قازىر وسى ۇيىمداردا بارلىعى 8,5 مىڭنان استام مۇشە تىركەلگەن. مىندەت – كاسىپوداقتىڭ جۇمىسىن ۇيلەستىرۋ, ەڭبەك قاتىناستارىن رەتتەۋ. كاسىپوداق مۇشەلەرىنىڭ الەۋمەتتىك-ەكونوميكالىق, ەڭبەك قۇقىقتارى مەن مۇددەلەرىن قورعاۋ. ەڭبەك ادامدارىنىڭ الەۋمەتتىك ماسەلەلەرىن شەشۋ.
قوعامدىق بىرلەستىكتىڭ مالىمەتىنشە, جۇمىس بەرۋشى مەن جۇمىسشى اراسىنداعى ەڭبەك قاتىناستارى ۇجىمدىق شارتتارمەن رەتتەلۋىنە بايلانىستى شارتتاردا جۇمىسشىلارعا بەرىلەتىن الەۋمەتتىك جەڭىلدىكتەردى ەنگىزىپ, زاڭداستىرا الادى.
وتكەن جىلى قوعامدىق بىرلەستىك وبلىس اكىمدىگىمەن, قىلمىستىق-اتقارۋ جۇيەسى كوميتەتىنىڭ وبلىس بويىنشا باسقارماسىمەن, وبلىستىق ىشكى ىستەر دەپارتامەنتىمەن جانە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىمەن الەۋمەتتىك-ىنتىماقتاستىق جونىندەگى كەلىسىمدەرگە قول قويىلدى.
ۇيىم جانىنان اشىلعان جاستار كەڭەسى جۇمىس جاسايدى. ءتۇرلى ءىس-شارالار وتكىزىپ, جاستارعا زاڭدىق كومەك كورسەتىپ وتىرادى.
جاس مەملەكەتتىك قىزمەتشىلەر اراسىندا «ۇزدىك مەملەكەتتىك قىزمەتشى» سايىسى وتكىزىلدى. جەڭىمپاز اتانعان اقتوعاي اۋدانى ىشكى ساياسات ءبولىمىنىڭ باسشىسى ساياۋىش سادۋاقاسوۆ, ۋسپەن اۋدانى اكىمى اپپاراتىنىڭ باس مامانى ولگا كوليادا اقمولا وبلىسى «ششۋچينسك» ساناتوريىندە وتكەن رەسپۋبليكالىق جاستار فورۋمىنا جولداما الدى.
