«قازاقستاننىڭ تۇڭعىش پرەزيدەنتى ن.نازارباەۆتىڭ ساياساتىنىڭ ارقاسىندا قازاقستان-موڭعوليا قاتىناستارىنىڭ ىلگەرىلەۋىنە, دامۋىنا نەگىز قالاندى. پرەزيدەنت ق.توقاەۆ سىرتقى ساياساتتاعى ساباقتاستىقتى ۇستانا وتىرىپ, موڭعوليامەن ىنتىماقتاستىقتى ءتيىمدى دامىتۋعا باسا ءمان بەرەدى», دەدى ا.مامين.
ۇكىمەت باسشىسى قازاقستان مەن موڭعوليانىڭ ينۆەستيتسيالىق ىنتىماقتاستىقتى, اسىرەسە تاۋ-كەن, كولىك-لوگيستيكالىق, قۇرىلىس جانە اۋىل شارۋاشىلىعى سالالارىندا كەڭەيتۋى ءۇشىن ۇلكەن الەۋەت بار ەكەنىن اتاپ ءوتتى.
ا.مامين ەكى ەلدىڭ بيزنەسمەندەرىن ىسكەرلىك بايلانىستاردى بەلسەندى تۇردە رەتكە كەلتىرۋگە, بىرلەسكەن كاسىپورىندار قۇرۋعا جانە ءوزارا ءتيىمدى ىنتىماقتاستىق جوبالارىن ىسكە اسىرۋعا شاقىرا وتىرىپ, قازاقستاننىڭ ينۆەستيتسيالىق احۋالى تۋرالى ايتىپ بەردى.
ءوز كەزەگىندە ۋ.حۇرەلسۇح قازاقستاننىڭ تاۋەلسىزدىك جىلدارى جانە نارىقتىق ەكونوميكاعا كوشكەننەن كەيىن ەكونوميكانىڭ تۇراقتى دامۋى مەن قولايلى ينۆەستيتسيالىق احۋالدى قامتاماسىز ەتە وتىرىپ, ۇلكەن جەتىستىكتەرگە قول جەتكىزگەنىن اتاپ ءوتتى.
«بىزدە ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ءۇشىن ەلەۋلى مۇمكىندىكتەر بار. وسى بيزنەس-فورۋم ەكى ەل اراسىنداعى ىسكەرلىك قاتىناستار مەن ەكونوميكالاردىڭ دامۋىنا سەرپىن بەرەتىنىنە سەنىمدىمىن», دەدى موڭعوليانىڭ پرەمەر-ءمينيسترى.
فورۋم اياسىندا قازاقستان مەن موڭعوليانىڭ ىسكەرلىك ورتالارىنىڭ وكىلدەرى ەكى ەلدىڭ ۇكىمەتتەر باسشىلارىنىڭ قاتىسۋىمەن 8 قۇجاتقا قول قويدى. ولار:
«Symbat Engineering» جشس مەن «ەردەنەس الت رەسۋرس» اراسىنداعى قازاقستاندىق تاراپتىڭ موڭعوليادا التىن مەن كۇمىس وڭدەۋ بويىنشا اففيناج زاۋىتىن سالۋ مەن ونىڭ پايدالانۋعا بەرۋى تۋرالى كەلىسىمى;
«قازاقستان مينەرالدى شيكىزاتتى كەشەندى وڭدەۋ بويىنشا ۇلتتىق ورتالىعى» رمم مەن موڭعوليالىق «كوەۋس كونسالتينگ» اراسىنداعى «فەرروسيليكواليۋمينيا» يننوۆاتسيالىق قورىتپاسىن ءوندىرۋ زاۋىتىن سالۋ» بىرلەسكەن كاسىپورنىن قۇرۋ تۋرالى كەلىسىم;
قازاقستاننىڭ سىرتقى ساۋدا پالاتاسى مەن موڭعوليانىڭ ۇلتتىق ساۋدا-ونەركاسىپ پالاتاسىنىڭ اراسىنداعى ىنتىماقتاستىق تۋرالى مەموراندۋم;
«SCAT» اۋە كومپانياسى» مەن Mongolian Airways Cargo LLC اراسىنداعى ۇشاتىن ەكيپاجداردى, جەر بەتىندە قىزمەت كورسەتەتىن مامانداردى وقىتۋ, اۆياتسيالىق-تەحنيكالىق قىزمەت كورسەتۋ تۋرالى مەموراندۋم;
قازاقستاندىق «انتيگەن» عىلىمي-وندىرىستىك كاسىپورنى» جشس مەن موڭعوليالىق «گلوبال بيزنەس لينك» كومپانياسى اراسىنداعى ۆەتەرينارلىق-يممۋنوبيولوگيالىق پرەپاراتتار مەن دياگنوستيكالىق تەستىلەردىڭ ەكىجاقتى ەكسپورتتىق وپەراتسيالارىن دامىتۋ, سونداي-اق ۆەتەرينارلىق پرەپاراتتار ءوندىرىسى مەن ۆەتەرينارلاردى وقىتۋ ورتالىقتارىنا بىرلەسكەن ينۆەستيتسيالار تۋرالى مەموراندۋم جانە تاعى باسقالارى.
فورۋمعا ەكى ەلدىڭ ىسكەرلىك ورتاسىنىڭ, ۇلتتىق كومپانييالارىنىڭ, ەكونوميكا سالاسىنداعى مينيسترلىكتەر مەن ۆەدومستۆولاردىڭ وكىلەتتى وكىلدەرى قاتىستى. ەكى ەلدىڭ ساۋدا-ەكونوميكالىق جانە ينۆەستيتسيالىق ءوزارا ءىس-قيمىلىن دامىتۋ پەرسپەكتيۆالارى تۋرالى ۇلتتىق ەكونوميكا ءمينيسترى ر.دالەنوۆ, قازاقستاننىڭ سىرتقى ساۋدا پالاتاسىنىڭ باسقارما توراعاسىنىڭ ورىنباسارى ن.بوكەيحانوۆ, «قازاگرو» حولدينگى» اوك اق, «KazakhExport» ەكسپورتتىق ساقتاندىرۋ كومپانياسى» اق, «Kazakh Invest» ۇك» اق وكىلدەرى, موڭعوليانىڭ ۇلتتىق ساۋدا-ونەركاسىپ پالاتاسىنىڭ پرەزيدەنتى و.امارتۋۆشين, موڭعوليانىڭ ازىق-ت ۇلىك, اۋىل شارۋاشىلىعى جانە جەڭىل ونەركاسىپ ءمينيسترى چ.ۋلاان, موڭعوليانىڭ تاۋ-كەن جانە اۋىر ونەركاسىپ ءمينيسترى د.سۋمياابازار بايانداما جاسادى.
