ايماقتار • 13 قازان، 2019

كوكتوبەگە نازارباەۆ قىزعالداقتارى مەن سيۆەرس الماسى وتىرعىزىلدى

158 رەتكورسەتىلدى

«بۇگىن Jasyl Almaty كوگالداندىرۋ اكتسياسى اياسىندا كوكتوبەنىڭ ءورت شارپىعان  بوكتەرىندە  سيۆەرس الماسىنىڭ كوشەتتەرى مەن قازاقستان، نۇرسۇلتان نازارباەۆ سورتتارىنىڭ قىزعالداقتارى وتىرعىزىلدى»، دەپ الماتى حابارلايدى الماتى قالاسى اكىمدىگى ءباسپاسوز قىزمەتى.   

كوگالداندىرۋ اكتسياسىنا 500-گە جۋىق ادام قاتىسسا، ونىڭ 200-گە جۋىعى ستۋدەنتتەر بولدى. بارلىعى 40 مىڭ سيۆەرس الما اعاشتارى مەن قازاقستان، نۇرسۇلتان نازارباەۆ سۇرىپتارىنداعى قىزعالداقتاردىڭ 500 مىڭ داناسى وتىرعىزىلدى.

الماتى قالاسى جاسىل ەكونوميكا باسقارماسىنىڭ جاسىل قوردى مونيتورينگىلەۋ جانە باسقارۋ ءبولىمىنىڭ باسشىسى ولجاس جانىسباەۆ وسىعان دەيىن مەدەۋ شاتقالىنىڭ  موحناتكا تاۋىنا 50 مىڭ سيۆەرس  كوشەتى وتىرعىزىلعانى، ەندى  كوكتوبە تاۋىنا 35-40 مىڭ ءتۇپ سيۆەرس الماسى وتىرعىزىلعانىن ايتتى. «19 قازاندا «اتاكەنتتە» 3 مىڭعا جۋىق اعاش وتىرعىزىلادى. ودان ءارى كوگالداندىرۋ جالعاسادى، اتلەتيكالىق اۋىلدا 4 مىڭعا جۋىق اعاش، سايالى مولتەك اۋدانىندا 2 مىڭ اعاش، الاتاۋ اۋدانىنداعى «الاتاۋ» تەاترىنىڭ جانىندا 700 اعاش، زەردەلى جانە جاس قانات ىقشام اۋداندارىندا تيىسىنشە 700 جانە 3500 اعاش وتىرعىزىلادى»، - دەيدى و. جانىسباەۆ.

 قالالىق جاسىل ەكونوميكا باسقارماسى ماماندارىنىڭ ايتۋىنشا، كوشەتتەردى وتىرعىزۋ جۇمىسى ارنايى الاڭداردا جۇزەگە اسىرىلىپ، ءار كوشەت ءبىر-بىرىنەن ءتورت مەتر قاشىقتىقتا ورنالاستىرىلدى. الاڭدار تاۋدىڭ ەتەگىندە كاسكاد بويىنشا ورنالاسقان.

الماتى قالاسى اكىمىنىڭ ورىنباسارى ەرجان باباقۇماروۆ شاھار باسشىسى باقىتجان ساعىنتاەۆتىڭ ۇيىتقى بولۋىمەن قولعا الىنعان Jasyl Almaty كوگالداندىرۋ اكتسياسىنىڭ ماڭىزدىلىعىنا توقتالدى. «اكتسيا باستالعاننان بەرى ونداعان مىڭ اعاشتىڭ كوشەتتەرى وتىرعىزىلدى. بۇل – قالانىڭ جاسىل قورى تولىعىپ، ەكولوگيالىق جاعدايى جاقسارىپ، اۋاسى دا ءبىرشاما تازارا تۇسەدى دەگەن ءسوز»، - دەدى ە. باباقۇماروۆ.

سونىمەن قاتار الماتىنى 2030 جىلعا دەيىن كوگالداندىرۋ ءۇشىن قالادا جاڭا ساياباقتار مەن الاڭدار اشىلماق.

كوكتوبە تاۋىنىڭ باۋرايى تامىز ايىندا بولعان ورتتەن زارداپ شەككەن ەدى. بۇگىنگى اكتسيانىڭ ارقاسىندا بوتانيك سيۆەرستىڭ قۇرمەتىنە اتالعان جابايى المانىڭ پوپۋلياتسياسى قالپىنا كەلتىرىلمەك.

سيۆەرس الماسى - راۋشانگۇلدەر تۇقىمداسىنا جاتاتىن، سانى قىسقارىپ بارا جاتقان ءتۇر. قازاقستاننىڭ وڭتۇستىگىمەن وڭتۇستىك-شىعىسىنداعى تاۋ سىلەمدەرىندە كەزدەسەدى. قازاقستاننان تىس قىتايدىڭ باتىس بولىگى مەن ورتا ازيانىڭ وڭتۇستىك تاۋلارىندا تارالعان. جاپىراقتى، سيرەك قىلقان جاپىراقتى ورمانداردا، تاۋ وزەنى سايلارىندا، تاۋ باۋرايلارىندا وسەدى. ءجيى شاعىن ، دەرلىك ءيىن تىرەسكەن تۇتاس توعايلار، كوبىنە جەكەلەگەن دالالار مەن جەكە توپتار بولىپ كەزدەسەدى. باعالى تاعامدىق اعاش، تاۋ بەتكەيلەرىن بەكىتۋشى، كوپتەگەن مادەني سورتتىڭ جابايى تۋىسى. جاقسى بال جيناۋشى، تىعىز وسكەن الما اعاشتارى 1 گەكتاردان 25-40 كگ بال بەرەدى.

جالپى، ءۇش جىلعا جوسپارلانعان Jasyl Almaty جوباسى اياسىندا قالا بويىنشا كەمىندە ميلليون اعاش وتىرعىزۋ  جوسپارلانعان.   بۇل جۇمىستار ەڭ الدىمەن، الاتاۋ، ناۋرىزباي، جەتىسۋ، المالى اۋداندارىندا جۇرگىزىلمەك. مامانداردىڭ باعالاۋى بويىنشا، قازىر الماتىدا 2،2 ميلليون اعاش بولسا، ونىڭ 550 مىڭى اۋرۋ ءارى اپاتتى جاعدايدا.

 گۇلبارشىن  ايتجانبايقىزى

«ەqemen Qazaqstan»

 الماتى

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

زاۋالدى بىرلىك جەڭەدى

قوعام • بۇگىن، 07:35

جاستار اۋىلدان كەتپەيدى

ايماقتار • بۇگىن، 07:34

يگىلىكتىڭ ءبارى حالىق ءۇشىن

ساياسات • بۇگىن، 07:25

تۇرعىن ءۇي باعاسى قالاي قۇبىلادى؟

ەكونوميكا • بۇگىن، 07:24

ۇقساس جاڭالىقتار