مودەراتور بولىپ قالالىق قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا ءسوز سويلەدى. ل. قۇسايىنوۆا كىرىسپە سوزىندە بۇگىنگى وتىرىستىڭ ماڭىزدىلىعىنا توقتالدى. «قازاقستان كاسىپكەرلەرىنىڭ اسسوتساتسياسى» زتب قحا اياسىندا قۇرىلعان ۇكىمەتتىك ەمەس ۇيىم بولىپ تابىلادى. ماقساتى – بيزنەس سالاسىنداعى يننوۆاتسيالىق-يندۋستريالىق جوعارى تەحنولوگيالىق جوبالاردى قولداۋ بولىپ تابىلادى. مەملەكەت شاعىن جانە ورتا بيزنەستى دامىتۋ ءۇشىن قانداي قارجى قۇرالدارىن ۇسىنىپ جاتقاندىعى جونىندە تولىق اقپارات الۋ ءۇشىن, ءبىز ءار ءتۇرلى سالالاردان سپيكەرلەردى شاقىردىق», – دەدى حاتشىلىق مەڭگەرۋشىسى.
بۇدان ءارى, جيىندى ەلوردالىق قحا كاسىپكەرلەر كەڭەسىنىڭ توراعاسى فارانگيز احمەتوۆا جالعاستىردى «قازىرگى تاڭدا ەتنومادەني ورتالىقتاردا كاسىپكەرلىك دامىپ جاتىر. مەنىڭ كاسىپورىنىمدا ءتۇرلى ەتنوستاردان 80 جاس قىزمەتكەر جۇمىس ىستەيدى. جاس ماماندار كاسىپكەرلەر ءۇشىن وتكىزىلىپ جاتقان فورۋمدار مەن جينالىستار تۋرالى اقپاراتتاردى بىلمەيدى. جاقىندا ءازىربايجان مەن كورەيادا «اتامەكەن» ۇكپ ۇيىمداستىراتىن فورۋم وتەدى. ءوز پرەزەنتاتسيالارىن ۇسىنا وتىرىپ, جاستار اتالعان ءىس – شارالارعا قاتىسا الادى», - دەدى ف. احمەتوۆا.
نۇر-سۇلتان قالاسى كاسىپكەرلەر پالاتاسىنىڭ ترەنەر-كەڭەسشىسى ازامات وڭايباەۆ كاسىپكەرلىكتى قولداۋدىڭ قارجىلىق ەمەس شارالارىنا توقتالدى. كاسىپكەرلەر پالاتاسى «بيزنەستىڭ جول كارتاسى-2020» باعدارلاماسى بويىنشا ءتورت باعىت اياسىندا مىنالاردى جۇزەگە اسىرادى: شاعىن جانە ورتا كاسىپكەرلىك سۋبەكتىلەرىن كاسىپكەرلىك قىزمەت نەگىزدەرىندە وقىتۋ, سەرۆيستىك قولداۋ كورسەتۋ, «ىسكەرلىك بايلانىستار» جانە «اعا سەنورلار» جوباسى.
وتىرىس بارىسىندا «Astana Invest» جشس قالالىق ينۆەستيتسيالاردى دامىتۋ ورتالىعىنىڭ باسقارۋشى ديرەكتورى اسقار ءسابيت ۇلى, نۇر-سۇلتان قالاسىنىڭ «دامۋ» اق قورى ايماقتىق فيليالىنىڭ كليەنتتەرمەن جۇمىس جونىندەگى باس مەنەدجەرى جانار ەرماحانبەتوۆا ءسوز سويلەدى.
جيىن سوڭىندا پىكىر الماسىپ, قويىلعان سۇراقتارعا جاۋاپتار الىندى.
