وعان قوسا, جولداردىڭ ساپاسىن 75 پايىزعا دەيىن جاقسارتۋ دا ستراتەگيادا ايتىلعان. سونداي-اق, جاڭا الماتىدا ساياباقتار مەن حالىق دەمالاتىن ورىندار كوپتەپ پايدا بولادى. قالا باسشىسىنىڭ حالىققا ۇسىنعان 2050 جىلعا ارنالعان دامۋ ستراتەگياسى ءالى ەل تالقىلاۋىندا. ەكى جارىم ايدان كەيىن قابىلداناتىن باعدارلاما الماتىلىقتاردىڭ ءومىر ءسۇرۋ ساپاسىن ارتتىرۋعا باعىتتالعان.
«مەنىڭشە, وتە دۇرىس. سەبەبى الماتى ¬– قازاقستاندا جالعىز. ەندەشە, قالاداعى 8 اۋدان تۇرعىندارىن دا ورتالىق, شەت تۇرعىنى دەپ بولە-جارۋدىڭ نە كەرەگى بار؟!», دەدى الماتى قالاسى قوعامدىق كەڭەسىنىڭ مۇشەسى قۇسمان شالاباەۆ.
«قابىلدانعالى وتىرعان الماتى قالاسىنىڭ 2050 جىلعا دەيىنگى دامۋ ستراتەگياسىن قولدايمىن. بۇل الماتى ءۇشىن اسا ماڭىزدى قۇجات دەر ەدىم. سەبەبى, ءبىزدىڭ قالادا وزگەلەردە جوق ءۇش ەرەكشەلىك بار. الماتى جوعارى مەن تومەنگە بولىنەدى. بۇل تەك تاۋعا عانا قاتىستى دۇنيە ەمەس. تومەن جاقتا از ايلىق, ارزانداۋ باعا, ءومىر ءسۇرۋ ساپاسىنىڭ تومەندىگى بايقالادى. باعدارلاما وسىنداي كەدەرگىنى الىپ تاستاۋعا باعىتتالعان. قالا بىردەي دامۋى ءۇشىن قولعا الىنىپ وتىر. ونى حالىق ءتۇسىنىپ, تالقىلاۋعا قاتىسۋى كەرەك», دەدى الماتى قالالىق ءماسليحاتىنىڭ دەپۋتاتى جاننا تولەگەنوۆا.
قازىرگى ۋاقىتتا «قۇرامىس», «تاۋجولى», «اقجار», «جايلاۋ» شاعىناۋداندارىنىڭ جوبالارى بويىنشا مەملەكەتتىك ساراپتاما قورىتىندىسى شىعارىلىپ, قالعان شاعىناۋداندار بويىنشا جوبالار ساراپتامادان وتكىزىلۋدە. ەگەر قۇرىلىس جۇمىستارى مەملەكەتتىك ساراپتامانىڭ وڭ شەشىمىن الىپ, ءتيىستى قاراجات بولىنسە, اتالعان ماسەلەلەر ءوز شەشىمىن تابادى. حالىقتىڭ بۇل ماسەلەگە تۇسىنىستىكپەن قاراعانى ءجون. ويتكەنى, بۇل جۇمىستار وتە كۇردەلى ءارى ءبىراز قاراجات پەن قاجىرلىلىقتى قاجەت ەتەتىن شارۋا. قالا باسشىلىعى الماتىعا جاڭادان قوسىلعان اۋداندارعا ورتالىقتاندىرىلعان سۋ قۇبىرىنان اۋىزسۋ ىشەر كۇن الىس ەمەس دەپ وتىر. وعان قالا باسشىسىنىڭ «شەتسىز قالا» باعدارلاماسىنىڭ دا تيگىزەر كومەگى كوپ بولماق.
گۇلبارشىن ايتجانبايقىزى,
«ەqemen Qazaqstan»
