ەلوردادا كوگالداندىرۋ ءۇشىن ءارتۇرلى الاڭدار, اتاپ ايتقاندا ۇلى دالا, شىڭعىس ايتماتوۆ كوشەسى, قازاقستان تاۋەلسىزدىگىنىڭ 25 جىلدىعىنا ارنالعان مونۋمەنتتىڭ جانىنداعى سكۆەر جانە بوتانيكالىق باق تاڭدالدى. وندا قاراعاي, قايىڭ, شاعان, تەرەك, جوكە, بورتەگۇل, ۇيەڭكى جانە الما اعاشتارى وتىرعىزىلدى.
سىرتقى ساياسي ۆەدومستۆوعا بەكىتىلگەن ۋچاسكەدە ءسىم باسشىسى مۇحتار تىلەۋبەردى استانانى كوگالداندىرۋ بويىنشا اكتسياعا قاتىسۋعا نيەت بىلدىرگەن مينيسترلىك قىزمەتكەرلەرى مەن ديپلوماتيالىق كورپۋسقا العىس ايتىپ, اكتسياعا قاتىسۋشىلارمەن بىرگە بىرنەشە اعاش وتىرعىزدى. سونىمەن قاتار, وسىنداي اكتسيالار جۇيەلى تۇردە وتكىزىلەتىنىنە سەنىم ءبىلدىردى, سەبەبى ءبىزدىڭ قالانى جاسىل جانە گۇلدەندىرۋ وتە ماڭىزدى ەكەنىن اتاپ ءوتتى.
سونداي-اق, ديپلوماتتارعا العىس ايتۋ ءۇشىن ءىس-شاراعا قالا اكىمى التاي كولگىنوۆ تە كەلىپ قاتىستى.
اعاش وتىرعىزۋ اكتسياسىنا قاتىسۋ - بۇل نۇر-سۇلتاننىڭ ەكولوگيالىق بولاشاعىنا ءوزىنىڭ جەكە ۇلەسىن قوسۋدىڭ بىرەگەي مۇمكىندىگى عانا ەمەس, سونىمەن قاتار قالالىقتاردى بىرىكتىرەتىن الەۋمەتتىك ماڭىزى بار قىزمەت.
