار مىرزاحمەتوۆ تال ەگۋ اكتسياسىنا وبلىستىڭ شالعاي اۋدانى-مويىنقۇمنان قاتىستى. وندا مويىنقۇمدىق جاستار مەن قىزمەتكەرلەرمەن بىرگە «جاز اتا»، «جاسىل ەل» ساياباقتارىنا تال ەگىپ، شاراعا قارقىندى ۇلەس قوستى. اتالعان اكتسيا اياسىندا وبلىس اكىمى اسقار مىرزاحمەتوۆ جانە مويىنقۇم اۋدانى اكىمى مادەن مۇساەۆ  تۋيا، ەمەن، تەرەك اعاشتارىن وتىرعىزىپ، يگى ءىستىڭ ماڭىزدىلىعىن تۋرالى توقتالىپ ءوتتى.

بۇكىلالەمدىك جاسىل جەلەك وتىرعىزۋ كۇنىنە ورايلاستىرىلعان شارا وبلىسىمىزدىڭ  بارلىق اۋداندارىندا دا جوعارى دەڭگەيدە ۇيىمداستىرىلدى.

سوڭعى جاڭالىقتار

سىرداعى دوستىق مەرەكەسى

ايماقتار • كەشە

كۇلكى كەرۋەنى № 19

رۋحانيات • كەشە

جاس بۋىن جاڭعىرۋ جولىندا

رۋحانيات • كەشە

ۇقساس جاڭالىقتار