رۋحانيات • 15 قازان، 2019

اقىن قالامىنداعى اكادەميك بەينەسى

107 رەتكورسەتىلدى

بايتاق دالامىزدىڭ باعىن اسىرىپ، باۋىرىنان نەبىر تەكتىلەردى تۇلەتكەن ەرتىس-بايان ءوڭىرى كەمەڭگەرلەرگە كەندە ەمەس. بۇقاراعا وي ايتقان بۇحار جىراۋى، اۋليە ءماشھۇر ءجۇسىبى، جاياۋ مۇساسى مەن ەستايى، عىلىمدا قانىشى مەن مارعۇلانى، جۇسىپبەك پەن سۇلتانماحمۇتى اياۋلى ايماقتىڭ اتىن اسقاق­تاتىپ، بەدەلىن بيىك­تەتكەن تۇعىرلى تۇلعالاردىڭ ءبىر شوعىرى عانا دەسەك قا­تەلەسپەسپىز.

جاقىندا گەولوگ-عالىم، مينەرولوگيا عىلىمدارىنىڭ دوكتورى، پروفەسسور، قازاق كسر عىلىم اكادەمياسىن ۇيىم­داستىرۋشى جانە ونىڭ تۇڭ­عىش پرەزيدەنتى، قازاق كسر عىلىم اكادەمياسىنىڭ اكا­دەميگى، كەڭەس وداعىنىڭ جانە قازاقستاننىڭ مەتاللوگەنيا مەكتەبىنىڭ نەگىزىن قالاۋشى، قازاقتان شىققان تۇڭعىش اكادەميك قانىش يمانتاي ۇلى سات­باەۆتىڭ تۋعانىنا 120 جىل تولۋىنا وراي باياناۋىل اۋداندىق اكىمدىگىنىڭ ۇيىمداستىرۋىمەن رەسپۋبليكالىق جىر ءمۇشايراسى ءوتتى.

ەكى اي ۋاقىتقا سوزىلعان جىر بايگەسىنە اقىن، قازاقستاننىڭ ەڭبەك سىڭىرگەن قايراتكەرى، حا­لىقارالىق «الاش» سىيلىعىنىڭ يەگەرى، قانىش ساتباەۆ تۋرالى ەستەلىكتەر توپتاستىرىلعان «زاڭعار» كىتابىنىڭ قۇراس­تىرۋ­شىسى، باياناۋىل اۋدانىنىڭ قۇرمەتتى ازاماتى، «جۇلدىز» جۋر­نالىنىڭ باس رەداكتورى عالىم جايلىباي، اقىن، قازاق­ستاننىڭ ەڭبەك سىڭىرگەن قاي­راتكەرى، حالىقارالىق «الاش» ادەبي سىيلىعىنىڭ يە­­گەرى، قازاقستان جازۋشىلار وداعى پاۆلودار وبلىستىق فيليا­لىنىڭ ديرەكتورى ارمان قاني جانە اقىن، «نايزاتاس» جۋر­نالىنىڭ باس رەداكتورى اسىل ءابىش قازىلىق جاسادى.

قازىلار القاسىنىڭ شەشى­مىمەن باس جۇلدەگە جانىبەك ءالي­مان (قاراعاندى قالاسى) يە بولدى. جىر بايگەسىنىڭ ءبىرىنشى ورىن جۇلدەسىن ولجاس قاسىم (نۇر-سۇلتان قالاسى) يەلەندى. ەكىنشى ورىندار ايدىن بايىس (بالقاش قالاسى) پەن مۇقاعالي كەنجەتاي ۇلىنا (تۇركىستان قالا­سى) بۇيىردى. جۇلدەلى ءۇشىنشى ورىندارمەن سەرىكجان قاجىتاي (شقو، ءۇرجار اۋدانى)، جولامان ايتكەن (باياناۋىل اۋىلى) جا­نە مۇسابەك سەيسەنبەك ۇلى (بايان­اۋىل اۋدانى) ماراپاتتالدى. بۇدان بولەك، راۋان قايدار (ەكى­باستۇز قالاسى) وبلىستىق «ناي­زاتاس» ادەبي-كوركەم، قوعام­دىق-ساياسي جۋرنالىنىڭ ارنايى جۇل­دەسىن، باقبەرگەن داريعا ۇلى (پاۆلودار وبلىسى) اۋداندىق «بايانتاۋ» گازەتىنىڭ ارنايى جۇل­دەسىن ەنشىلەدى.

ءمۇشايرا قاتىسۋشىلارى اكادەميك ق.ساتباەۆتىڭ مە­مو­ريالدىق مۇراجايىندا ساق­تالعان قۇندى جادىگەرلەرمەن تا­نىسىپ، باياناۋىلدىق وقىر­ماندارمەن كەزدەستى. باياناۋىل اۋىلىنداعى «دانالار داڭقى» اللەياسىنا سايا­حات جاسادى.

 

ەلامان قابدىلاشىم

 

پاۆلودار وبلىسى،

باياناۋىل اۋدانى

سوڭعى جاڭالىقتار

تاۋەلسىزدىك – تۇعىرىم

ايماقتار • بۇگىن، 17:01

جاس وتباسىلار باسپانالى بولدى

ايماقتار • بۇگىن، 16:16

كۇلكى كەرۋەنى № 25

رۋحانيات • بۇگىن، 12:49

بقو-دا جاستار سىيلىعى تابىستالدى

ايماقتار • بۇگىن، 10:01

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ۇقساس جاڭالىقتار