ايتا كەتەيىك, اتىراۋدا مۇنداي مەگافەستيۆال العاش رەت ءوتىپ تۇر. فەستيۆال ماقساتى - ۇلتتىق ونەردى ناسيحاتتاۋ, الەمگە قولونەردىڭ باسەكەگە قابىلەتتىلىگىن كورسەتۋ.
اتىراۋدا ىرزا تۇرسىنزادانىڭ شاراسى اياسىندا كوپ بالالى, از قامتىلعان, جۇمىسسىز ايەلدەرگە ۇلتتىق قولونەر بويىنشا شەبەرلىك سىنىپتارى ءوتتى. كونكۋرس قورتىندىسىمەن وبلىستىق اكىمدىكتىڭ قولداۋىمەن 25 ۇزدىك قاتىسۋشىعا تىگىن ماشينالارى سىيعا بەرىلدى.
-7-8 بالالى انالاردىڭ ۇلتتىق قولونەردىڭ ارقاسىندا ءوز ەڭبەكتەرىمەن تابىس تاۋىپ وتىرعاندارىنىڭ كۋاسى بولدىق, ولاردىڭ كوپشىلىگى مەكەنجاي الەۋمەتتىك كومەگىنە دە مۇقتاج ەمەس. قولونەر كۋرسىنان وتكەن ايەلدەر ءوز ىستەرىن اشىپ جاتىر, ۋاقىت وتە كەلە وتباسىلىق بيزنەستەرىنە اينالدىرۋدا. بۇل كەرەمەت. بىرىنشىدەن, ولار ۇلتتىق سالت-ءداستۇردى ساقتاپ, ۇرپاقتارىنا تابىستايدى, ەكىنشىدەن, تابىس تاۋىپ, جولداستارىنا كومەكتەسەدى, بۇل ۇلكەن ەڭبەك. وسى وقۋ كۋرستارىن ۇيىمداستىرۋعا قولداۋ كورسەتكەن ايماق باسشىسى نۇرلان نوعاەۆقا العىسىمىز شەكسىز,-دەدى پرەمەر-ءمينيستردىڭ ورىنباسارى بەردىبەك ساپارباەۆ.
فەستيۆال اياسىندا ۇلتتىق ونەردى قولدايتىن ايەل-كاسىپكەرلەردى ماراپاتتاۋ سالتاناتى ءوتتى. ەرەكشە كورىنگەن قاتىسۋشىلارعا ەستەلىك سىيلىقتار بەرىلدى.
-مەن جەتى بالانىڭ اناسىمىن, وتكەن جىلى ىرزا تۇرسىنزادانىڭ كۋرسىن اياقتاپ, تاپسىرىسپەن قۇراق كورپە تىگە باستادىم. قازىر وسى باستامام وتباسىلىق بيزنەسكە اينالدى, كەلىنىم ەكەۋمىز شاعىن تسەح اشتىق. مەن ماك-كە مۇقتاج ەمەسپىن جانە وسى ارقىلى تابىس تاۋىپ وتىرعانىمدى ماقتان ەتەمىن,-دەدى پرەمەر-ءمينيستردىڭ ورىنباسارىنا يساتاي اۋدانىنىڭ تۇرعىنى جانار قادىروۆا.
ەسكە سالساق, «كورپە Fest» مەگافەستيۆالىنىڭ اشىلۋى نۇر-سۇلتان قالاسىندا قر پرەمەر-ءمينيسترىنىڭ ورىنباسارى بەردىبەك ساپارباەۆتىڭ قاتىسۋىمەن ء وتتى. فەستيۆال بارلىق ايماقتاردا ۇيىمداستىرىلادى.
